السلام عليكم

انا أشتغل في شركة الهوشان بوظيفة فني آلات تصوير براتب 3044
وجاني قبول في برنامج اللغه الأنجليزيه المكثفه التابعه للمؤسسه العامه
ووقت البرنامج من الساعه 8 صباحا إلى 4 مساءا
ومدته خمسة شهور

أريد أن أستشيركم هل أدرس أم أشتغل
والله أني أنا محتار

إذا تقدر تجمع مابين الأثنين فهذا أفضل.

وإذا ماقدرت فانا افضل اللغة الأنجليزية على الوظيفة.

لأنك باللغة الانجليزية راح تنفتح عليك أبواب الوظايف بكل سهولة.

والله يوفقك

الله يعطيك العافيه يابوعلي
حاولت مع المدير لاكن المدير رفض

والله راتبها حليو بس موللعمر كله.يعني ماتعيشك صح إلا وإنت عزوبي لكن عقب الزواج صدقني بتقول راتبها مايسوى.

الإنجليزي بالنسبة لي أفضل من الوظيفة وصدقني هذا الراتب سهل تلقاه إذا عندك لغة إنجليزية.

وانت شاور أهل الخبرة يعني حاول تجلس مع أحد فاهم وشف وش يناسبك.

وانا بعطيك الحسبة للراتب والصافي لك منه.

أول شي إنت راتبك 3044 نقص منه التأمينات الأجتماعية يطلع 2771ونقص منه أكل بطنك تقريباً 500 ريال يطلع 2271 ريال ونقص بانزين السيارة 110 ريال يطلع 2161 ريال صافيه لك كل شهر.

وفي بعض الأشياء ماحسبتها لك وكذلك هذه الحسابات تقريبية يعني يمكن تصرف أكثر من كذا خاصة لو إن الوظيفة في منطقة بعيدة عن منطقتك الرئيسية ويمكن أقل .
وإذا إنت تحس إنك محتاج الوظيفة وأهلك محتاجينك تصرف عليهم فأنا اقول لك خلك في الوظيفة احسن لك اما إذا إن حياتك المعيشية مع أهلك متوسطة وامورك طيبة فحاول تستفيد من الدورة.
والله يوفقك.

لو تاخذ اجازتك السنوية + 4 اشهر بدون راتب عشان تمسك وظيفتك و تدرس افضلك

واستخير
ولا خاب من استخار
والله يوفقك
و اي شي تحتاجه انا في الخدمه