يابنت تغطي اللي قدامك سعودي؟

مجنون أبتسام · #1 (**permalink**) 17-09-2007, 05:42 PM

السلام عليكم ورحمة الله وبركاتة

يابنت تغطي ...... قدامكـ سعودي

**

عــادة العين أصدق من الأذن وهناك العديد من المشاهد التي تلفت الانتباه

خـاصه حينما نسمع مقولـــة !!

تغطي يابنت هذا سعودي!!

لمــاذا ؟!! لمــاذا ؟!!

الموضوع صريح ويتحدث عن واقع نعايشه

بعض من هذه المشاهد :

المشهد الأول

:: :: :: ::

فتاة تتحدث مع أحد العمال الأجانب وتسولف معه وتأخذ راحتها معه ويدخل سعودي
تغطي كأنها ما كانت تكلم رجال زيه زي اللي دخل وتغطي يا بنت سعوي.

المشهد الثاني

:: :: :: ::

إمرأة تخرج للسواق أو العامل في المنزل بملابس عادية لا عبايه ولاهم يحزنون بحجة
أنه أجنبي عادي تكلمه بدون ما تغطي عليه ولو دق الباب سعودي قالت تغطي يا بنت
سعودي.

المشهد الثالث

:: :: :: ::

بنت تطلب عشاء من أحد المطاعم وطبعا يجيبها عامل توصيل الطلبات تخرج تستقبل
وتأخذ منه الطلب مع الشكر
والتقدير وتغطي يا بنت سعودي.

المشهد الرابع

:: :: :: ::

مجموعه من الفتيات في أحد المجمعات أو في أي مكان ودهم يسألون عن شي
صادفوا شخص لابس جينز وقميص لو سمحت يرد سمي آووه آآآآسفين
وتغطي يابنت هذا سعودي < طلع سعودي.

وغيرها من المشاهد كثيرر
طبعا كل المشاهد بمباركة الأب والإخوان وشيء طبيعي لو شاهد ابنته أو أخته تتحدث
مع أجنبي بعكس أن هي تحدثت مع سعودي !! .....

قد يكون هذا التصرف عن غباء أو جهل إلخ.... من الممكن أن تكون هذه الفتاه
على خلق ومحترمة لكن لم تجد الموجه لها
وكما هو معلوم ... قد تكون السعودية هي البلد الوحيد الذي ينفرد بكون الرجال هم من يبيعون اللوازم النسائية ..... حتى الملابس الداخلية ..... والماكياج .... وأخص خصوصيات الأنثى ؟؟؟

ولا أريد أحدثكم عما يحصل في سياراة الليموزين (( التكسي ))
لأنها وبكل اسف غنيه عن التعريف
وفي الأخير أنا لأأقول أن هذه المشاهد تحصل في
مجتمعنا السعودي كله ولكنها تحصل في أغلبه

انا اقول الفتاه التي تخاف على نفسها وتخاف من ربها اولا واخير

ماراح تقول هذا
أجنبي مره عادي ماراح يشوفني بعد اليوم والسعودي عيب عاداتتنا انا اقول كلهم
رجال ..

وعندي اضافه بعد مهمه :
وهي انه في بعض المحلات خصووصا الماركات يكون اللي يبيع فيها اجنبي سوري او لبناني او مصري
لو طلبت منه البنت غرض بيقول كرمال عيونك او على راسي من فووق او من عيوني البنت هنا وش بتسوي بتسكت او تبتسم
طيب تخيلوووووووووا ن اللي يبيع سعوودي وقال من عيووني يالغاليه او انتي تامرين امر
وش بتكوون ردة فعل البنت ؟؟
وفي الاخــــير أحببت ان انبه لا أكــــثر....

وشاكرين لكم
اخوكم / مجنـــــــــــــــــــــ أبتسام ــــــون

abdulaziz1414 · #2 (**permalink**) 17-09-2007, 05:57 PM

موضوع مهم جدا ولكن هناك اسبااب كثيره
منهاا ان السعودي اغلبهم فيهم لقافه زايده
لذالك البنات يستحون منهم ويتحاشون الاحتكاك معهم
وممكن يكون من البنات وعقليتهم الخفيفه اللي يفكرون
ان السعودي حرام عليه الشي هذا والاجنبي لا مايلحقهم ذنب

وحي القلم · #3 (**permalink**) 17-09-2007, 06:41 PM

موضوع جميل وواقع ملموس
وبالات هذي :

انه في بعض المحلات خصووصا الماركات يكون اللي يبيع فيها اجنبي سوري او لبناني او مصري
لو طلبت منه البنت غرض بيقول كرمال عيونك او على راسي من فووق او من عيوني البنت هنا وش بتسوي بتسكت او تبتسم
طيب تخيلوووووووووا ن اللي يبيع سعوودي وقال من عيووني يالغاليه او انتي تامرين امر
وش بتكوون ردة فعل البنت ؟؟

والله ماقدام عيوني غير الباب

لابد أن يكون لدى البنات وعي أكثر بهذه المسألة
وجزاك الله خير
طرحت موضوع حساس ومهم وجايتك ردود البنات الله يعينك

metoo23 · #4 (**permalink**) 17-09-2007, 08:13 PM

ممكن احنا نخوف ولا شينين بالمره انا انصح الشباب بأن يشيلوا التكشيره نهائياً وتغطيب الجبين ولا أشوف واحد فيهم لابس ثوب
ههههههههه

samah1123 · #5 (**permalink**) 17-09-2007, 09:02 PM

لا مو السبب ان هذا اجنبي ماراح اقابله بعدين....وهذا سعودي ممكن يعرفني وللا يشوفني وللا.....
السبب انه سعوووووووووووووووووووووووووووووووووووووووووووووووو ودي
مفهومه مايبيلها .
انا بنوته...وانا اقولكم.

دمعة مفارقه · #6 (**permalink**) 18-09-2007, 12:48 AM

لان بعض السعودين يعطون انطباع مو حلو للسعودين .. وبعضهم مشاء الله عليه محترمين

النسبة طاييييحة · #7 (**permalink**) 18-09-2007, 01:25 AM

هههههههههه موضوع رائع

السعودين الله يهديهم يقزون عيونهم قز

ام الاجنبي في حالة

ولاكن ليس الكل

ولاكن هذا لايجيز الاجنبي ويحرم السعودي

أميرة السلطان · #8 (**permalink**) 18-09-2007, 02:09 AM

موضوع رائــــــــــــــــــــــــــــــــــــــع جدا تسلم يدك
ولله كلهم رجال والرب واحد والذنب واحد

حزن الأصايل · #9 (**permalink**) 18-09-2007, 02:15 AM

والله حاله
بس انت عارف
لان الاجنبي الوضع فري عنده لان بنات دولته يكشفون ومو ميت على وحده تكلمة يعني عينه مليانه
ام السعودي مايشوف غير العبايه السوداء
أختك
حـــــــــــــــزن الأصــــــــــــــايل

ملاك الروح · #10 (**permalink**) 18-09-2007, 02:23 AM

السعودي عيونه طويله لان الحريم عندنا دايم بالعباية اما الاجنبي متعود على البنات ومايطالع لوحده مغطية
لكن هذه نظرة المجتمع ومستحيل تتغير لان الشباب السعودي فرض هذا الشي