اذا تبي تطور ذاتك ومهاراتك أختر مبرمج على المرتبه السابعه ..

اذا تبي الراااحه .. عليك بالمدرس :D

الي يقول مدرس راحه بس راحه بلاجازات
المدرس مايقدر يستاذن بلعمل
المدرس امراض وقلة حياء وصراخ واشكالهم سبحان الله وحده سستم واحد
المدرس مافيه تطور في نظام حياته يعني مكانك سر بس علاوه سنويه وبس
المدرس له بسنه شهرين اجازه الى شهرين ونص بس هذا الي يفرق بينه وبين الموظف والموظف احسن بقوه
المبرمج يقدر يكمل دراسته بكل سهوله ومن دون تعقيد
لك شهر بسنه و 15 يوم اظطراري
يكفي انك موظف حر نفسك ماتمشي ومعك 30 بزر يمشي وراك

ياخي مات تفكير الشياب مدرس وخرابيط نصيحه روووح مبرمج ابرك لك بالف مره

صوتت مدرس
بس بالاخير القرار لك انت تعرف اكثر مننا يعني كم رواتبهم وفاي منطقه وكيف دواماتهم و..و..والخ ادرسها صح واستخير بالله ثم قرر وبالتوفيق لك

ههههههههههه

صوت مبرمج >> والمنافسه متعادله تماما ههه


اخوي المدرس ماله قيمهـ يجي الطالب وولي امرهـ ينافخووون عليه وهووووو ساكت ههه اللهم لا شماته

يا أخوي أقول لك شي
مبرمج أحس أنها أفضل

لاكن أنت أستخير و خذ اللي ترتاح لها
وعطني الثانية

بالنسبة لي المبرمج أفضل .. و لو إني مكانك ما احتار .. تدري ليه ؟ لأني ما أواطن شي اسمه تدريس ..

عمي قال كلام ما أنساه أبد و كل ما شفت وظائف شاغرة بالتدريس أتذكر كلامه و أعافها لأن كلامه مقنع

ما شاء الله عليه .. يقول : ( المعلم هو أكثر موظف مظلوم .. تدرون ليه ؟ لأن يعاشر ناس أقل منه مستوى

ثقافي "يقصد الطلاب" أو ناس بمستواه الثقافي " يقصد المعلمين و الإداريين و المدير براسه" فيجلس على

نفس مستواه ما يتغير .. تمر سنين و سنين و هو مكانك سر مقارنة بغيره من الموظفين ) .. كلامه هذا يرن

بأذاني لأنه منطقي و أشوفه واقع في اللي حولي ..



استخير و شوف .. اكتب ايجابيات و سلبيات كل وظيفة .. و إن صفت ع الإجازة ترى الشهر أخو الشهرين و الشي

إذا كان شوي زادت حلاته ..



الله يوفقك و ييسر أمرك ...

مبرمج وانت مغمض

لاكثر من سبب
- المبرمج كل ماتزيد خبرته كل ماارتفع سعره بسوق العمل عكس المدرس كل ماشيب كل مازادت امراضه بسبب الصراخ عالطلاب والمنهج الروتيني اللي بتقعد تقابله طول عمرك

- مايحتاج تقعد تحضر دروس ومقابل الطلاب اللي فيهم جميع الانواع المجتهد وقليل الادب والمزعج والبثر و و و الخ بعكس وظيفتك كمبرمج تقابل اللي معك بالمكتب وكلهم نفس تفكيرك ونفس اهتماماتك

- خبرتك ومهارتك كمبرمج تزيد بعكس المدرس اللي يقل تحضيره للدروس فقط لاغير

- فيه خارج دوام ودورات وكلها لها مردود مالي ممتاز

- خبرتك كمبرمج ممكن تستغلها في العمل الخاص

باختصار تبي تعيش على روتين واحد طول حياتك رح للتدريس اما اذا كنت تبي تطور نفسك رح للبرمجه

الله يعطيكم العافيه ماقصرتوا والله

صدقني المدرس أفضل بكثيييييييييييييييييييييرلأنه كل اللي عندك مستواهم التعليمي عااالي جداً وليس كالموظفين المدنيين تلقى بالمكتب الثانوي والدبلوم واللي مامعه شهادة والبكالوريوس قااعدين بمكتب واحد والفرق 1000 ريال في الراتب فقط
والمصيبة أذا كان رئيس القسم أو مدير المتابعة بالذات واحد أقل منك مستوى تعليمي والله تحس أنك مهااااااان قدام هالأشكال اللي تتحكم في من هو أعلى منه مستوى هذا غير الواسطات والمحسوبية بعكس التدريس الذي لا تجد من ذلك شيئا لأنه الكل في المدرسة سواسية لا منااصب و لا فرق في المستوى التعليمي

فخلك مدرس وأنا أخوك أحسن لك

مدرس يارجال بلا وزارة الدفاع بلاه هم ابعد عن اي شي تشم فيه ريحت عسكريهمدام معك شهاده

ولاتنسى العطله مع عيالك نايم ~~