[align=center]
ياعالم ياناس

واحد من قرايبي كلمني الان

الرجال عسكري له 10 سنوات

واليوم بالصدفة ولطف من الله اكتشف ان عنده عمال مسجلين باسمة وسجل تجاري ومؤسسة

تخيلو ياعالم مؤسسة باسمة وهوو عسكري >>> هذي لو اكتشفوه فيها فصل

الرجال يقول عطيت واحد من قرايبنا وكالة قبل 10 سنوات

فقط لاستقدام عامل باسمة وكان اخوي طالب عسكري قبل مايغير مهنته بالاحوال

المهم الرجال خلال 10 سنوات طلع باسمه وقريبي مايدري مؤسسة وعمال

وش الحل يااخوان كيف طلعها الوكالة تجدد كل سنة

كيف هالشخص قدر يستخدم وكالة 10 ىسنوات

الرجال خايف على وظيفته ورزقة ورزق بناته الان



حسبي الله ونعم الوكيل الدنيا ماعاد فيها امان

تخيلو الشخص الي ماخذ وكالة قريب للعسكري وقرابة قوية بعد

وشوفو كيف سوا فيه

تكفووووووووووون شورو علي والله ماذكرت الا انتم عشان القى حل لمشكلة الرجال
[/align]

الله يعينه على الظالم يارب

ودائماً نقول غلط تعطي أحد وكالة حتى لو اخوك لأن كل شي صار يسير بهالدنيا

حسبنا الله ونعم الوكيل

بسيطه ولله الحمد كل شي باسمه صح يتجه للمحكمه رقم واحد ويلغي الوكاله وبعده يروح للغرفه التجاريه ويلغي السجل التجاري بدون ذكر انوه موظف وخلاص وشف العامل كم له سنه اذا كان لهم اكثر من سنتين ينقل كفالتهم وانا اعرف واحد ينقله اذا مالقيت راسلني خاص ولك مني جزيل الشكر

يروح ويلغي كل شي بأسمه

طبعا هذاك طلع السجل بالواسطه كل شي يصير عندنا اذا صار عندك واسطه

بعدين ترا فيها مشاكل لو اكتشفوه لكن قبل مايسوي شي لازم يسال وش بيصير مثلا اذا جا يلغي الوكاله او اذا جا بيلغي السجل

يتوجه لأقرب محامي تخصص اوراق تجارية وهو يدله على افضل طريقة

الدنيا ماعاد فيها امان الله يهديه بس خله يسأل محامي قبل لايسوي اي شيء
الله ييّسرها