تسجيل الدخول
|
|||||||
تأسس الموقع عام
2006
Site was established in 2006
|
|||||||
| إستفسارات ونتائج وظائف القطاع الخاص لإستفسارات ونتائج وظائف القطاع الخاص فقط |
| أضف رد |
|
|
LinkBack | أدوات الموضوع | انواع عرض الموضوع |
11-10-2010, 11:39 PM
|
|||
|
|||
|
عرض وظيفي من ماليزيا , اروح ولا لا ؟ :( ومساعدتكم في سمعة الشركة
السلام عليكم اقتباس:
صح اني اقدم على شركات في موقع بيت , بس اختار الوظيفة تكون داخل السعودية ومن كثر الشركات اللي قدمت عليها انسى مين اللي قدمت عليه ومين اللي ماقدمت طبعاً هذا الملف المرفق اللي طلبوني اني اطبعه واعبيه واوقعه وارجع اسويله اسكان وارفعه لهم على الأيميل وارسله http://www.4shared.com/document/EdmCIA3I/Employment_Interview_Form.html ارسلت لهم الأبلكيشن بعد ماعبيت كل شئ رجعوا ردوا علي برسالة اقتباس:
ردوا علي اليوم , يعني بعد 11 يوم << ليت الدوائر الحكومية والشركات عندنا زيهم  اتصلوا علي من رقم 031099000 قبل ماأكمل , رجعت اتصلت على الرقم بعد فترة عشان اتاكد من اسم الشركة اعطاني , مكالمتك لاتتم حسب الطريقة اللتي استعملتها تاكدت انه رقم خارجي , والسبب اني يوم كنت اتصل على اهلي من بريطانيا كان يجيهم رقم جوال من داخل السعودية متصل عليهم مع ان رقمي كان بريطاني << كونان من يوم يومك نرجع نكمل , اللي اتصل علي يتكلم بالإنجليزي هو :المهندس محمد , انا :تفضل معاك انا (يعني معاك محمد) << لحد يدقق هو :انا من شركة Rusek Construction Company Berhad سبب اتصالي هو ابلاغك بأنه تم قبولك معانا في الشركة , ونحتاجك تباشر معانا يوم 15 Nov هل بإمكانك الحضور خلال شهر في ماليزيا انا : بأحاول بقد ماأقدر هو : هل انت متزوج ؟ , لكي نرتب لك امور السكن اذا كان سكن بعائلتك او اعزب ؟ انا : لست متزوج , لكن زواجي الصيف القادم هو : اوكي , سوف ارسل لك العرض الوظيفي على ايميلك الآن , ارجو منك توقيعه وارساله لنا مرة أخرى انا : بإنتظار عرضكم هذا الحديث دار بيننا الساعة 12:15 الظهر بعد ماقفل على طول , فتحت الأيميل وحصلت الرسالة والعرض الوظيفي اما من ناحية العرض الوظيفي فهو woooooooow المهم انا ماصدقت , ياولد انت باقي على سريرك تحلم , ولا الموضوع جد ولايمكن شارب لك شئ بالغلط وانت مو داري , أقرأ زين واللي يرحم والديك << اكلم نفسي ارجع للعرض واجلس نص ساعة اقلب فيه ابغى اتأكد هذي رسالتهم اليوم اقتباس:
ماأدري , هل هي شركة وهمية , اذا كانت شركة وهمية وش اللي يبونه مني ؟ ماطلبوا رقم الفيزا او غيره هل هم الأفارقه نقلوا لماليزيا واتطوروا وصاروا بدال مايتصلوا جوال يرسلوا ايميلات عشان يسحبونك على خشتك ومن ثم يسرقون اللي في محفظتك <<< لاياشيخ ؟ اصلن بأكتلبلهم قبل اسافر اني بأجيكم والجيب فاضي من النهاية , يمكن يكونوا نصابين ويقولوا لاتجي خلاص خسرت الشركة راح اعطيكم نبذة عن العرض الوظيفي 1- مدة العقد : سنتين وتتجدد على حسب آداء الموظف <<حلو قريب من نظام شركاتنا 2- الراتب الشهري , 4100 دولار , حطوا تحت دولار مليون خط << هنا صدمتي الاولى يعني بالريال السعودي 15400 << ماقد حلمت يكون راتبي كذا لسى باقي , هي جت على الراتب , 3- توفير سكن لي كعازب او كمتزوج << يعني مافيه شئ اسمه ايجار ياحبيبي 4- شحن الاغراض من وإلى على حسابهم << مثلاً اثاث والبلاي ستيشن<< تفكير سطحي 5- عضوية للدخول لمنتجعات ومراكز ماليزيا <<< الفللللللللللللللة هنا 6- تأمين طبي شامل لك ولعائلتك 7- تعليم مدفوع لزوجتك وعائلتك << يعني مدارس بفلوس << يعني اهلية ومدرس مصري ويندهن بفلوس << اهم شئ لايكون يدرس خصوصي كل المواد 8- وجبات فطور وغداء وعشاء لك ولعائلتك مجاناً << حتى وظائف البيت الابيض ماسووها 9- تأمين على حياتك << حرام استغفر الله << مابأقول لخطيبتي عنها << اخاف تقتلني وتسترزق على حسابي  10- تامين الحماية لك في العمل وفي منزلك من السرقات او الإعتدائات لاسمح الله << اتوقع لو ابو متعب درى عن الوظيفة هذي قدم استقالته وراح ماليزيا اتوظف  11- لابتوب هدية + انترنت مجاناً غير محدود << موقع سيفين تورنت بيشتغل خخخخ 12- جوال + تلفون بفاتورة محددة اسبوعياً << بيوحشني الكول مي  13- النقل موفر لك بالكامل من الشركة لك ولعائلتك << يحلفون انهم بيعطوني مرسيلاجو 14- 2000 دولار سنوياً تذاكر سفر مجانية << هذي بصراحة قليلة , يعني هو الشئ الوحيد اللي خلاني اصدق العرض هذا 15- ساعات العمل 9 - 5 16- الإجازة السنوية 21 يوم << اذا العرض صدق ماأبي الإجازة , يكفي اني عايش بماليزيا << واهلك ؟  << هم يجوني خلصنا من المميزات نجي لمقتطفات من العقد العقد مدته 10 ايام , اذا لم يوقع ويرسل للشركة راح يتم الغائه تلقائياً في آخر العقد , يوجد توقيع مدير ال HR بتاريخ اليوم 11\10\2010 وختم الشركة << هذا اللي لحس مخي زياده وخلاني اهوجس المهم من خلال بحثي عن الشركة في النت لم احصل سوى موقعهم فقط , لايوجد اي اخبار عنها نهائياً هذا موقعهم http://www.rusekconstruction.com وحصلت موضوع مكتوب في منتدى او مدونة خاصة بماليزيا لشاب سعودي من الرياض يسأل عن الشركة , انا ماصدقت خبر سجلت ورديت عليه , بس للأسف محد رد علينا وشكلها الشركة وهمية  نعيش باحلام على الفاضي حسبي الله عليهم , اذا طلع صدق وهمية , فانا بأكره ماليزيا كره العمى ابغى اكلمه هالشاب وعشان كذا كتبت اسم الشركة بأول الموضوع وان شاء الله يطلع نتيجة البحث في قوقل بالموضوع هذا ويجي يشرفنا هنا ونستفيد منه ونفيده عن هالشركة هذا موضوع اخونا http://www.expat-blog.com/forum/viewtopic.php?id=49420 كلمت اختي وقلتلها ياأوخيتي صارلي كذا وكذا , وش رايك انتي ؟ قالت روح عشان نجيك الصيف ونتمشى في ماليزيا <<< هذا هم البنات في الأخير قلت والله مالي الا اخواني واخواتي في حلول البطالة هم اللي راح يفيدوني وينصحوني وش رايكم ياشباب .؟ اقدم استقالة واروح ؟ هل احد منكم عنده فكرة عنها او سمع فيها ؟ لو سمعت عنها حرف واحد والله راح تفيدني فيها بي انت قول وماعليك انا اخاف اتصل على رقمهم الموجود في ايميلهم وينصبون علي بالكلام معسول تعال ومدري شنو ويطلع في الأخير نصب في نصب انا اشك ان مكتب العمل وراهم ويبون سعودة خاص للمشرفين والمراقبين : والله ياأني تعبت وطولت في الموضوع , تكفون لاينحذف او احصله في الأرشيف انا هذا طبعي في كتابة المواضيع الطويلة , احب امتع القارئ حتى لو اني عايش بمشكلة كبيرة عشان لايطفشون من القراءة << تخبرون السعوديين مايحبون القراءة من ايام احمد واسماء طلب , ساعودني لو بكلمة , انا مواصل وطار النوم بسبب هالشركة ريحوني وقولوا انها وهمية او الموضوع فيه كذب وشك وغيره والله اني راح افرح اخاف اروح وانسحب على وجهي وارجع بدون وظيفة وزواجي الصيف الجاي بإنتظاركم ملاحظة : العرض الوظيفي موجود عندي , لتأكيد الموضوع والإطلاع عليه يرجى ارسال رسالة خاصة لأنه ملف PDF مكون من 7 صفحات 
|
|
11-10-2010, 11:47 PM
|
||||
|
||||
|
والله ياخوي اذاحبيت تتاكد روح للسفاره الماليزيه وتاكد من الشركه من السفاره لانه اغراء العرض بصراحه وموفق
|
|
11-10-2010, 11:52 PM
|
|||
|
|||
|
نسيت شئ
|
|
11-10-2010, 11:54 PM
|
|||
|
|||
|
|
|
11-10-2010, 11:59 PM
|
||||
|
||||
|
انا عندي لك فكرة ماتخرشش المية
|
|
12-10-2010, 12:00 AM
|
|||
|
|||
|
|
|
12-10-2010, 12:01 AM
|
||||
|
||||
|
خليك في بلدك افضل ك في اي وقت يفصلونك وقد انك ارتبطت وتزوجت وجاتك مصاريف حلها بعدين
|
|
12-10-2010, 12:04 AM
|
|||
|
|||
|
|
|
12-10-2010, 12:06 AM
|
|||
|
|||
|
الله يوفقك
|
| أضف رد |
|
(( لا تنسى ذكر الله )) |
|
|
| الكلمات الدلالية (Tags) |
| rusek construction company berhad |
|
|
العرض العادي
