السلام عليكم ورحمة الله وبركاته

اخواني انا واحد توني متخرج من الكلية التقنية بتخصص الكترونيات صناعية ونظم تحكم

وودي اكمل بكالريوس ..

فأبي اعرف الاماكن الي بتعادلي الساعات الي اخذتها من التقنية

الي سمعته ان جامعة الامير محمد بن فهد تعادل اللي يعرف كم تعادل ساعة يا ليت يعلمنا

وبرضو جامعة العربية المفتوحه

وجامعة البحرين

فلي عنده اي معلومه يا ليت لا يبخل علينا والجامعات الي تعادل للالكترونيات ..

لان المشكلة الدبلوم مايسوى شي ! وكل ما اروح مكان ابي اقدم من يوم اقولهم دبلوم يشوتوني ..

شباب نبي موضوع متكامل في الاماكن للي حاصلين على دبلوم وين يقدرون يكملون وكم عدد الساعت الي يعادولنها كل جامعة

واعذروني على التخبيص لانه اول موضوع اسويه

السلام عليكم ورحمة الله وبركاته


شـكرا لك وبارك الله فيك... لك مني أجمل تحية .

وعليكم السلام ورحمة الله وبركاته
الله يوفقك ويوفقنا جميع والله نتمنى موضوع كامل عن الكليات الى تقبل التكمله وكم تعادل وكم رسومها
ان شاء الله يجي من عنده معلومات اتمناء التوفيق للجمــيع

الله يوفقك


بخصوص التكملة في كلية خاصة بخريجي كلية التقنية

تكمل بكالوريس هندسه تقنية في التخصص اللي انت فيه

اللي هي كلية اعداد المدربين التقنيين

تتخرج بشهادة هندسه تقنية + شهادة تدريب ( تكون مدرس بأحد المرافق التقنية والمهنية )

انا كنت فيها ولكن للآسف الدراسه كانت جدا صعبة والله ماكتب لي التكملة ..

طبعا موقعها بالرياض وللأستفسار هذا الرابط تبعهم
w w w . t t c o l l e g e . o r g < مدري ليه يطلع مشفر امسح المسافات

من شروطها المهمة ان يكون عندك لغه انجليزيه جيد جدا لآن الدراسه كلها انقلش + الدكاتره المان وبريطانيه وامريكان

وفي كمان كلية التقنية بالرياض بـس موازي واللي اعرفه انه الساعه او المحاظرة بـ800 ريال ولكن مو متأكد من هالشي

اتمنى افدتك اخوي والله يوفقك ويسسهل امورك

[align=center] وعليكم السلام ورحمة الله وبركاته ...


اكثر اللي يتخرجون من كليات التقنية .. يحبون المواصله للدراسه .. لكن مقفله في وجهييهم للاسف

والدراسه تكون احتكار بالرياض .. ليه طيب مادري ؟؟

واذا تكمل بالرياض .. تكون تقني مدريب .. ولا تصنف مهندس ؟؟

بالنسبة لجامعه الامير محمد بن فهد .. تعادل دبلوم كليات التقنيه ومنها التخصصات الهندسيه ..

اللي هي : .. الكهرب و الاكترونيات و المكيانك ..

طريقتها : انك تسجل بموقع الجامعه وفيها ااختبار انجليزي ومقابله شخصيه بالانجلش

و الافضل تكون اللغه الانجليزيه قويه .. مو تمشي الحال لانه لو تمشي الحال راح تاخذ كورس انجلش .

رسوم التسجيل و معادلة الدرجات 500 ريال . المواد اللي تحت السي لا تحسب .

وسسعر الساعه 1800 ريال . وفي دراسه مسائيه . وتسوي جدولك مثل ماتبي.


الجامعه العربيه المفتوحه مافيها تخصصات هندسيه >> لا تتعب نفسك سوا اللي بالبحرين او السعوديه .

وبالنسبه لجامعه البحرين وهي الجامعه الحكوميه لالالاتقبل سعودين .. الا بشرط .. ان تكون مبتعث

او احد الابوين بحريني . ( اذا عندك واسطه شيئ ثاني ) ( معترف فيها بالسعوديه )

وبالنسبه للجامعات الخاصه بالبحرين للتخصصات الهندسيه . جامعتين

الاولى : الجامعه الخليجيه وفيها تخصصات هندسيه .. الكهرب و الالكترونيات و الميكانك.

للاسف الجامعه غير معترف فيها من قبل التعليم العالي السعودي ( يقولون القطاع الخاص عادي)

رسوم التسجيل و الاختبارات 200ريال اذا ماتغيرت . ورسوم الساعه الواحد 1000 ريال (100دي)

وعندك جامعه AMA في تخصص واحد هندسي وهو : الميكاترونكس

وهذا التخصص يشمل : 1- الكهرب 2 - الاكترونيات 3- الميكانيكل 4- الكمبيوتر

و التخصص هذا غير موجود بالسعوديه . ( قريبا جامعة الملك فيصل سوف تدرس هذا التخصص)

و الجامعه ايضا غير معترف فيها من قبل التعليم العالي السعودي .



وشكرا .. .. . .
[/align]

ياااااااااااااااااااا اخوان متى بتنزل جداول كليات الهندسة تجسير بجامعة الباحة
اللي سأل الجامعة لايبخل علينا
والي طلع اسمه في الاحياط يروح الجامعة ترى بيقبلوه انا سويت كذا محتاجين عدد اكثر