ما شاء الله تبارك الله , الله يوفقنا وإياك وكل مسلم

ماشاء الله تبارك الله

اعجبني طموحك واصرارك على تحقيق نجاحك

وماوقفتي عند حد معين

ربي يرزقك من اوسع ابوابه

بانتظار المزيد اختي

عدنا*
( نقلت المشغل والخياطه)*

طبعا اشتغلنا بالمشغل وبدا الرزق يهل والحمدلله طبعا انا مستاجره الجحر اقصد المحل ب1400 علي العقد القديم مع صاحبة الصالون الاولي بس جدده لي صاحب العقار بدون اي زيادة*

في يوم من الايام اكتشفت ان صاحب العماره اللي بها المشغل له فتره يراقب نشاط المحل وبس انتهي العقد طلبناه يجدده قال تري من الشهر ذا الايجار 2000 مع العلم انه صاله طويله معاها حمام انا قاسمتها قسمين فقط لا وبعد موقعه بوسط حاره ليته علي شارع تجاري*
*
طبعا قامت الدنيا وقعدت وارتفع ضغطي وصار يقول انتو تدخلوا بالشهر خمسين الف وانا مراقبكم *قلت لو ادخل هالمبلغ اللي تقوله بعطيك شهريا 3000 الاف

المهم اضطريت انطم وادفع له وفوق ذا مارضي يمدد مدة العقد خلاه سنوي يعني عنده نيه يرفع الايجار باي لحظه*

قررت ادور علي محل ثاني لو جحر بس اطلع من هذا اللي انا فيه*

وجلست ادور لما زهقت كله يا اما اغلي او خايس ورخيص ويبيله خساير ديكورات

وفي يوم شفت معرض مفروشات ثلاث ادوار واجهته قزاز مثل البنك وعلي شارع تجاري وكان حاطين لوحه للايجار وقلت ذا اكيد ايجاره غاااالي طنشته
*لما رحت المشغل شفت صاحب العقار جالس عند الحلاق بالشارع يسولف معه رجع ضغطي ارتفع اتذكرت انه باي لحظه بيرفع الايجار*
وقلت ليش ما اسال عن المعرض حتي لو كان اكثر من الفين اخذه ولا اجلس عند العله ذا*
المهم المفاجاه ان ايجار المعرض كان ثلاث الاف فقط*

طبعا استخرت وارتحت وقررنا نكلم المكتب نشوف اذا ياجرونه لنا
وطلب يعرف صاحب العقار الاولي عشان يساله اذا نلتزم بالسداد او لا ؟*
سالوه عنا قال والله انا ماودي امدحهم عشان انت تستفيدوه زبون لمعرضكم *

بس كان المصري تبع العقار الثاني اذكي منه قال دامك متحسف عليهم كذا هذا اكبر دليل ان ايجارك مدفوع انطم شوي وقال ايه والله والله يوفقهم بس .

استاجرنا المحل الجديد وكان يبغاااااااله شغل ديكور جامد لانه ساده مافيه غير بويه وسراميك*

جلست ست شهور اسوي الديكور لان السيوله اللي عندي دفعتها ايجار مقدم ست شهور
وصار كل ريال يدخلني يروح لديكور للمعرض كل شي مشي تمام بفضل الله*
*كان ترتيبه واختيار مكان الكفي والاستقبال واماكن الشغل صعب ويحتاج نستعين بمصمم ديكور ومافي فلوس تعرفون اسعارهم غاليه قررت امسك ورقه وقلم واشخبط واحاول اتخيل كيف راح يكون ترتيبه ومنا ومنا بدا يزبط الديكور وطبعا كنت اخذ براي العمال اذا يصلح او مايصلح لين خلصته وربي لما ادخله اقول كيف طلع معي كذا وكثير كانوا يسالون من المصمم وربي اضحك بداخلي واقول سبحان بس اتذكر اني بذيك الايام كنت ادعي ربي يهونها والاستغفار كان يوميا .
ونقلنا فيه وبعنا الاولاني لواحده وطلعت ماتدفع الا لما تطلع روحه قلت الحمدلله ربي اخذ حقي*

المهم كنت اخيط عند وحده اندنوسيه مااجيها الا بالسنه حسنه وكان عندي خياط لي
*رحت لها وقالت لي لما عرفت ان عندي صالون انا اخيط لزباينك وبينا بالنص بس طبعا في بيتها مو بالمشغل اللي هي تشتغل فيه .*
وجبت لها الخياط وبدينا .. وبعد فترة قالت لي اسافر وتعطيني فيزه اجي علي اسمك قلت لها لا * مابي اقطع رزق غيري وحتي لو رحتي ماراح اجيبك يعني انا ماحب احد ياخذ عمالتي اجي انا اسويها قلت لا وحاولت ورفضت .
استمرينا علي الخياط وبديت اكسب زباين والحمدلله وبعد فتره اتصلت بي الخياطه تقول مدام كفيل انا يبغي ينقل من المنطقة وعارضني للبيع في جريده وانا ابغي اروح مع انتي*
ماصدقتها وجبت الجريده ولقيت الاعلان وطلبت رقم كفيلتها منها وكلمتها طلع صحيح عارضين المحل كله للبيع واشتريتها منهم ب10000 الالف *
والحمدلله للان لازالت عندي وربي عوضني خير .*
*


الحلقه الجايه بقولكم علي التخبط اللي صابني بحث عن مشروع مجاله غير واكثر دخل بعد ماصارت عندي سيوله بس هالمره مو مشروع جنس ناعم مشروع رقاله *
*

تبارك الله .. عندي سؤال اختي هل معك رجل تعتمدين عليه بعد الله عز و جل او لحالك ؟

موفقة بإذن الله ... لك مني أجمل تحية .

سعد مساعد

روح الليل

دلع الحياة

الله يرزقنا ويرزقكم من اوسع ابوابه

رزه

ام المها

طبعا زوجي بس تقريبا في نصف المشوار يعني البدايات لحالي