[align=center]جاري الأنتظار.................عسى المانع خير أنشالله [/align]

لاحول ولا قوة الا بالله

يابنت ماني القصه

انتي بخير بسسس .....................!!!!!

ماشاء الله تبارك الله

الله يرزقك من واسع فضله

اعطيتينا امل

بسم الله الرحمن *الرحيم

طبعا هذا الجزء الفاصل في حياتي تقريبا*

مثل ماقلت لكم الامور صارت تمام. وفي يوم من الايام كنت في جلسه مع اخواني وكانوا يسولفون عن مشروع البرسيم وارباحه وانا كنت مستمعه*

طبعا انا طقت براسي لمبه وركزت في السالفه اكتشفت انه يبغالي سياره شاحنه او اقل شي دينا وسواق ومبلغ بسيط للشراء *البرسيم
والفايده تكون في الشراء من منطقه والبيع في منطقه ثانيه حتى يكون الربح كويس طبعا حطيت هالفكره براسي وقلت لابد يجي يوم وانفذها .

وفي يوم كنت ادور بالنت لقيت مشروع معدات ثقيله بس حسيت ان فيها صعوبه باللنسبه لمتابعه الشغل ويبيلها رجال وزوجي مو فاضي فاقترحت الموضوع على واحد من اخواني العواطليه ينتظر الوظيفه
صابه ضحك بشكل هستيري وانا هنا زعلت قال اتخيلك وانتي عندك معدات ولو بالمره تربطين الراس وتشرفين عليهم بنفسك ويضحك انا لاتعليق قال بصراحه انتي مخ ولو انك جيتي ولد ابرك وانا لازلت لاتعليق*
قالي انا معك قلبا وقالبا وش تبين تفهمين افهمك واذا انا مافهم فيهم بسالك ونفس الكلام جمعت شوية معلومات عن هالمشروع وركنته قلت مو وقته*


كان العائق في المشروعين السواق الامين والشغل
*
طبعا انا دايم طبعي ابدا المشروعين باقل التكلفه واجرب حتى لو خسرت ماتكون خساره جامده*
وبديت البحث عن سواق*
وكان في وحده من العاملات زوجها سواق شاحنه البنزين وسالتها اذا في احد من قرابته يبي شغل اعطيه فيزا قالت ولد اختي وهو شاطر واصلا سواق بمانيلا وقلت تم وطلعت الفيزا بس فيه شغله اسويها قبل كل استقدام احط شروط اولها انه اللي يروح من عندي احطه في القائمه السودا مايدخل السعوديه خمس سنوات (هو طبعا شرط تخويف ولا الحمدلله ماسويتها )*
وهذا الشرط طلعت فيه بعد معاناتي من بعض الاخوات اللي يجون الصالون وتحاول تغري العامله براتب ازود عشان تسافر وهي تجيبها .
وثاني شرط اذا كانوا يبون اجازه احسب لهم حتى اجازتهم براتب عشان يرجعون ياخذونها واحط زيادة الراتب بعد سنتين الخدمه اللي بالعقد مو قبل .

المهم بلغته شروطي ووافق وجاء
*
جاء واشترينا السياره وكانت دينا مقاس كبير بس كانت فيه لخبطه بسالفه ايجاد الشغل وهو جديد مايعرف احد فقررت ارجع لموضوع البرسيم اشتري ويحمله ويروح يبيعه وهذا الموضوع ساعدني فيه اخوي راح معه وعلمه ايش يسوي وكيف البيع وصار اي شي يكون عليه طلب بالموسم اللي احنا فيه نشتري ونررسله لمنطقه ثانيه ويبيع وصار في الرجعه يحمل معه لناس يعني بدأ يجيب شغل والحمدلله صارت الامور من احسن لاحسن*
جاء في يوم وقال لاخوي لو نجيب شاحنه افضل تشيل اكثر وربح اكبر*
لما شفت ان الشغله باذن الله مافيها خساره وربحها ممتاز قررنا ناخذ شاحنه بس من وين ؟؟؟
وكيف ؟*

وفي دخلت نت وبحثت بموضوع المعدات وبعد تردد واستخاره قررت اشتري طبعا دخل بذاك الوقت الصيف وكان عندنا ضغط بالمشغل واجلت موضوع الشاحنه لين افضى

وقرر زوجي نروح اوربا سياحه وسالت اذا بنمر المانيا قالي احنا مو مع قروب يعني نستاجر سياره ونمشي على راحتنا بدون قروب قلت اوكي بس شرط نمر المانيا*

رحنا ومرينا المانيا وقلت له ابي ادخل مكتب كان بنهاية الشارع تبع بيع سيارات قالي اش ناويه عليه قلت شاحنه*
قال شلون ولا انا ولا انتي نعرف ايش الانواع والمطلوب هناك واللي يتحمل جونا قلت نسال ونشوف ماحنا خسرانيين شي واذا احترنا نتصل على العيال يسالون لنا او ندخل النت ونقرأ*
قالي تراها شاحنه مو سلق بيض يعني مبالغ مو هينه*
المهم دخلنا هو سال عن سياره له وانا سالت عن الشاحنه طبعا الموظفه صارت تقولي مواصفات سيارته اللي يبيها وانا اهز راسي
*هو توريه انواع الشاحنات انا هنا كنت ساكته *زوجي فطس ضحك*
اقوله اش فيك قالها هذي اللي تبي الشاحنه مو انا طالعت فيا وابتسمت .
وطلعت ماخذت شي بس سجلت بنوته الاسعار والانواع المرغوبه عندنا بالخليج لانها طلعت لي بانواع ومقاسات وحموله كم تشيل و...و... وانا هذا كله ماعندي خلفيه عنه*
ودخلنا مكتب ثاني وقالوا لي من يومين كان فيه معرض فاتنا قلنا المهم واعطونا الموصفات والمرغوب بالخليج وسجلت كل شي واخذ زوجي سياره وشحنها وانا طلعت صفر اليدين*

المهم رجعنا السعوديه لاحظت فيه فرق بالسعر بعد الشحن والجمرك مو ذاك اللي مره بس ممكن يكون فيه فرق ومربح لو كانت اكثر من شاحنه وغير كذا عندهم حاجه اسمها سنة التسجيل يعني لما تسال عن موديلها يقولون سنه مابدات بالشغل يعني يمكن تكون اقل بسنه او سنتين .
وكذالك الجمرك مايثمن السياره حسب فواتير الشراء حسب سعرها بالسوق السعوديه كم تسوى .

بعد شهر ونص رجع زوجي المانيا واخذ نوعين شاحنه وحده مرسيدس بنز ووحده فلفو*
طبعا انظف شي وافضل شي كان معروض له *واتكلنا على الله وبدينا شغل وطبعا بقول افضل مشروع مر علي مربح وممتاز بس مصيبه لاخربت قطعه *
*
هذا ماوصلت له لغاية الان*
طبعا انا امشي على قاعدة لاتضع البيض كله في سله واحده*
وهذا تعلمته بعد العثرات اللي مريت فيها بمشروعي الاول والحمدلله اي مشروع يمر بفترة ركود بس مااهتم له لان فيه غيره مشروع شغال والحمدلله كله بفضل ربي .



هذا ماوصلت له لغاية الان*

ادعولي
**
*
*

الله يوفقك ويزيدك من فضله.

الله ييسر لك مبتغاك ويحفظك من شر الحاسدين
وبالانتظار

:T humbs:

: tsfiq:

لاتعليق لا ادري ما اقول

ماشاء الله
اللي يتعب مايضيع تعبه وأنتي كافحتي ونلتي
عسى ربي يهنيك