22-11-2010, 06:29 AM
|
 |
عضو مهم جداً
|
|
تاريخ التسجيل: Mar 2010
المشاركات: 504
معدل تقييم المستوى: 34216
|
|
اقتباس:
المشاركة الأصلية كتبت بواسطة Ryan Al-harbi
^^
^
آخوي
عاطل *عاطل
يليت تعلمنى كيف طريقة الدورة ...
يعني كيف اول ماتصحى
واول اسبوع كيف تكون الهروله وكيف التصليب كم ساعه
زي كذا
اذا ماعليك امر
|
هلا بك يالغالي ولا يهمك
الدورة ياطويل العمر .. يصحونك قبل الفجر بساعه .. وبعد الصلاة تتوجه على الميدان .. ياخذون التكميل ( التحضير ) وبعدين يستلمكم مدربكم وتمشون على الميدان يمكن لفتين ( مشي ) وبعدين يقولون لكم ( وزنن ) يعني استعد لهروله .. وتبدا الهروله تدرجيا ً كل يوم يزيدون عليكم لين تصير عندكم لياقه كافيه .. ومدة الحصه 45 .. وبعدها يصرفونكم على الميز تفطرون .. وبعدين تتوجهون للسكن حق ساعه تقريبا ً .. ومن ثم تنزل للحصه الثانيه .. وتبدون يعلمونكم الحركات العسكريه ( الاستعداد بالعدد ، المشاه بالعدد ، وكل الحركات العسكريه ) تدريجيا ً كل حركه تاخذون فيها وقت مالا يقل عن اسبوع .. وعددها تقريبا ً 14 حركه .. وتستمرون على هالاسلوب لين تخلصون الأربعه اشهر الاولى .. وبكذا انت خلصت الفرد الاساسي .. وبعدها تبدا في الدورات التخصصيه اللين تخلص الدورة بأذن الله..
بالنسبه للتصليب .. شي تافه جدا ً يعني يصلبونك .. من 5 دقايق الى نص ساعه بالكثير .. وعادي انت وشطارتك تقدر تتحرك بس لا يشوفونك عشان لا يجازونك قدام خوياك وتصير انت الضحيه 
وغالبا ً مايصلبونكم الا اذا فيه شي صدر منكم سواء عدم انضباط او ازعاج وخلافه .. ويسمونها داخليه .
اهم شي اني انصحكم يأخوان بضبط النفس في الأيام الأولى .. وخلك نظامي قد ماتقدر .. لأن في اول الايام يبغون ضحيه المدربين يضحون بها قدام الطلاب عشان يخوفونهم .. فأحذر ان تكون انت الضحيه 
وراح تسمع كلااااام كثير في اول يوم تجي فيه .. ومعامله عنيفه جداً .. راح تحس بربكه وتحس بأنك في عالم ثاني .. لكن تأكد بأن هالشيء مر على كل اللي سبقوك وسمعوا نفس الكلام  وكلها يومين ويصير هالكلام عندك عادي .. ويزيد عندك معدل الصبر والبرود 
وانتبه من انك تفكر بالهروب .. او ماشابه .. اعرف بأن هالوظيفه ماجاتك الا بعد تعب نفسي وحب خشوم وغيرك الوووف يتمنونها .. خلك ذيب وحط راسك مع الروس واصبر على الدورة .. فكل اللي يمر عليك يمر على كل عسكري مستجد من رتبة جندي الى ضابط .. يتمرمطون في بداية الدورة وبعدين راح ترتاح طول عمرك وتأمن مستقبلك ومستقبل عيالك ان شاء الله 
واي اسئله اقدر افيدكم فيها ابشورا بسعدكم
|
العرض العادي
