20-10-2010, 06:04 PM
|
 |
عضو مهم جداً
|
|
تاريخ التسجيل: Mar 2007
الدولة: اسكن في بلد الحرمين
المشاركات: 667
معدل تقييم المستوى: 72054
|
|
اقتباس:
المشاركة الأصلية كتبت بواسطة عذب السجآيا
[align=center]
بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
اليوم رحت لديوان المظالم بالرياض كما وعدتكم لـــــكـــي أستفسر عن نتائج المقابلآت الشخصية ، والأسئلة المحددة التي وضعوها الأخوان جزاهم الله ألف خير طبعاً هالأسئلة تهم جميع المتقدمين على وظائف ديوان المظالم بمختلف المراتب سواء المرتبة السادسة أو الرابعة وهذي هي الأسئلة
الصراحه اسئلة نموذجية من بعض الأخوه الله يجزاهم خير
س1- هل هناك اختبار سواء حاسب او غيره ؟؟ وهل لجميع الوظائف ؟؟ وما هي الوظائف التي فيها اختبار ؟
س2- اذا كان فيه اختبار هل سوف يكون قبل الحج او بعده ؟؟ واذا لم يكن هناك اختبار متى راح تكون المطابقه للشهادات ؟؟
س 3- كم عدد الوظائف والاحتياط ؟؟ ********>> لكثرة الاحاديث حول هذا الموضوع
س4- متى يبدا الدوام للمقبولين ؟؟؟
المهم ياشباب وصلت لديوان بعد صلاة الظهر وبعد ما عطيت ثباتي لحارس الأمن على طول طلعت لمركز دعم القرار بالدور الثاني عشر استفسرت منهم وما أشفو قليلي تلقفت على واحد من الموظفين وهو معدي فوق وسئلته قال ليه انزل لدور الثامن لشؤون الموظفين عند عبد الله المعجل احسن نزلت وسئلت برضه نفس الكلام مافيه اجابات محدده كلها مجرد توقعهات قلت اللي نعرفه من معلومات في المنتدى اكثر من الي قلتوه لنا الصراحه ضاق صدري قالولي ارجع لمركز دعم القرار عند ابراهيم البطي كل شي عنده رجعت دورته ولا لقيته مافيه غير الموظف الي سئلته أول مره قطيت وجهي على واحد لقيته باللفت وانا نازل تحت قلتله انت موظف هنا الرجال كبير سن وملتحي مطوع يعني قال ايه موظف هنا أمر قلت يأبن الحلال من اليوم طالع لدور 12 ونازل لدور 8 على شان نتائج مقابلات الوظائف ولحد فادني بشي المهم قال ليه مالك الآ الشيخ عبد الرحمن أزكري الدور 11 هو المسئول عن لجان المقابلات الشخصية قلت بس جزاك الله ألف خير نزلت معه للمواقف ثم طلعت لدور 11 عند الشيخ عبد الرحمن ازكري دخلت على السكرتير حقه قلت أبي اقابل الشيخ الله يحفظك قال أبشر بس ترى وقته ضيق مره في أيش تبقاه كذبت عليه وقلتله موضوع شخصي أخذ اسمي وراح لشيخ وقاله ورجع قالي ادخل بس لا تطول قلت مهو أكثر من دقيقة دخلت وتربعت عنده المهم عرضت كل أسئلتكم عليه وهذي أجوبته لي .
س1- هل هناك اختبار سواء حاسب او غيره ؟؟ وهل لجميع الوظائف ؟؟ وما هي الوظائف التي فيها اختبار ؟ ج - نعم شي أكيد أنه بيكون فيه اختبار بالذات لوظائف التخصص ، مثل مشغل أجهزوة ومدقق لغوي وباحث شرعي وركز على وظائف اصحاب التخصص آما الوظائف الثانية مجرد اختبار طباعه عادي .
س2- اذا كان فيه اختبار هل سوف يكون قبل الحج او بعده ؟؟ واذا لم يكن هناك اختبار متى راح تكون المطابقه للشهادات ؟؟ ج - بعد صدور النتائج على طول الأمر يتعلق بوقت صدور النتائج ممكن قبل الحج وممكن بعده الآعداد المتقدمه هائله مرره .
س 3- كم عدد الوظائف والاحتياط ؟؟ ********>> لكثرة الاحاديث حول هذا الموضوع؟
ج - عددها كما هو موضح في الإعلان ( 930 ) وظيفة فقط . والآحتياط لآ بد أن يكون فيه أحتياط حتى أن الشيخ ضرب ليه مثل قال لون أننا قبلنا عدد معين وقبل ما يباشرون عملهم مات كم واحد منهم من وين نجيب موظفين لآزم نسوي مفاضلة ثانية ودوشة ومقابلات أكيد لآ ، نسحب من الاحتياط .
س4- متى يبدا الدوام للمقبولين ؟؟؟ ج - فور الأنتهاء من صدور النتائج واختبارات التخصص سوف يخضع المعين بالوظيفة لدوره تدريبية روتينية من الممكن ان تكون أربع أيآم أو اسبوع وتحسب له دوام رسمي .
هذا والله الموفق لما يحبه ويرضآه ،،، هذآ الجهد وعلى الله التكلان ،،،
[/align]
|
الله يعطيك العافية اخوي وربي يوفقك يارب لكن اقول مالقيت المدير حق المنتدي كامري الرياض مندوب المنتدي
|
عبد الرحمن ازكري ) أنآ كان ودي في أجوبه محدده وأحب أقولكم أني اللحيت عليه أنه يعلمني بموعد صدور النتآئج لكنه قال والله مالي علم بهآ أللي اعرفه انهم شغالين فيها حالياً وابراهيم البطي عنده الخبر الأكيد وزي ماقلتلكم ابراهيم البطي سئلت عنه ومالقيته قلتله طيب سمعنا أنه فيه شركه متخصصه مستعين فيها الديوان لفرز النتائج قال لآ هالكلام مهو صحيح من الذي اجرآ معكم الأختبار التحريري والمقابلات الشخصيه قلت له الديوان قال أجل خلاص ديوان المظالم هو المسئول عن فرز النتائج هذا كلامه ليه .
العرض العادي
