السلام عليكم


قصيدة لا أعلم من قائلها


[POEM="font="Simplified Arabic,5,white,bold,normal" bkcolor="transparent" bkimage="./images/backgrounds/95.gif" border="groove,3,silver" type=0 line=0 align=center use=sp num="0,black""]
لا هم .. لا غربال .. لا سل ..لا سوس=اكبر عدوٍ عندنا هالبطاله

نتعب على الاولاد وندوخ ونحوس=وتهدّم الاخلاق ناسٍ حثاله

واللي نقص ما يعرف الحق ويقوس=وش نرتجي باهل الكفر والضلاله

نشري العسل في وسطه السم مدسوس=الدش للتدمير يكفي لحاله

شف هالخدم جتك من الشرق بطقوس=يامن شراله علةٍ من حلاله

تلقى المره بالبيت برميل متروس=بس تشتكي من جسمها غير حاله

قلب الرجل من شغلها صار محموس=لا مرضعه لا مربيّه في عياله

لا جاء معاشه تنشبه عطني فلوس=تصير وسط البيت صاحب جلاله

والبنت جمله حطها داخل (القوس)=في المجتمع لغزٍ يحيّر سؤاله

لا تفرش السفره ولا تجيب مكبوس=لتغسّل ولالا تشيل البياله

اكلٍ ونومٍ جسمها تقول جاموس=في شربة الماء تتّكل عالعماله

ولا الولد يحدّد للراس بالموس=واكبر همومه يعتني في جماله

كل يوم جالب له من السوق ملبوس=يركض ورا الموضة وخلا عقاله

واللي يشيب الراس حفلات العروس=وشئٍ بهالصالات عدى خياله

الشين زين وصاير الصح منكوس=نقلد الاعمى وراعي الجهاله

والعولمه بتجيك في ناسٍ هيوس=واللي بقى شرواك ضايع مجاله

يالله دخيلك وضعنا صار معفوس=وقت الضحى من هو يضيّع شماله

شفت السفينة ينخر بجسمها السوس=واكبر جنود السوس هي البطاله
[/POEM]

يعطيك العافيه على هالأختيار وصح لسان قايلها

هذا هو حال العاطلين الله يعين
وصح لسان قائلها
شكراً على الموضوع

صح لسان قائلها واصاب فيما قال

لك أحلى تحية أخوي البطالة
صح لسان قائلها
محمد تكفى لاتكتب بالون الابيض تراى أنعمينا منه هههههههههههههههههههههههههه
لك أحلى تحية محمد الزهراني

شكرا باكلرويس

والله انك صادق وعماني بعد صرت ما اشوف نسخته غلط ههههههههههه

يالله مشي حالك غلطه مطااااابعية او مطبعية وعدلناها

تحياتي لك
وصباحك قصيدة

وهذي تسحق ان تاخذ حقها كذلك

اكبر عدوٍ عندنا هالبطاله

ستبقـى عدونـا المشترك ،،
وهمـنـا الذي يجمعـنـا هـنـا

شكراً للبطـالة على النقل اينمـا كـان

صدقت حين قلت اكبر عدو البطالة