السلام عليكم ورحمة الله وبركاته

بصراحه قلبي يعورني كل ماشوف الشباب يتشكون من الانقليزي

واختباره في سلاح الاشارة

ودي اصيح باعلي صوتي وابكي ابيكم تنتبهون لي

انا من موظفي قطاع الحرس سلاح الاشارة وابشركم الى الان ولي سنتين والحين باعلق عريف

تخيل تتخرج جندي اول وسنتين وانت عريف ورقم عريف مضمون مية بالمية بعد الله

لان مافيه شواغر عرفاء فحطوهم على ارقام جنود اوائل

المهم:


انا دخلت اختبار القبول المبدئي حق سلاح الاشارة مافقه بالانقليزي شي

الا يس ونو

وجات الاسئلة كلها اختيارات

وكان مع اثنين من عيال عمي وناقشيني ورقتي نقش

وطلعت النتائج قبلوني وهم لا سبحان الله تخيل




المهم

بعدها دخلنا الدورة الفرد الاساسي

اربع اشهور او ثلاثة ونص تقريبا

واختبارونا جميعا اختبار انقليزي

عشان يشوفون المتميزين بالانقليزي
ويحطونه فني ركزوا معي فني

والباقين مشغلين يعني مايطردونهم افهموا علي

واذا نجحت بالانقليزي ولا تبي تكمل الدورة كفني يقابلونك بريطانيين ويعفونك من الفني

ويحوولونك مشغل ستة شهور وتخرج

الفني سنة كاملة طبعا بعد الفرد الاساسي


والمدرسين الفنيين بريطانين كلهم وثنين سعوديين


واختبارات بسيطه وامور بسيطه

لاياخذكم الخوف صعبه ومدري ويش

فيه ناس تحسفوا انهم مادخلوا

وابشركم استفدت بالانجليزي

والحين امسك خفارات ماشتغل على تخصصي هههههههههههه ابي ارتاح يومين هههههههه



وعلى فكره صنف المشغل 800

والفني 1250 ريال ويعدل كل سنتين 200 ريال الين يوصل 1800


يعني الفني تضغط على نفسك ستة شهور زياده وتصير زي الحلاوه

سلاح الاشارة والله دوام فله وراحه نفسية

ماكانك في الحرس الوطني

بعضكم يتسال بخصوص الحرس بالغربية وسلاح الاشارة يقول الارقام شكلها كثير
اللي اعرفه
سلاح الاشارة كل دورة ياخذون 100 طالب

مادري اذا راح يزيدونهم ولالا

ولعلمك نظافة وميز زي الناس وطعام زي الناس وفله

طبعا هذا على عهد العميد الله يذكره بالخير الفوزان

الحين السعيد


والله ودي اسولف واقرب وجهات النظر

بس الوقت مايسمح


لكن ماوصيكم

كل شي ولا التخاذل

انا خذيت سبع سنين عاطل

لاتخلون باب لاتقول هذا صعب وهذا سهل اللي كاتبه ربي بيصير

اخوي غابني مايبي سلاح الاشارة يقول انقليزي

حرررررررررررررررررررررررررررررررررررررررام عليكم


حررررررررررررررررررررررررررررررررررررررام


لاتدعون مافي وظايف

كلها سهالات

الله يوفقكم ويرزقكم ويزوجكم ويخليكم

ابي دعواتكم بظهر الغيب

ان الله يرزقني بالمال والبنون

دعواتكم لاخوكم

وفقكم الله