السلام عليكم
أخواني واخواتي اعضاء المنتدى اريدكم تفيدوني..
اشتغلت في معهد وسلمتهم أصل وثيقة التخرج بحسب شروط التوظيف عندهم. وكتبت في العقد انه لو جاني عرض أفضل فإن ذلك لا يلزمني بأي غرامات مالية تجاههم واتفقت على ذا مع مديرة المعهد,,وكل ماأسأل عن نسختي من العقد تقولي المديرة لازم أصادقها من المؤسسة العامة ..قلنا طيب كملت معاهم 4 أشهر لغاية ماجاني عرض ثاني كلمت المديرة انه رايحة فترة تدريب مدة3 اسابيع وأبغى اجازة المهم بعد 3 اسابيع قلت اقدم استقالتي"هنا بدأ الأكشن" قالولي التالي:
1- انتي ماتم الموافقة على اجازتك انتي الآن منقطعة
2-بقية راتبي المستحق سيخصم منه غرامة اعتماد مدربة لدى المؤسسة العامة للتدريب المهني بقيمة 800ريال وانا اساسا اللي باقيلي عندهم 725رياااال
طيب كيف كده جلست المديرة تتفلسف عليا( كنت حاقلك لما ترجعي ومن الكلام الفاضي حقهم) المهم انا رايحة أخلص معاهم اوراقي اليومين الجاية لو احد يقدر يفيدني أو يقولي هل الغرامة هذي قانوني؟

حبيبتي ممكن تقولي اسم المعهد عشان ناخذ احتياطنا ..

أكيد حقول بس خليني اخذ أوراقي ...ولو احد عند خلفية في أنظمة المؤسسة العامة للتدريب يقولي ايش اسوي