اغتيال الفرحه متجدد

أُتـرَجة · #1 (**permalink**) 19-10-2010, 02:42 AM

الله يعوضهـ خير
والدنيا دروس لابد نستفيد منها ...
لابد دون ( الشهد ) من إبر النحل ..!!
وتذكري حجابي مكانه مو هنا رزقه ربي كاتبه في مكان آخر ...قولو خيرهـ

الحب العفيف · #2 (**permalink**) 19-10-2010, 02:47 AM

الله يجزاك خير ,,شي محزن والله يعوضه بغيرهاا

جروح الموده · #3 (**permalink**) 19-10-2010, 05:24 AM

الله يعوضه بخير منها
مقلب بايخ الله يهدي اللي يستخف دمهم على حساب غيره

~ ند فرسان ~ · #4 (**permalink**) 19-10-2010, 07:52 AM

الله يعوضه بالخير ويرزقه من اوسع ابوابه

الراآسيه · #5 (**permalink**) 20-04-2011, 03:28 PM

شكرا من الاعماق لكل اللي ردو وماعقبت عليهم ..

الان نتابع الإغتيالات !!!!!!!!!!!!!

~~~~ صرخة تشق السماء~~~~

يامن تتلاعبون بأموال الناس ومشاعرهم

يامن تأخذون ما تريدون ووتذهبون إلى حيث تشاؤون

يامن تأكلوون وتشربوون من الطعام ومن الشراب أطيبه

يامن تجلسون تحت المكيفات وتنامون ملء جفونكم على الفرش الوثيره

وتركبون افخم السيارت وتلبسوون اغلى الماركات

يامن تطفون العالم يمنة ويسره

تملكون زمام الأموريامن وكلتم بالمسؤليه

آين أنتم ؟؟ ؟ ؟ ؟ ؟

من يتيمه لم تهنأ وأهلها بما جادت به يد مولاها خادم الحرمين الشريفين

الهذه الدرجة مشاغل الدنيــــا عن النظر إلى من هم دونكم

ممن ينتظروون إطلالة كل شهرليلبسوا ويأكلوا ويقضوا حوائجهم

وحتى يخرجوااا...

قتلتم فرحتنا بل اغتلتوها نعم اغتلتوهااااااااا

عندما كنا ننتظرراتباً وفوقه ضعفه مرتين قلتم

نأسف !!!!!! هناااك إجراءت نقوم بها

اية إجراءات هذه اللتي تأخذ 3اشهر..اجيبوني ؟؟

بالله عليكم يامن تقرأوون حروفي قولوا

اية اجراءات هذه

لست احسدكم على ماسبق ولله الحمد فأنا أملك من القناعة الشيء الكثير

لا أريد منكم الشفقه أخوتي في الله بل اريد دعوه صادقه تشق السماء

بتيسيير الأمور وتسهيل الإجراءت ودمتم كما تحبوون.

الجعفر راجي · #6 (**permalink**) 20-04-2011, 04:09 PM

[align=center]

مشكوره على الموضوع شكله من قبل اسجل بالمنتدى
جدا رائع

[mark=#FF9999].[/mark][mark=#FF9999] لا إله إلا الله ,, فدا العسكرية [/mark][mark=#FF9999].[/mark][/align]

لا تلوموني بحب العسكرية

خفوقي عاف دقاته · #7 (**permalink**) 20-04-2011, 04:32 PM

الله يعوضه خير مدري اللي يسون الحركات هذي وش يبي بالضبط مزح مثلا ‏‏!حسبي الله عليهم!!!!!

الراآسيه · #8 (**permalink**) 20-04-2011, 04:51 PM

اليوم كتبت اغتيال جديد
فياليت مشرفين الواحه يضيفون كلمة متجدد بجانب الموضوع ..

احب العسكريه

خفوقي عاف دقاته

مشكورين لمروركم..

جريح شعور · #9 (**permalink**) 20-04-2011, 04:59 PM

حقيقاً موضوع بالصميم
واحببت أن اشارككم بطرح قصه إغتالت فرحتي
ولكنني لم اقف عندها كثيراً
لأني على يقين بأن رزقي عند من فطر السموات والارض
.....
بعد تخرجي من الجامعة تقريباً بـ سنة
اتصل على احد الاخوان وقال لي فيه توظيف بالمطار روح قدم عندهم
اخذت شهاداتي و دوراتي معي وصلت للمطار قدمت عندهم وطلعت
بعد يومين تقريباً إتصلوا على قالوا تعال بكره عندك مقابله
زهبت نفسي لليوم الموعود وصحيت الصباح و توكلت على الله ورحت للمطار
وصلت قالوا إنتظر الين ننادي على إسمك بعد تقريباً ساعه إلا ربع فلان الفلاني تعال
دشيت للمقابله إلا لجنه مكونه من 5 اشخاص و اسئله شخصيه ثم اسئله إنجليزي
إلا الرجال إنبهروا قالوا لي عندك دورة إنجليزي قلت لهم لا
إستغربوا قالوا وشلون تعلمت الإنجليزي قلت لهم إكتسبتها
المهم مابي اطول عليكم طلعت من عندهم بعدها تقريباً بثلاث ايام
تقريباً يوم السبت المساء دق رجال يعرف اخوي وشغال بجوازات المطار
قال ابشرك اخوك إقبلوه بدوره اخوي بشرني قال روح لهم
يوم الاحد رحت ادور إسمي مب موجود
اتصلت على اخوي وخذيت رقم خويه اللي بشره واتصلت به
قلت له وشلون تقول قبلوني وإسمي مب موجود
قال والله شفت إسمك من ضمن القائمه المقبوله
خذيته وقلت له تعال شوف إسمي مب موجود
قال قسم بالله مب هذه القائمه اللي امس كانت موجوده
يعني بالعربي الرياجيل بدلوا القائمه
بحيث حذفوا اسماء ناس واضافوا ناس لهم واسطه مب مثلنا

اعتذر عن الإطاله

حجابي
الله يكتب لخوك الوظيفه اللي تغنيه عن الناس

يآرب اتوظف · #10 (**permalink**) 20-04-2011, 05:01 PM

السلام عليكم ورحمة الله وبركاته

بقولكم قصتي دايركت وانتم احكموا بالنهايه

هذآ ياطويلين العمر مره من المرارير قمت الصبح بدري حوالي الساعه 6ونص وسويت لي كوب نسكافيه وقعدت امخمخ على التليفون ادق دق على المدارس الخاصه >>يوميآ على ذا الحاله

المهم دقيت على كذا مدرسه اللي خطها مشغول واللي مايرد >>هذي على طول ماسكه معي سبحان الله

واللي واللي .... الى مالا نهايه

مسكت خط وانا اتصل عليهم الى ان منّ الله علي بفضله وردت علي المدرسه كلمتني وحده

بقولكم اللي صار بالمحادثه بيني وبينها بالتفصيل بدون زياده او نقصان :

يآرب اتوظف : الو

الموظفه : هلا

يآرب اتوظف : السلام عليكم

الموظفه : وعليكم السلام

يآرب اتوظف : اقول انا متخرجه من قسم لغه عربيه وحبيت اسألكم اذا فيه احتياج عندكم ولا لا ؟

الموظفه : ايه يااستاذه الاداره طالبه معلمات نفس قسمك وعندنا نقص معلمتين عربي >>انا هنا طقتني البوهه وفهّيييت على طول قعدت احلم باحلام اليقظه

ماانتبهت الا وهي تقول الوووو قلت لها ايوا طيب طيب يعني اجي ولا كيف ؟>>ابو السؤال اللي مدري وش يبي بالحياه >>اعذروني مو مستوعبه انها تتوظف بعد اربع سنين عطآاله

قالت ايوا تعالي بكره للمقابله الشخصيه واعتبري نفستس موظفه عندنا ومن يوم السبت تباشرين

انا هنا قفلت السماعه ماقلت لها شكرآ ولا مع السلامه ورحت طيران ابشّر امي وابوي

المهم قعدت اتجهز للمقابله بكره ماخليت شي ماسويته حتى عبايتي وديتها للكّواي >>علشان مايلقون عذر لااستبعادي يقولون عبايتها مقرفطه >>عاد هم معروفين مايحتاج اقولكم

جاء بكره وعلى طول لبست وتكشخت وهب طب ليني عندهم

دخلت على المديره وسلمت عليها قلت انا فلانه اللي كلمتكم امس وتخصصي لغه عربيه وقلتولي انه بوه احتياج وكذا ........الخ >>يعني قلت لهم الحوار اللي دار بينا على التليفون

وانا فاكه الخشه وقاعده اوزّع ابتسامات ومبسوطه محد قدي , الا وتلمخني بقولها ,لا من يقول ؟؟

حنا ماقلنا لتس تعالي ولا قلنا بوه احتياج اصلآ تخصص لغه عربيه مو مطلوب كثير>>اووم وابووو وطوايف واهل التحطيم كلهم

عاد الابتسامه ذبلت وصار الفم تقل قوس مقلوب قلت لها طيب واللي كلمتني وقالت لي تعالي , ردت علي لا يابنتي ماعندنا والله يرزقتس و صوت المديره نفس الصوت اللي كلمته بالتليفون

عاد انا هنا تسكرت الدنيا بوجهي ولاعاد عرفت وش اقول ووش ارد عليها غير كلمة حسبي الله ونعم الوكيل كمختها على وجهها فيها وطلعت اجرّ اذيال الخيبه وراي والملف الاخضر قدّامي

وركبت السياره ورب الكعبه ابوي يسألن وش صار ووش سويت ماقدرت اكلمه خانقتن العبره

بس جاوبته بنفس اليوم المغرب >>بعد ماهدت نفسيتي

وبس وما خفي كان اعظم

ابي رايكم باللي صار وبرضو ابي دعواتكم

حجابي نسيت اشكرتس ياقلبي على موضوعتس وربي يرزق اخوتس الوظيفه اللي يتمناها واللي بها خير له ويرزقن ويرزق كل العواطليه