رحت اليوم لديوان الخدمه وانصدمـت ! هام لخريجين الاداره الصحية

اه يا وطن · #1 (**permalink**) 17-10-2010, 01:11 PM

السلام عليكم ورحمة الله وبركاته

مسائكم صباحكـم خيــر
اتمنى الخير والسعاده لساده القراء والمشاركيـن

قبل كم يوم لفت انتباهي احد الاخوان وسيع العرف ان ما غلطت بأسمه
انو بإمكاني استفسر عن وضعي بديوان الخدمه وكم قدامي من بشر
على لائحة الانتظار بتخصص دبلوم إدارة خدمات صحية
كانت مفاجـئة صراحه من العيار الثقيل وياليت جلست على جهلي ولا رحت
سألـت
مجموع المتقدمين للعام 1431 بتخصص الاداره الصحية ..444 عاطل

رقمي وهنا الكارثه 346

عدد الذين تم تعيينهم هذا العام 1431 من تخصص الاداره الصحية (0) نعـم صفـر مكعب

مدري ليش الوزارة مي معترفه بتخصصنا وتوظف مكاننا المستشفيات الحكوميه عن طريق
التشغيل الذاتي ناس مالم اي علاقه بصـحه كمثــال وقفـت عليه شخصياً
رحت أقدم بأحد المستشفيات الحكوميه (تشغيل ذاتي)
قال وظايف مافيه كالعاده لا جديد ..لكن حط ملفك ونتصل فيك لو حج الفيل على خرطومه
حطيت ملفي الي لاحظته الموظفين الاداريين اجانـب ؟

حتى الاداره اجانب

وربي حسـيت بالقهـر اذا كان كل شي اجنبوهـ حتى الطاقم الإداري

كلمت مسؤل التوظيف وقلت له ليش توظفون اجانب وانا وغيري عاطلين؟
ماكان عنده رد مقنـع كل الي قاله ( قاعدين نسوي دراسه وبنسعود الوظايف !)
من اساسه ليش توظف اجانب معقول حتى الاداره مايقدر ابن البلـد يدير منشأه صحيـة؟
اكتفيت تحطيـم وقهـر وخرجت من عنده
مشيت بسـيب مسافه قابلني واحد يعرفني سلم علي وش عندك جاي اقدم ابي وظيفه
قال رحت لمدير التوظيف
قلت نعم رحـت له وقال فيه خطة سعوده والكلام الفارغ الي قاله لي
قعد يضحك ويقول ترى لهم سنتين الظاهر وهم نفس التصريفه

سألت هذا الي اعرفه ويعرفني وش وظيفتك هنا
جاوبني انه علاقات مرضى ؟ انا اذكر ان تخصصه لغة عربية وش حاطينه بعلاقات مرضى ؟

يعرفني واعرفه على عيني وراسي لكن يجي يتوظف بمكاني ومكان المؤهلين لهذي الوظايف
وهو مادرس اي شي غير اعرب وقال المتنبي ؟

اخذت وعطيت معه عرفت ان السعوديين الي موجودين بالاداره كلهم كذا اجتماعيات وعربي ودراسات اسلاميه ؟؟؟؟؟

زادني قهـر وتحطم ومشـيت وانتهت القصـه الغير جميلـه والمرعبـه والكارثيـة

انا قــررت قرار بروح وزارة التربية والتعليم واقول لهم وظفوني مدرس عربي ولا اجتماعيات ولا دين

دام الوضع فوضى بكل مكان وخريجينكم ماسكين مكاني دبروا لي وظيفه لاهنتوا

هذي احد عيوب التشغيل الذاتي شغـل الوظائف بغير اصحاب الأختصاص

ولو بقى الوضع على ماهو عليـه اتوقع الصفـر مكعب باقي الى ان يرث الله الارض ومن عليها

اتوقع السبب هذا كافي لإقاف شي اسمه تشغيل ذاتي

بنهايـة اسف ياخريجين الاداره الصحية اذا زيارتي للخدمه ونقلي هذا الخبر المخيب للأمال جرحكم ولا اثر على نفسياتكم

المفروض وزارة الخدمه المدنية توفر عيادات نفسـية جنب المواقف الواحد يسير عليهم ياخذ له منوم حق ابو 9 سنوات قدام ولا مهدئات

الله لا يسامح من كان السـبب
لأني بصراحه بكيـت يوم طلعت من عندهم

+
دقت علي امي وقلت لها عن الوضع وزعلت ومحزنه عشاني

ماراح اسامحكم يا وزارة الصحه

رحت اليوم لديوان الخدمه وانصدمـت ! هام لخريجين الاداره الصحية

خريجي الكليات والمعاهد الصحية و التقنية

السلام عليكم ورحمة الله وبركاته مسائكم صباحكـم خيــر اتمنى الخير والسعاده لساده القراء والمشاركيـن :wa قبل كم يوم لفت انتباهي احد الاخوان وسيع...

رحت اليوم لديوان الخدمه وانصدمـت ! هام لخريجين الاداره الصحية

تسجيل الدخول

رحت اليوم لديوان الخدمه وانصدمـت ! هام لخريجين الاداره الصحية

خريجي الكليات والمعاهد الصحية و التقنية

السلام عليكم ورحمة الله وبركاته مسائكم صباحكـم خيــر اتمنى الخير والسعاده لساده القراء والمشاركيـن :wa قبل كم يوم لفت انتباهي احد الاخوان وسيع...

رحت اليوم لديوان الخدمه وانصدمـت ! هام لخريجين الاداره الصحية