السلام عليكم ورحمة الله وبركاته على جميع اهل المنتدى انا حبيت اشارك بكلامي الي اتمنى ما

يقراه او يحكم عليه الا ناظر ورايد للحق مو الي ما يصدق يصطاد في المياه العكرة ,, والله ما يصير

الي باشوفه بعيوني وانا بصراحة من محبين هذا المنتدى او بصراحة وللاسف كنت من محبيه !

يعني الحين لمن الرجال كنتم تسالوه ويجاوبكم وتطلبوا مساعدته ويساعدكم لاقصى درجة وبعض

الردود له كان مستعد للسفر فقط للمساعدة بدون مقابل وتقتدروا ترجعوا لردوده والحمدلله انها

موجودة والكل يقدر يطلع عليها ,, ولمن يقراه اي عاقل مستحيل يقول هذه عقليه انسان كما تدعون

عليه انه نصاب ,, انا شهادتي في ابن الهيلا مجروحة لكن قول الحق واجب انا انسان دخلت بيته

وشاركته وواجب عليه انقل اصل وجود وطيب هالرجال والساكت عن الحق شيطان اخرس وادري بعض الناس حتقول اني يمكن مشترك معاه بالنصب فكلامهم مردود عليهم وما يهم الكلاب تعوي والقافلة تسير ,, هذا بالنسبة للرجال الطيب ابو عبدالله وسامحني عالقصور اني ما اديتك حقك ..

ثانيا بالنسبة للمشروع يا جماعة الخير انتم الان خلطتوا بين اخطائكم في اقامة هالمشروع وبين نزاهة الشخص الوسيط انا بسالكم الان لو اشتريت عمارة ودلك عليها صاحبك وقدر الله واتحرقت هالعمارة بتجي تحاسب صاحبك ؟؟؟ ليش دليتني ؟؟؟ لا حاسب نفسك انك ما تخذت الاجراءت والاحتياطات من تامين او غيره

هالمشروع كانت اخطائكم فيه مو ابن الهيلا زي ما تحبوا انكم تقولوا وتعلقوا اخطائكم على غيركم الادمي وووووووواضح يا ناس فكرته وطرحه للموضوع انه وسيط لا اكثر ولا اقل وكان مستعد يخدم الصغير قبل الكبير وانتم بانفسكم الي وثقته فيه وكانت ابيات الشعر تنقال فيه ؟؟
هل احد كلف نفسه وراح اطلع على المؤسسة ؟؟
او تعرف على الاقل على صاحب المؤوسسة او نزل دار بسوق الخضار بجدة ؟؟؟
او سال عن صاحب المؤسسة هناك وعن سمعته ؟؟؟
انتم ترتكتوا الجمل بما حمل على ابن هيلا ياخذ فلوسكم بلا اي مقابل ويرجع لكم ارباح وانتم نايمين ؟؟ بالله هذا كلام يدخل العقل ؟؟
وان كان ابن الهيلا يشيل جزء من الخطا لكن مو كل الخطا وانتم لا زم تحاسبوا نفسكم وتبدؤ بانفسكم قبل غيركم

انا نصيحتي للجميع انه راجعوا كلامكم وازنوه قبل ما تطلعوه واعرفوا ايش بتتكلموا ولا ترموا احد بالباطل ولو هو على قولتكم نصاب ليش رجع ورد عليكم هنا ؟؟؟ انتم ما نتم ماسكين عليه ولا شي ولا حتى تعرفوا وين ساكن ولا اي تفاصيل عنه ؟؟ فلو هو نصاب زي ما رميتوا عليه كان قطع الورقة الي كتبتوها عند المحامي واخذ القرشين ونسي المنتدى بالي فيه لكن الادمي ما زال واقف معاكم وقفة رجال ويشاوركم انه يلاقي حل فانتم كمان لا تجرحوا الادمي واقفوا كلكم مع بعض عشان تلاقوا حل واتذكروا الله سبحانه وتعالى في كتابه يقول ( وتعاونوا على البر والتقوى ) فاتعاونوا كلكم ولا تضغطوا على الادمي انكم ترجعوا حقوقكم وكل شي مثبت لا تخافوا والادمي انا متاكد انه معاكم قلب وقالب ,,
والله يرجع لكل صاحب حق حقه ,,