[align=center]
السلام عليكم



انا ماعندي احد استشيره الا انتم وابي ردكم الله يعطيكم العافيه

انا جتني وظيفة بشركة( اس تي او ) ! اتصلوا علي وقالوا انتي مرشحة لوظيفه وهالشركة موجوده بعماير السريكون اللي بالعليا ..

انا بصراحه ماادري وش هالشررركه وايش نظامهم ؟؟ وبحثت بالنت مالقيت شي عنهم.

وياليييييييييت اللي عنده معلومات عن هالشركه لايبخل بها علي ,,, لاني متردده انا اروح لهم او لا..

[/align]

اختي استخيري واذا عندك اخو خليه يروح يسأل عنها موفقه خير

روحي شوفي وخذي اخوك او ولي امرك معك
وشوفي وش عندهم
بس بقولك شغله الشركات الي بالعماير الي كذا تصير مشكلتها الدخول والخروج
يعني مثلا تصير الشركه بالدور السابع اوزي كذا
اذا جيتي تداومين بعدين ماتقدرين تروحين لحالك بالاصنصير وبالدرج فيه مليون هندي ومليون رجال
لو احد يخطفك او يتحركش فيك محد درى عنك ولايجيبون خبرك
ولا راح تلقين احد يوصلك لين باب الشركه وإلا جوا الشركه الاغلب يكون قسم لنساء مخصص
انتي استخيري وشوفي
الله يكتب لك الي فيه الخير

الله يوفقك اختي انا صار فيني مثلك بس انا كلمتني وحده واصرت اني اجي ورحت وكانت في عماره وزي ماقالت اختنا خريجة التقنيه المدخل واحد الكل يدخل معه انا والله خفت وبطلت عنها بس انت عشان ماتحسين بالندم بعدين روحي وخذي احد معك وشوفي احساسك وش يقولك وصدقيني اذا لك نصيب فيها بتتوظفين
الله يوفقك حبيبتي

انا اقول خذي احد من اهلك لازم خليه يشوف الشركة وش هي

وخوذي حذرك

الله يعينك ويوفقك


اخوك: ابو عبدالعزيز

ممكن تعطينا اسم الشركة بالإنجليزي عشان نساعدك في البحث عن معلومات عنها

انا راي تتصلي علي مكتب العمل وتاخ معلومات عن هذا الشركه عشانهم لديهم معلومات عن الشركات

على مااظن ياختي هم في مجال البنوك والقروض و المندوبين العقاريين شغالتهم فيه اختلاط هم اتصلو على بس انا مدينة غير الرياض وبالتوفيق

[align=center]
يعطيكم ألف عااافيه

ومشكووووورين ماقصصصصرتوا
[/align]