فتح باب التقديم بالمعهد الوطني للتقنيه

توتو فوفو · #**701** (**permalink**) 11-02-2011, 09:57 PM

يعطيك العافيه شكرا ع النصيحه

برق الهدا · #**702** (**permalink**) 12-02-2011, 04:27 AM

اقتباس:

المشاركة الأصلية كتبت بواسطة عتيبي الطائف

الله يوفقك يابرق الهدا بس ابسئلك عدة اسئله ؟؟؟معليش تحملني

...لو حطوني بتخصص مابغاه يمديني احول بعدين ولا اعرفهااااااا
انت في البداية توقع عقد الزامي بالتخصص اللي يحطوك فيه طبعا مجرد روتين عشان الدعم لأنك تدخل المعهد اول سنة تكون مجرد لغة ومالك بالتخصص وبعد ما تخلص اللغة يكون عندك ترم مواد عامة وبعد ما تخلص المواد العامة تبدا اخيرا في التخصص
وبعد ما تخلص السنة التحضيرية حقت اللغة حسب معدلك في اللغة تقدر تحول التخصص اللي انت تبغاه

....ثاني سؤالانت على نظام بن لادن ؟ولا الموارد البشريه
انا على نظام ماهر ******** للتوضيح اللي على نظام بن لادن ونظام ماهر كلهم مدعومين من صندوق تنمية الموارد البشرية
لطلاب ماهر مكافاة 1000 ريال من الصندوق ولطلاب بن لادن 1000 ريال من الصندوق و500 ريال من بن لادن

....ثالث سؤال كيف الدراسه انا حاس انها صعبه لانهم يقولون مدرسين من بريطانيا وكندا ؟ وماتعرف تتفاهم معهم
والله وانا اخوك مافي شي صعب وبنفس الوقت مافي شي سهل يعني انت وجدك واجتهادك كلنا دخلنا والله ما نعرف شي ولكن مع الايام وبمشيئة الله تتعلم بحكم ان المدرسين اجانب بس لازم انت تحرك نفسك وتذاكر وتترجم عشان تفهم وتتعلم لأن الدراسة كلها بالانجلش من يوم تدخل الين تتخرج والمناهج كلها امريكية تدرس في الخارج لطلاب الهندسة ومصنفة من المركز الامريكي NCCER يعني شهادته جدا قوية ومعتمدة عالميا

..... رابع سؤال فيه شقق في بحره هناك ؟؟وكيف غاليه؟؟
فيه شقق في بحرة نعم اما بالنسبة للسعر والله ما اقدر افيدك لكن اسالك وارد عليك بس لو تسكن في جدة يكون احسن في الجامعة قريب مشوار ربع ساعة وانت في المعهد لأن بحرة وانا اخوك مقطعة

......خامس سؤال المكافأت كيف تنزل بوقتها ولا يسحبووووووون بالواحد وخصوصا اني من الطائف وتعرف لازم ادور سكن ببحره وشغله ...
طبعا شي طبيعي في البداية راح تطول يمكن حول الشهرين الثلاثة اشهر وينزلونها لكم دفعة واحدة وبعد كذا تنزل منتظمة في وقتها

سادس حاجه /////الف شكر لك ويعطيك الف عافيه يالغالي

الله يعافيك اخوي واي خدمة او استفسار احنا في الخدمة وانشاء الله نشوفك لنا زميل في المعهد موفقين باذن الله

برق الهدا · #**703** (**permalink**) 12-02-2011, 04:39 AM

اقتباس:

المشاركة الأصلية كتبت بواسطة توتو فوفو

شباب ابغه استفسر عن الفحص الطبي ؟ كيف طريقته وايش يفحصو غير الدم والله يكرمكم البول********> لني ادخن واعسل من زمان هههههههههههههه

الكشف الطبي اول ما توصل المستشفى وتسلم الاوراق تروح على المختبر وتسوي التحاليل الطبية من دم وبول اعزكم الله
وبعد كذا تروح على قسم الطواري عند اي دكتور وصدقني ماراح يكشف عليك ولا شي بيكتب سليم في الفحص المتبقي اللي هو النظر,انف واذن وحنجرة,باطنية,عظام ,جراحة
يسالك تعاني من اي امراض او تستعمل اي علاجات وبس الكشف الطبي حقهم جدا جدا سهالة لا تشيل هم و ما ياخذ منك ولا عشرة دقايق وبالتوفيق يالغلا

عتيبي الطائف · #**704** (**permalink**) 12-02-2011, 06:07 AM

الله يعطيك الف عافيه يالغالي وماقصرت

توتو فوفو · #**705** (**permalink**) 13-02-2011, 01:27 AM

يعطيكم العافيه بس شباب احد جاته الرسائل.؟؟؟

الفتى ا · #**706** (**permalink**) 13-02-2011, 01:58 AM

شباب محد يعرف متى الرسائل ^

هنري اليامي · #**707** (**permalink**) 13-02-2011, 03:59 AM

[align=center]انا رايح ان شاء الله اختبر بكرة ..! اليوم يعني ..!

واستفدت من كلام الأخوان من اسئلة الأختبار والمقابلة وان شاء الله يقبلوني ..!

يعطيكم العافيه جميعا وخصوصا جميع متدربي المعهد الذين جاوبو ع الأسئلة

جزاكم الله خير والله يوفقكم ويوفقنا اجمعين[/align]