السلام عليكم ورحمة الله
بصراحة ترددت أكتب الموضوع واخليكم تشاركوني الهم أو أخلي الهم لي بس لكن قررت إني أكتب الموضوع يمكن واحد يخفف علينا جميعاً .
طبعاً كلنا عارفين إنوا قبل فترة نزل إعلان في منتدى الوظائف المدنية عن وظائف في المؤسسة العامة للتقاعد وكانت وظائف قيادية .
وبعد فترة نزلوا وظائف باحث تقاعد وكان من الشروط شهادة بكالوريوس + إثبات الإقامة . يعني يبغوا أي شيء نكد في خلق الله .
يمكن إلين هنا ما في شيء غريب أو شيء يزعل
الطامه إنوا جاني خبر من واحد والله إنه ثقه ( زميل لي في الماجستير الآن ترى الماجستير مسائي يعني الرجال على رأس العمل ) إنهم في المؤسسة جابولهم أردنيين ما فراسهم شيء والمصيبة المؤسسه دربتهم على شغلها وترى في هذي الأسبوعين إللي راحت .
وللأسف أكدلي الموضوع زميل آخر من أيام البكالوريوس وهو من فرع مكة وزاد على المعلومه إنوا مؤهلاتهم دبلوم .
فين راح شرط البكالوريوس وفين راح شرط إثبات السكن غير كذا يعطوهم أفضل من السعودي بدل سكن وتأمينات طبية . ويا قلب لا تحزن .
وكلوا ... يا أبناء الوطن .
لو قلنا إنهم صدقوا وراح يوظفوا حسب الوظائف إللي نزلوها ليش باقي الوظائف ما نزلت للمواطنين ... ليش بقوا جزء من الوظائف على الرغم إنوا عندنا عاطلين مؤهلين من أبناء الوطن .
والله القطاع الخاص من حقه ما يسعود إش ما يسعود ما يفكر في السعوده أصلاً إذا كان هذا حال الجهات الحكومية .
ليش يطلبوا مننا مؤهلات أعلى من المؤهلات إللي يطلبوها من غيرنا على الرغم من إنوا الأجنبي تعطى له مميزات أعلى مننا رغم إنوا شهادته أقل .

والله أنا ناقل من ناس أحسبهم إنهم صادقين وما يعرفوا بعض عشان يتواطؤا على الكذب .

رجاء خاص من الأدراة ما ينقلوا الموضوع لقسم النقاش لأن القسم هذاك ميت ما حد يشارك فيه خلوه في الواحة لأن الواحة عامة فيها كل شيء .