24-10-2010, 03:51 AM
|
|
Guest
|
|
تاريخ التسجيل: Oct 2008
المشاركات: 302
معدل تقييم المستوى: 0
|
|
|
فكره على الطاير ( تامين الغداء للعمال )
بسم الله الرحمن الرحيم
اللهم صلي وسلم على سيدنا محمد وعلى اله وصحبه اجمعين
اسأل الله ان يرزق الجميع الرزق الحلال وان يبعدنا عن الحرام
وان يوفقنا للخير دوما اينما كنا ...
فكره على الطاير ( تامين الغداء للعمال )
اخواني الغالين - خطرت ببالي فكره قبل فتره فكرة فيها لكن
الوقت لم يسعفني في عملها لان عامل الوقت هو من خرب الشغله فأنا شغلتي كداد على دباب مشاوير
الحاصل ان وقت غداء العمال مع وقت خروج طلاب المدارس والموظفين وذي الفتره يكون في شغل ع المشاوير
فراح انزل الفكره هنا ممكن حد يطبقها او احد يستفيد منها او يخبر بها شخص ومانبي الا دعوه بظهر الغيب
الحاصل او المشروع
ان في بعض المخططات الناشئه لا توجد بها خدمات كمطاعم او بقالات وتشوف العمال يعانون من هذا الوضع
وربما دخلت في راسي هذي الشغله وفكرة فيها لاني وديت كذا
شخص مخطط واحصلهم معاهم الفطور والبيبسي العائله اثنين
والخبز كثير والمعلبات للفطور والغداء بحجة لا توجد مطاعم قريبه فنظطر اننا ناخذ المعلبات
فدخلة في راسي اني اعمل ذي الفكره واكون انا من اامن لهم وجبة الغداء من اقرب مطعم للمخطط او ماء او عصيرات من اقرب بقاله
راح اطرح الفكره لكي يستفيد بعض الاعضاء هنا
يكون لك كرت برقم جوالك
تكون تشتغل في مخطط واحد فقط
المرحله الاول التعرف على الزبائن وتقديم خدماتك لهم بحيث تروح للمخططات واذا شفت عماره عندها عمال تدق بوري وتعرض خدماتك لهم اني اجيب لكم غداء من المطعم بسعر عشره ريال للمشوار مثلا
ممكن تاخذ الطلب ويكون عندك مثلا راس مال 150 ريال في جيبك ما راح تلمسها بس عشان تاخذ انت الطلب وتروح
تشتري من فلوسك الوجبه وترجع تعطيهم اياها وتستلم فلوسك
لان العمال مبدئيا ما راح يعطونك فلوس الا الين يشفون صدقك
وبعدين راح تتعامل معاهم ويثقوا فيك وبعدين تروح وتاخذ الفلوس منهم وتحاسب او مثلا يطلع واحد من العمال يشتري هو بنفسه وتاخذ القيمه
فرضا حصلت خمسه طلابات من عشره ذي 50 ريال في ظرف ساعه وتقدر تزيد سعرك بعد
في حالة الطلابات الكثيره راح تلفت نظر صاحب المطعم حاول تتفق معه ان طلبك يكون يتنفذ بسرعه وجاهز ولا يكون فيه تاخير
مساومة صاحب المطعم
انت الان زبون عند صاحب المطعم وتقدم خدمه للعمال تحاول معه انه يعطيك نسبه مثلا 15 ريال 20 ريال لك لانك تشتري من عنده او انه يخفض سعر الوجبه ويكون فارق السعر لك
حاول انك تكون في المخطط قبيل اذان الظهر لكي تستلم الطلابات وتسجلها وتلف على باقي العمائر للبحث عن طلب وزبون جديد
على الطاير ومن دون ترتيب الفكره – اللي براس بالطاسه كتبته
اتمنى وصلت الفكره لكم وان واحد يستفيد منها
سلام عليكم
|
العرض العادي
