السلام عليكم ورحمه الله وبركاته


اخواني واخواتي اعضاء هذا المنتدى الشامخ ...


عندي مبلغ 200000 ريال وهذا المبلغ مجمع ملفق هههه يعني اللي سلف واللي شراكه ... وبعضه قرض .. الوكاد اني ودي اشغل هالمبلغ بمشروع يكون شبه مضمون الفائده .... والا والله ابتوهق مع حلال الناس هههههههههههه

اضرب على الكايد اليا صرت بحلان *** عند الولي وصل الرشا وانقطاعه


افتقر الى مشورتكم بالمشاريع المثمره



ودي واحترامي

الله يرزقكـ اخوي ويسهل عليكـ



لكن انصحكـ تاخذ لفه او دورة على المنطقة اللي انت فيها


وتشوف ايش الإحتياج ..



اعرف لكـ واحد نفس وضعكـ وفكر وفتح (( تموينات 24 ساعه ))


وربي فتحها عليها من واسع ماشاء الله لأنه كان يهتم فيها وما عطاها عمالة


وصار يدخل بالشهر دخل كبير .


لكن أهم شي بالمشروع هو \\\\ الــمــوقـــع \\\ .. وانت فكر واستخر وربي يكتب لكـ مافيه الخير لكـ


شاكر ومقدر

وش ميولك انت؟

الشاحنات ومعدات .... بس عديم الخير

مكان تواجدك ؟

تكفي لفتح بوفية ومغسلة ملابس ومحل خضار
لكن يلزمك دراسة مميزة
وفقك الله

نصائحكم وسام على صدري ..... الله يرزقني واياكم الرزق الحلال .... ويجعل رزقه عونا لنا على طاعته


دمتم بود

اذا كنت من مدينة الرياض فأشتر لك باص من ابو جميل 15 راكب
و استقدم لك على سواق آسيوي
فيه طلب كبيرررررررررر على التوصيل وخاصة لطالبات الجامعات
والطالبه بـ 500 ريال الشهر
لو نحسبها 500 × 12 راكبه ( أقل إحتمال ) = 6000 ريال شهرياً
عط السائق 1500 ريال بالشهر ( لو تبي تكرمه )
او 1000 او 1200 بالشهر

لكن مشكلة هالمشروع محدودية عمله بالسنه
يعني تقريباً 7 شهور يكون الشغل فيها حامي و باقي السنه طاااافي

اخوي، اذا تبي شاحنات ومعدات من اوروبا أنا مستعد. اشري لك بنفس السعر الاصلي وانا أخذ عمولة فقط لاغير
و خلص لك الاوراق و شحن

لاتغامر بكامل المبلغ انصحك تفتح محل خضار واهم شيئ الموقع واعتقد ماتكلفك 35 الف
بس تعرف شنو ذهب ذهب اهم شئ الموقع يابعدي والله يرزقنا وياكم