هلا فيكم
اختي اليوم كانت بتقدم على مدرسه ومالقت شهادتها البكالوريوس من كلية التربيه هي متخرجه من 10 سنوات .(نشك بالشغاله لان اختي مسكتها وهي تبي تنحاش)لان كانو موجودات قبل يومين رافعتهم فوق المكتبه
والمنطقه اللي متخرجه منها مو بالرياض بتبوك

وش تعمل الحين ؟وكيف بيعرفون انها متخرجه من عشر سنوات وهي ماعندها اوراق ولاوثيقة تخرج ؟؟
بسرعه بالله جعل ايديكم ماتمسها النار ويحقق امانيكم

لو تروح الكليه تاخذ بدل فاقد

شوفي حبيبتي .. أعتقد الآلان فيه اختراع اسمه سيستم ... وهذا السيستم تتخزن في معلومات ..

بمجرد انه تكون عند أختك الهوية الوطنية وتروح لنفس الجامعة تخرجها لها .. ويمكن تطول إجراءاتها بما انها خريجة قديمة ..

لكن اولى انك تدورينها في بيتكم قبل .. ثم تتصل على نفس الجامعة تستفسر .. وان شاء الله تلاقي حل ..

الله يعينها .. "ع حسب اللي أعرفه إنها لازم تعلن عن فقدانها بأي جريدة ثم تطلع بدل فاقد ..

أتوقع" ..



إن شاء الله ما يقصرون معك الأعضاء ..

شكرا لكم جميعا
اخت صديقه..الجامعه مايردون ولا حولنا احد ولاتقدر تروح لهم بتبوك
بس مستحيل زوجها يوديها لتبوك عشان تخلص اجرائات الشهاده
ماينفع من هنا؟؟ ويارب يكون مسجل فعلا اسمها لانها من عشر سنوات ماادري يمكن حتى الكليه تغير اسمها للجامعه عاد ياليت تفيدوني
المسكينه ماوقفت صياااااااح من ثلاث ايام ودورناها بالبت ماحصلناها الله يكون بالعون

اختي الله مرادي... صح عليكي هذا اللي بنسويه اول خطوه وهي الاعلان بالجريده بس الخطوه الثانيه هي لصعبه

يعني ماادري تروح لوزارة التربيه والتعليم بالرياض على اي اساس يصدقون انها درست بكالوريوس .

اخوي الكريم ياما ناس فقدت شهاداتها وطلعوا بدل فاقد، وأكيد تقدر تطلع بدل فاقد لشهادة الجامعة.
المطلوب منك ان تحاول الإتصال بعمادة القبول والتسجيل التابعة لجامعة تبوك أو تراسل الجامعة علشان تعرف الإجراءات وأعتقد لازم تروح انت واختك للجامعة.

على العموم هذا ايميل ورقم وموقع عمادة القبول والتسجيل في جامعة تبوك

البريد الالكتروني : ARD@ut.edu.sa

ماعندها صورة من الشهادة
تعلن بالجريدة وبعدين توديها للكلية انها اعلنت عنها وبيطلعولها بدل فاقد

طيب حاولو تدور عليهاا هناا ولا هناا يمكن تلقونهاا ~ كم لهاا فتره ضايعه الشهاده ؟~

انا بنت مو ولد ,ومو عارفه كيف اخفف عنها