السلام عليكم ورحمة الله وبركاته

الله يجزاكم خييير ردوا على هالاسئلة لأني محتارة .. بليييز اللي عنده أي معلومة

أنا باقدم معيدة على جامعة الباحة تخصص " محاسبة" آبي اعرف لو فتح تقديم معيدات بجامعة جدة اقدر انقل من جامعة الباحة لها و لا "لا"؟
إذا فتح الديوان التقديم على الوظائف غير التعليمية اقدر اقدم عليها لو كنت معيدة ولا لا .. أخاف ارتبط بجامعة الباحة ولا اقدر اقدم؟
وش الأفضل واللي تنصحوني فيه ... اكون معيدة أو انتظر وظائف الخدمة المدنية؟
و آبي اعرف كم يكون راتب المعيدة .. يعني يستاهل ولا لا ؟

الله يسعدكم ردوا علي لأني ما ودي اتغرب وابعد عن اهلي على الفاضي

حياك الله يا اخت هوووري
بالنسبة لو فتح تقديم بجامعة بجدة معيدة وانتي بجامعة الباحة معيدة يحق لك تقدمين ولا فيه ادنى مشكلة وبرضوه يحق لك تقدمين على الديوان للوظائف غير التعليمية هذا حق من حقوقك
اما بالنسبة للمعيدة فالراتب عادي ((اول مربوط 5700 من غير بدل غلاء المعيشة 15% بس يمكن فيه بدلات والله ما ادري لان فيه بدل لاعضاء هيئة التدريس 50%في المية للجامعات النائية فاحتمال يكون الراتب مغري من غير المميزات الاخرى كالسكن الجامعي وتدريس الابناء وغيرها)) والجامعة اصلا راح تبتعثك او توفدك لاكمال الدراسات العليا الماجستير والدكتوراة وراتبك ماشي وبعد ماترجعين للجامعة لازم تخدمين فيها مدة ابتعاثك او ايفادك قبل ماتقدمين على وظائف اخرى او تنقلين لجامعة غير ((معيدة افضل اذا كان عندك طموح للدكتوراة راحة بال__ منصب __احتمال تولي مناصب حلوه في اي وزارة اذا كنتي راعية طموح ومثابرة))
وبالتوفيق اختي

انتي من اهل الباحة او مغتربة

الله يجزاااك خير أخوي عمر شقراء مااقصرت .. الله يرزقك من حيث لا تحتسب
أنا من جدة..
والله ودي اقدم عندهم بس الغربة صعبه إذا كان على قولك اذا ابتعثت وكملت ماجستير ارجع عندهم واخدم مدة ابتعاثي يعني كذا يبغالي يمكن حق اربع سنين اجلس بالباحة
مره اقول فرصه اقدم بالباحة لانه التقديم على معيدة بجدة صعب واتوقع يكون بالواسطات
ومره اتراجع لأنه ماابي ابعد عن اهلي

ياارب يفرجها علي .. بجد محتارة

من جد موضوعك محير جدا جدا
لكن استخيري الله وشاوري وشوفي وضعك مع زوجك الحالي او المستقبلي
وموضوع انك تخدمين مدة دراستك في الجامعة ترى فيه استثناءات ويمكن تغير النظام
لا تبنين مستقبلك على كلامي
لانه لو انا مكانك بصراحة ماترددت
بس كل واحد ظروفه بالتوفيق اختي

آسكنك الله الفردوس الأعلى من الجنة ... اللهم آمين

أنا اتكلت على الله وقدمت على الوظيفة
وبإذن الله ربي ييسر لي اللي فيه الخير
عاد من الحين لذاك الوقت مااندري وش بيصير

أشكرك على ردودك

ينقل للقسم المخصص

بتوفيق