السلام عليكم

اشكرك اخي الغالي نوبليس على جهودك الجباره في مساعده الاعضاء
والله يجزاك الجنه

حاب اسئلك يالغالي

الحمد الله اليوم اطلعت النتائج وطلع اسمي معاهم

تخصص مختبرات طبيه واعطوني رتبه عريف

ودي اعرف طابع عملهم هل تكون بمستشفى ام يصكونك خفاره

واللي سمعت منهم يقلون نحطكم استخبارت

ودي توضح لي كل شي يتعلق فيهم

وسوري اذا احد سائلك قبلي لان الصفحات كثيره وماقريتها كلها

وكم رواتبها تقريباااا

بالتوفيق يالغالي

نوبليس كيفك بخير الحمدالله على سلامتك يالغالي المهم ماطول اليوم الاربعاء رحت للقاعدة الجوية بالرياض ولقيت النتايج معلقينها بالجدار طلع اسمي معهم ومكتوب موعد المقابلة الشخصية الاثنين الساعة 8 صباحا فحبيت يانوبليس اعرف وش يقصدون بالمقابلة الشخصية هل هي اسالة عامةوالا تمرين وش تتوقع راح تكون اسالتهم يالغالي انتضر ردك المفصل والله لايحرمك الاجر ..

الرصد الجوي تبوك متى النتايج قالوا الاربعاء ولا شفنا شي ********
اصعب شي الانتظار

[align=center]
نرررجع لمحور حديثنا << بس يالصيرفي

قلت يعطونكم قرارات من نفس قواعدكم تباشرون فيها بالمركز ومع القرار ورقة طلبات

اذا انقبلتوا ان شاء الله أقولكم وشهي الطلبات ووش اللي تجيبونه ووش اللي ما تجيبونه

وكم تحتاجوا ووش اللي يسد حاجتكم عشان لا تتوهقون مثلنا لأن بعض الأشياء ما لأم أمها داعي << وراك معصب خخخخخ

المهم أول شي تسونه وقبل أي شي تفتييييييييييش العموم يقسمونكم مجموعات كل مجموعة معها مدربين ومناوبين

على طاري المدربين والمناوبين بتسمع كثييييير من اللي دخلوا دورات عبارة ( انتبه تخليهم يعرفون اسمك )

ومدري هم يسوقونها بدون فرامل ولا يسوقونها ولا عندهم شوية حروف ما يدرون وين يحطونها

للمعلومية كل مدرب وكل مناوب يعرف كل طالب بسريته باسمه الثنائي و الثلاثي و الرباعي

يعني لا تتعب نفسك وتسوي فهيم وذكي وحريص وماتبي أحد يعرف اسمك << يعنني الطالب الخفي خخخخ

المهم يفتشون على جوالات دخان أكل ملابس شي حاد ماد << ونصيحة لا تجيب

وحاول تدبر عمرك فيما بعد لازم ولا يخلو انك بتلقى طلاب لهم معارف مدربين أو مناوبين

وان دخلت دخان أو جوال بطريقتك << نصيحة انتبه يدري عنه أحد لأنه اما عرضة للسرقة وهذا شي بتعاااااانون منه

أو واحد ما يسوى بسطارك يعلم عليك المناوبين ويصادرونه عليك واحذرووووووا من الدبابيس

ياااااااكثرهم وخاصة بالفرد الأساسي << وأغلبهم من اللي لهم معارف بالمركز

بعد التفتيش طول الله بأعماركم يوزعونكم على السرايا .. أحيان ثلاثة سرايا وأحيان أربع حسب العدد

ثم يصرفونكم على الفصايل << ومهوب شرط يكون التوزيع بأول يوم

أول يوم راح تكون فيكم الصيحة لا أنيس ولا ونيس ولا طريق أتبعه << هع

أكثركم ما يعرف بعض وأكثر شي تسوونه باليوم الأول تناظرون وجيه بعض << خخخ

وتاخذون لفة بالمركز تستكشفون المكان ومن أول يوم الى التخرج بتاكلون وتشربون وتشبعون اشاعات

اشاعات اشاعات اشاعات وأنا أعرف وفلان قلي وواحد بالقيادة وواحد يقرب للعميد ومن هالكلام تغرف بالكريك

واللي بيسمع كل كلمة وقيل وقال << والله يتعب نفسيا تعب مابعده

قبل الفجر بساعة يصحونكم المناوبين << حلوة يصحونكم أحسها كلمة رقيقة غير لائقة بسياق الكلام

قال يصحونكم قال الا ترفيس بيبان ودواليب انهض يا طالب استعجل يا طالب

تقفزون من كراسيكم وكل واحد معه فرشاته ومعجونه ومنشفته وعلى دورات المياه وانتوا بكرامة

تغسلون وتتوضون ثم ترجعون أغراضكم وع المسجد << المسجد هذا فيما بعد راح يصير استغفر الله مدري وش اقول

يصير صالة سوالف ويصير غرفة نوم وملجأ هروب ويا بتجيكم جزاوات بسبة النوم والكلام بالمسجد

وانتوا ان جيتوا للصراحة والله عيب مكان عبادة مهوب سوالف وضحك ونكت ونوم ومحشات

بعد الصلاة تفطرون ثم ع الميدان ياخذون عددكم ثم يوزعونكم التوزيع النهائي

وأول ثلاثة أيام تقريبا مابين توزيع وأبدال رياضة كل سرية لها لون << تشترونه من نفس المركز

لأن الطلبات يقولون جيب بدلة زرقا << وهذه ماتستفيد منها الا بأول ثلاثة ايام تقريبا

بعد كذا العموم بناطيل سود لكن الفنايل تختلف أصفر أو أحمر أو أخضر واذا سرية رابعة مدري وش لونها

مثل ما قلت أول يومين ثلاثة أبدال وتوزيع وأوامر وتعليمات ووش اللي لك ووش اللي عليك

وتحذيرات وتنبيهات وتهديد ووعيد

ثم بعدها يبدا الجد من اسبوع الى اسبوعين ينفضونكم فيه نفض

مثل ما يقولون فحص أخلاق ونفسية

يشوفون من الرجال اللي يتحمل ويصبر ويقعد ومن الـ ......... << مشفر >> اللي ما يصبر << هع

وأكثر هروب من المركز في هالاسبوعين واذا طلعوا يجيبون مكانهم ناس من الاحتياط

وللحديث بقية << كنها عجبتك الكلمة

[/align]