اخوي نوبليس الله يعطيك العافيه على المعلومات الي استفدنا منها
وانا عندي سوال انا ماطلع اسمي بعد المقابله الشخصيه وقالت وش السواه قالي واحد ادخل على القائد (اللواء)معك ابوك الشايب وقال اشرح له الوضع وانك قدمة ولا ولاطلع اسمك بعد المقابله واستعين بالله وارواح الاحد اللي راح ودخلونا على اللواء بعد طلعت الروح والله وجالسونا في الاستراحه قبل مكتب وسكروا الجوالة وزي كذا شوي الا اللواء دخل علينا ويسلم شوي يسولف معنا ويضحك مع الشايب شوي وقال وش عندكم وعلمه الموضع ويسالني القائد وش شهادتك قالة ثانوي قال التخصص قالة علمي قال كم طولك 170 وقال خلاص اكتب معروضك الاحين وعطونياه ويعطيه ابوي من الدعاء الزين وقال مايصير الا كل خير وطلع وجاء مدير مكتبه عطاني ورقه وقلم قالت وش اكتب قال خلاص والايهمك انا بكتبه ويكتب معروض زين ويكتب رقم التسجيل ورقم البطاقه الاحوال ورقم الجوال وقال وقع قال تجي بكره الاتنين تاخذ رقم المعامله وترجع جناح الإدارة وجيتهم الاثنين 28/1وخذيت رقم المعامله وراحة جناح الادارة وقالوا مجات تجي بكره امكن وانشاء الله بروح جناح الادارة بكره الثلاثاء 29/1...

سوألي وش بيصير اذا جات جناح الادارة وش بيسون؟ وهل ضنك بتمشي ؟؟؟؟؟؟؟

والله الذي لا إله إلا هو اني اول مشفت النتائج ومطلع اسمي قالت الحمد لله على كل شي والتوفيق باذان الله

واول مطلعت من اللواء تذكرة الحديث النبوي .... عن أبي العباس عبد الله بن عباس رضي الله عنه قال كنت خلف النبي صلى الله عليه وسلم يوماً فقال "يا غلام , إني أعلمك كلمات : احفظ الله يحفظك , احفظ الله تجده تجاهك , إذا سألت فاسأل الله وإذا استعنت فاستعن بالله , واعلم أن الأمةلو اجتمعت على أن ينفعوك بشيء لم ينفعوك إلا بشيء قد كتبه الله لك , وإن اجتمعواعلى أن يضروك بشيء لم يضروك إلا بشيء قد كتبه الله عليك , رفعت الأقلام وجفتالصحف "

موفق بإذن الله ... لك مني أجمل تحية .

الله يكون بالعون ياشباب فحصي في 20/2 وشايل هم كبير والله

وبكره بروح اخذ الاوراق اللي قالو لي تعال اخذها ..


بس ياشباب في آحد راح اليوم ( الاثنين ) واخذ الاوراق اللي يقولون خذها الاحوال والاوراق الثانيه


لاني .. بصراحه على اعصابي ./. وسؤال ثاني آحد يعرف وشو الاوراق اللي بيعطونا اللي وعدونا فيها ..~

انت من الدفعه الثانيه امن وحمايه ..؟ الرياض
انا بكرا بروح اخذ الاوراق ان شاء الله ..
اعتقد انهاا استماره تعبيها من الشرطه والعمده ومعرفين وتسذااا
بس مو متأكد اخوي اتمنى احد يفيدنا