اقتباس:
المشاركة الأصلية كتبت بواسطة فضل المطيري
كيف الجو بالطايف 
يمشي الوضع مع البجامات ولا الجو يصير حار 
أنا عضلات صدري يحصل فيها تشنج من البرد اذا ما لبست وهاذي مشكلتي في الشتاء 
واللي جاي من بعيد يجي على سيارته ويفصل اصبع البطاريه 
ولا يرجع مع كداد 
وشو اللي نقص عليك من الملابس والأغراض وايش اللي زاد والمبلغ 1000 يكفي 
الجوال اذا دخلته معي وين اكلم فيه وارسل مسجات <------ واذا صادوني الرصد الجوي وش يصير
فيه مجال للعصيان او على طول الغاء دوره 
أسئله غريبه وبدري عليها 
بس من الفضاوه وكثرة التفكير واذا لي نصيب فيها ان شاء الله او يستفيدون البقيه 
الله يوفقنا وياك  |
موقع المركز بالحوية مهوب الطايف يعني أبرد من الطايف
بداية الدورة الجو بارد لكن على دورة التأهيل الأمني يعني الشهرين الأخيرة يحتر الجو
وحر مقبول نوعاً ما مهوب اللي على خبرك
الأمطار والغيم والجو اللي يطربك تقريباً كل اسبوعين ثلاثة
وهذا يخفف عليك بالدورة يعني تتغير النفسية وتتحسن وتبي الميدان وتبي التصليبة
سبحان الله من ربك يكون المركز كله قافلة معه وصاكته النفسية ويفكر بالخروج
شوي تجي سحابة يغيم الجو ولا ذاك المطر << يغير النفسية 180 درجة
ويعطيك باور لاسبوعين قدام
بداية الدورة ( الفرد الأساسي 3 شهور ) ياخذون كل ملابسكم الاضافية يعني ثوب ولا بيجامة
وماعندك غير البدلة العسكرية والبدلة الرياضية
والناس ترقد بالبدلة الزرقا اللي ماتستفيد منها الا بأول اسبوع ثم بعد كذا الالوان تختلف حسب السرية
أما دورة ( التأهيل الأمني شهرين ) تبدا الفلة العدد يقل وتكون تعودت على الوضع وتعرفت على المناوبين والمدربين
ويبدا يدخل الجوال والدخان والأكل والبيجامات والوضع أفضل بكثيييير من قبله
وكل ما قرب التخرج كل ما انحلت الأمور أكثر وأكثر
بالنسبة لبداية التحضير بالدورة الأفضل محد يجي بسيارته
يعني يجي راكب أفضل لأن تقريباً 45 يوم السيارة واقفة وشفناهم يوم خرجنا بعد الـ 45 الأولى
اللي مبنشر واللي الشمس لاعبة بسيارته واللي قضت بطاريته
واللي بيجيبها يحط كذا شغلة بالاعتبار
ما يوجهها للشمس واذا يغطيها أحسن والشي الثاني يفصل اصبع البطارية
والشي الثالث يتفقد المكان اللي واقفة عليه عشان الكفرات
وأنا أشوف الأفضل من الـ 45 الثانية الى التخرج جب سيارتك لأنك كل اسبوع بتطلع
الدراهم حسب صرفك لها
يعني به ناس ما تغسل ملابسها بنفسها لازم المغسلة << وهذا يسحب واجد
وبه ناس ماتاكل الا من الكافتريا مدري بوفية << وانت الصادق مقصف
شيبس وكيك وبسكويت وعصير فقط
وأبو نص يبيعونه بريال << والحسابة بتحسب
مع ان الميز فيه فطور وغدا وعشا << صح ان النفس ما تقبله لكن تحمل وش تسوي
وبه شغلة اللي يشري دخان من داخل المركز
السيجارة توصل لـ عشرة ريال بالـ 45 الأولى والبكت بـ 50 و70
أما البزوطة الناس نوعين
به ناس تبزوط بخبال وهبال << وهذا يكرونه على وجهه وقفاه ويضحك الرجاجيل عليه
وبه ناس تبزوط بعقل << وهذا عايش وماخذ الدورة وناسة وسعة صدر
اللي يدخل جوال أو دخان
نصيحة لا يعلم فيه أحد لأنه يكون عرضة للسرقة
واختار من تصاحب لأنك بتلقى الصاحي وبتلقى المجنون
بتلقى الرجاجيل وبتلقى الوراعين
الغاء الدورة مهوب سهل
واللي شي ماشيات عصيان ومضاربات به سجن داخل المركز
وبه حسم من نقاط المواظبة << تكتب بالملف دايركت
وبه حجز خميس وجمعة
الا اللي يسوي مشكلة كبيرة وهذه صارت بدورة 17 وحولوهم للشرطة وما تخرجوا معنا
وبه قصص سمعتها من ثقة بدورات سابقة ناس انسجنت من بداية الدورة لنهايتها
ثما قالولهم الباب مالكم شهادة ولا تخرج
لي جلسة معكم أقولكم فيها تجربتي الشخصية
وكيف ووفرت وكيف تأقلمت ووش أخذت ووش نقص ووش زاد
وين تكلم بالجوال وين تدخن وووووو أشيااااااااااء كثيرة
14-01-2011, 10:48 PM
العرض العادي
