28-01-2011, 01:04 AM
|
عضو مميز
|
|
تاريخ التسجيل: Mar 2010
المشاركات: 954
معدل تقييم المستوى: 43725
|
|
اقتباس:
المشاركة الأصلية كتبت بواسطة مرحله وتعدي
نوبليس
كيف حالك
يشهد الله اني ادعيلك انا قبل كنت معكم بس ضيعت رقمي وخليتها
وربي رزقني بالمخدرات
انا بسئلك خارج الموضوع الي تتكلمون عنه
اذا مثل شخص كمل ارواقه بي قطاع كان من كشف وبصمات واحوال
باقي بس المقابله
السؤال هو هل ممكن يستبعد وهو اوراقه مافيها شي
ومافائدة المقابله هل هي تحدد من يقبلون ومن يطردون
او عشان يحددون هذا اساسي وهذا احتياط
او يعني يقولون بالعربي(توكل على الله) بي لحضه
ولا يطلع اسمه بالقبول النهائي
او كل من يسوي مقابله شخصيه مقبول باذن المولى
ارجو ان تسامحني بخروجي عن موضوعكم بس مالقيت احد يفيدني
وبما انك صاحب خبره بالقبول والتسجيل والاشياء هذي
قلت القى عندك الحل
وجيزت خيرأ,,,
|
يسرك الحال
ومابه خبره ولا شي ولكن شي مرينا فيه أو شي مارسناه أو شي سألنا عنه عموما
المقابلة الشخصية ان جينا لأهميتها هي أساس كل وظيفة
لكن بعض الجهات تاخذها من باب انها شغلة روتينية لابد منها وقدام المسئول اسمه سوينا مقابلة
أما وش فائدتها ؟ << التقييم من البداية قبل الاستمرار أو نقول الشروع بإجراءات القبول
لأن بعض المتقدمين للوظايف تكون عنده عيوب خِلقية أو خُلقية
أو تشوهات أو مشاكل بالنطق أو السمع أو أو
ولذلك يستبعدونه بدري بدري ويختصرون على أنفسهم
بعض الجهات يكون تقييمها درجات أو مستويات << وتمشي بمبدأ الأولوية في الفرز النهائي
وبعض الجهات بمجرد اجتياز المقابلة يعني البدء بالخطوة اللي بعدها إلى انتهاء جميع الاجراءات
أخيراً .. ما يرسب بالمقابلات العسكرية إلا واحد يكون سايق العبط
ما يعرف يتعامل مع الأسئلة الاستفزازية وينفعل معها ويخرب على نفسه
أو واحد عنده مشاكل وعيوب واضحة
قصة سمعتها
ان واحد سألوه وش الفرق بينك وبين الحمار
قال طاوله << يعني اللي يكلمه هو الحمار وانتوا بكرامة
مثل هالأسئلة اذا ماعرفت تتعامل معها تضيع
|
العرض العادي
