27-10-2010, 08:55 AM
|
عضو مهم جداً
|
|
تاريخ التسجيل: Jul 2008
المشاركات: 685
معدل تقييم المستوى: 112904
|
|
السلام عليكم ورحمة الله وبركاته
اخوي انت شكلك ما تعرف بالتجارة عموما شي ولا تعرف بنشاطك اللي داخل فيه خصوصا شي
لذلك مثل ما قالوا الإخوان من جدة افضل سوق لك
لكن قبل ما تشتري عرف وش تشتري
وافضل طريقة تشوف محلات الإكسسوارت اللي في منطقتك وشف وش الماشي عندهم من جوالات واكسسوارات
لا تشتري بالمحل اي شي ماله داعي ابد ثانيا المحل اللي مابه صيانة ما ينجح والصيانة تحتاج فني ماهر ولو كنت في مجمع تجارة جولات فحاول تتعرف على افضل ثلاث فنين في المجمع وحاول تتفق معهم يصلحون لك كل جوال يدخل للصيانة عندك ولك عمولتك من اجرة التصليح واجرة التصليح لهم والمحل ما يتحمل روابتهم وتستفيد منهم في الصيانة وفي شراء المستعمل وفحصه وصيانته ثم عرضه للبيع على ضمان المحل كالمعتاد بين المحلات في المستعمل
الأمر الثاني انتبه من كثرة الإكسسوارات في المحل لا تصير استك بعدين عندك واحرص على معرفة الأكسسوارات النسائية المكمله للجوال هي الماشية حاول تميز لو بالتصاميم عن طريق محلات الإكسسوارات الكرستاليه
وقسم المبلغ اللي تبي تستثمر به لأربع اقسام
اول مرة تشتري بربع المبلغ من كل شي يعني مثلا اغطيه ثلاث انواع فقط سماعات ثلاث انواع واعرف الماشي وش افضل شي عشان تنزله في المحل وشف في الشهر الأول راح تعرف الماشي في السوق وجب منه بالربع الثاني من المبلغ بعد شهر يكون شريت بنصف مبلغ ألأستثمار في المحل بعدها تترقب وش ينزل بالسوق ومطلوب وش لفت انتباهم بسوق الجمله ومو موجود حولك وتتقع يمشي جب منه عينات واذا انطلب كمل بالربع الثالث من مبلغ الأستمثمار والفترة هذي تاخذ تقريبا ثلاث اشهر من الفترة السابقة فيكون بالتالي بعد اربع اشهر كملت مشتروات بثلاث ارباع المبلغ وبضاعتك كلها جديدة ومطلوبه واحرص يكون لك يوميا زيارة لسوق الجملع في منطقتك ولكن لا تشتري شي خل التجار يشوفون وجهك كل يوم ومهما كانت العروض لا تشتري حتى تشوف سحب حولك على بعض العروض ونهاية كل اسبوع خله يوم الخميس تزود المحل بالبضاعه وخ راسمالك دوار على طول اول باول بقى عندك ربع المبلغ هذا يكون للحاجة تجيك فرص بيعات بعد فترة تلاقي عندك مبلغ لكن لا تشتري بكامل المبلغ ولو شريت به ترده للصندوق وبالبطبع لا بد يكون عندك دراية او معرفة بالمحاسبة واحرص كل يوم تطلع راس مال المحل من مبيعاتك وارباحك يكون لها تقسيم معين تلتزم به دوم تخرج نسبة اجار المحل فيه ونسبة رواتب ومصروفات ويبقى معك الصافي تزوده على الصندوق وعلى المبلغ السابق اللي هو ربع المبلغ المراد ولكن لا يطول بالصندوق بعد فترة تجميع شهر كل الزائد عن الربع في الصندوق تشتري به بضاعة
لو تلاحظ انك راح تشتري اسبوعي وراح يكون عندك مشتروات شهرية وموسمية وبالتالي غطيت فتراة الموديلات بالسوق بدون ما تكلف على نفسك وتفوتك المواسم
وربي يوفقك ويرزقك وعلى فكرة الشركات الصينية الموجوده بدبي واللي تسوق في الخارج بدأت تفتح مكاتب في جدة وبعد فترة تستطيع تتفاوض مع شركات التصدير الصينية ويوفرون لك البضاعة لجدة ولا تتعب نفسك وباسعار افضل من اسعار الجمله لكن اسأل عنهم حقيقة لي كم يوم ادور بالسوق ووصلني الخبر ولا زلت اتقصى عن مكاتبهم والتجار اللي هم داخلين معهم
ولو تواصلت مع سوق الجمله باستمرار راح تتعرف علي بعض مناديب الشركات الصينية يجون للملكة تسويق ومؤتمرات لكن المهم يكون عندك مقدرى على السحب منهم بكميات وتستطيع تتغلب على هذي المشكلة بان تتجميع في تكتل انت وكم محل مفرق وتجمعون على مبلغ يجيب لكم كونتينر وتفاوضونهم ويكون المفاوض شخص واحد معه مساعدين فقط والكلمة الأوله وألأخيرة لشخص واحد منكم وبالطبع راح تحرصون على البضاعة ولا تكثرون التشكيل في الإستيراد استوردا اللي فيه مربح ودارج بالسوق ما يوقف وهذا راح تعرفه بعد الستة اشهر الأولى لو كنت غشيم بالسوق جدا .
ربي يوفقك
|
العرض العادي
