هذه قصيدة حبيت انقلها لكم تتكلم عن اليتيم:
تدري وش اللي يجرح القلب جرحين
ويمد حبـل الحـزن فيـك ويشـده

انك تناظر طفل مـن غيـر ابويـن
يمشي ودمعـه سايـل فـوق خـده

منظر صعيب ويقسم القلـب قسميـن
لا قـام يمسـح دمعـه بكـف يـده

يمشي ولا يدري طريقة علـى ويـن
لين التعب من كثـر مـا تـاه هـده

اثقل حـروف يشيلهـا فيـة حرفيـن
لا أب يـدريـبـة ولا أم تـــرده

في خطوته رحلـة ودمعـة وسكيـن
وحـظ توسـد بالمراسـي مـخـده

جيت اسألـة بالله قللـي ولـد ميـن
وبغي يجاوب وختنـق صـوت رده

أنـا يتيـم ومـا لدربـي عنـاويـن
.وجزر الحزن فينـي يسـاوي لمـده

وطعم الطفولة ما عرفته لهـا لحيـن
وثوب السعادة صـرت مانيـب قـده

ابكي إلى من شفت غيـري سعيديـن
ليـن البكـا فينـي يوصـل لحـده

واقفي ورحت امسح دموعي من العين
وعيني تناظـر دمعتـه فـوق خـده

وهذا اللي يجـرح القلـب جرحيـن
ويمد حبل الحـزن غصـب ويشـده

((قالوا من انت؟ قلت انا اللي من معهد الاحزان خريج غفلت عن رمح الزمان وطعني))

آه..آه.. الموت من كان يتيم الام ولاب..ومرت الاب هي المسؤله عنه..
تعالو شوفو انوااااع العذاب على اصوله.
تقبلو تحياتي:
حــســايـــف غلا