27-10-2010, 03:40 AM
|
|
Guest
|
|
تاريخ التسجيل: Apr 2010
المشاركات: 220
معدل تقييم المستوى: 0
|
|
حتى انتي يا اللي اسمك قوطة
انتهى المطرب شعبان عبدالرحيم من إعداد أغنية للطماطم
بعنوان «حتى انتي يا اللي اسمك قوطة»
هدف الأغنية الدعوة لخفض أسعار الطماطم،
حتى تكون في متناول الجميع
حتى انتي ياللي اسمك قوطة.. بتذلي
فينا ومبسوطة.. حرام عليكي يا مجنونة..
خليكي عاقلة ومظبوطة..
عاملنا أزمة وشبورة.. وبقيتي في السوق
مشهورة.. وكل يوم طالعة في جرنال..
ومنزلك كام صورة..
بقى ليكي سعر وليكي قيمة..
يا مفعصة وعاملة سليمة.. مش بعيد
بعد شوية..
نشوف جنابك في السيما..
من امتى وانتي بعشرة جنيه.. والناس غلابة
ها تعمل إيه.. بقيتي أغلى من التفاح..
ومنفضة لنا وعاملة بهية..
مجنونة أكتر من العادة.. والحالة جاتلك
بزيادة..
يارب أشوفك يا طماطم من السراية واخدة
شهادة..
ده حتى شكلك مش هو.. وبايظة خالص من جوه..
رضينا وانتي معندانا.. واخدة الأمور عافية وقوة..
حرام عليكي خنقتينا وبأي حق تذلينا..
من بعد ما دخلتي في أزمة.. الكل بقى
يلعب بينا.. هانشتكيكي يا قوطة لمين
التعديل الأخير تم بواسطة محتارة مع نفسها ; 27-10-2010 الساعة 04:01 AM
|
العرض الشجري
