05-11-2010, 02:04 AM
|
 |
|
|
تاريخ التسجيل: Dec 2009
المشاركات: 3,372
معدل تقييم المستوى: 21474873
|
|
اقتباس:
المشاركة الأصلية كتبت بواسطة ح سايف
اخت كابتشينو ياريت تقولي لنا وش صار لك عشان مانكرر الغلط 
|
آآهلين أختي حسايف
بصراحه انا محتاره اقول والا ماقول ووالله ماكان ودي اقولكـ عشان ماتتحطمين 
وماتدرين سبحان الله يمكن يكون رزقك في هذي ,,,
وترى مدري وش سالفة الوظائف هالسنه ولا قريت عنهم شي
لكن السنه الماضيه مره متحمسين البنات ونذاكر ونجمع اسئلة ونسأل عن كل صغيره وكبيره ولو تسوين بحث راح تلاقين اعلان السنه الماضيه,,
يعني معأناه ومتوقعين اننا نتوظف فيها وننتظر الاختبارات ع احر من الجمر
واعلنو قسمو اللجان ع حسب الحروف كل مجموعة حروف في كلية لحال وتشوفين انواع الزحمة
لدرجة انه فيه بنات من برا الرياض من جده ومن الخرج ومن الدمام شفتي كيف ,,,
حضرنا الاختبار اسئلة غبااااااااااء مدري وش يحسون به اللي حاطين الاسئلة 
من ضمنها أذكر كوفي عنان مسؤول عن اي منظمة اعرف هالكوفي لكن مدري وش سالفته بالضبط
المهم كلها عن السياسه وفيها عن الحاسب بعد
واول ماشفت الاسئله كذا صح حليت فيها اسئلة
لكن بعد اللي سمعته والله قعدت اخبص ع كيفي بس ابي الوقت يمر بطلع ,,,,
لاني من البدايه ماني مرتاحه لها لكن توكلت ع الله قلت اجرب حظي ,,
تدرين ليش مرت موظفة من جنبي وتسولف مع صديقتها ومقصره صوتها تقول ماشاء الله متحمسين مايدرون ان محد مصححها ولا شايفها ويضحكن
انقهرت قهر ودي اقوم واتكلم من القهر ابي اسالهم وش السالفه بالضبط ابي كل بنات القاعه يعرفون الناس الكذابه هذي لكن سكت مابي اسوي قلق
رحت للي تضحك وقالت الكلام اللي قبل شوي وسلمتها الورقه انا ابيها هي بالذات
قالت روحي صوري بطاقة احوالك وتطالع بورقتي قلت معي صوره لها لكن مانتم في حاجتها
قالت لازم صوره رحت مشيت وتركتها مع انه مو من طبعي مع الناس
وهي تطالع بورقتي ونادتني قالت كملي حلك باقي اسئله
قعدت اضحك قلت حلوها عني ,,,,
وطلعت اشوف البنات يسبون ومتنكدين رحت لاخوي برا سالني هاه وش صار قلت ياحسافة الشهر
الماضي كله وتعبه وقومتي اليوم ,,,
الله يعوضنا بالخير
والحمدلله ع كل حال واسمعي اختي ,,
بقولك شي واحد ماكنت ابي اكتب هالكلام لكن بقولكم الصدق واول مره اكتب كلامي هذا فالمنتدى ,,,
وانتي وغيرك من الاخوات مو تقرون الكلام وتقولون خلاص اكيد نفس الحاله لا والله
ماتدرون يمكن الله كاتب لكم فيها وظيفة ترتاحون من البطاله وهمها ,,,,,
يالله بالتوفيق وتوكلو ع الله واسال الله ان يرزقكم من اوسع ابوابه ,,,,
آآآسفه ع الأطاله ,,,
|
العرض العادي
