يا ليت والله يصير فيه تعاون بين اعضاء المنتدى في هالأمر

يا جماعه فيه أحد منكم يقدر يساعدني بسوق الجملة بالعزيزية - الرياض

أنا ماعرف فيه شي , يا ليت أحد من الإخوان موجود يوميا في السوق يساعدني

لأني أنا عندي عرض لكن ماعرف كيف أصرف الأمور عشان تتسنع أموري

وأنا بتخرج بعد أسبوعين إن شالله وقدامي طريقين
يا أدشر , يا أكد , الله يبعدني عن الأولى قولوا آمين

ههههههههههههههههههههه
الله يسعدك
العرضه هاذي صديقي مشدد بقوة مايبي يضيع اي وقت
اسعار ايجار المزارع على حسب المنطقه والمشروع ممتاز واذا تبي تشتغل في الباميه
عندي لك شور بسيط جرب تكون مسوق اوتاجر يعني جرب تشتري من جيزان او نجران وتبيع في الرياض او جدة
بعدين شوف نتايج التجربه واحكم عليها بالاستمرار او التوقف

طيب كيف اكون مسوق من جيزان او نجران

[mark=#CC6633]
[align=center]

السلام عليكم ورحمة الله وبركاته

اعرف رجل كان يشتغل في سوق الخضار الان من أكبر تجار في سوق العقار وساكن في قصر كبير في محافظة كبيرة بالسعودية وفيهارزق كبير ولكن إذا كنت تبغى الحلال الواضح اللي مافيه شبهات ولا اتفاقات على المزارع المسكين يعني إنك تخالف طريقة ومنهج كثير من مجموعات بائعي سوق الخضار "وليس كلهم "وأعرف رجل آخر كان يحاربونه حرب شاملة لأنه مايدخل معهم باتفاقاتهم مع المحرج والتجار ومع ذلك نجح نجاح باهر لأنه قطع حبال الخلق وتمسك بالعروة الوثقى التي لاانفصام لها " تمسك بالحلال الذي أمر به الله " ولكن لاتنسى أذكار الصباح والمساء والمعوذات وآية الكرسي بعد كل صلاة


* من خططهم في محاربة أخونا إذاكان فيه حراج وحضر خوينا يزيدون بالسعرثم يوقف عليه السعرالغالي ثم يمشي خوينا ويوزع على المحلات والمتعهدين معه بربح ريالين على كل صندوق
وإذا جاء الحراج اللي بعده اتفقوا ونقصوا بالسعر كثيرا ثم يبيعون للناس بسعر أقل ويذهبون إلى من تعهد معهم خوينا ويعرضون عليهم بسعر قليل جدا يريدون الخسارة لخوينا ونقض اتفاقاته وتعهداته مع الناس فلابد من مرابطة أمين ليحضر كل أوقات الحراج وقطع التلاعب


. موفق بإذن الله ... لك مني أجمل تحية .