ماغشتِّني أُمِّي .. يَوم نصَحَتْنِي و قَالَتْ :

ماغشتني أمي .. يوم نصحتني و قالت :

لا تصير إنسان جارح
إضحك بوجه الجميع
عامل الناس بتسامح
لا تفرط في حقوقك
لا تجامل في النصائح
ولا تثور .. تصير فاضح


ماغشتني أمي .. يوم نصحتني و قالت :

إحذر .. أولادك ومالك
لا تجافيهم وتقسى
ولا تبالغ في دلالك
ربّهم بالخير .. تربح
وعلم النفس القناعة
وعلم القلب الشجاعة


ماغشتني أمـي.. يوم نصحتني و قالت :

إنتبه .. لا تبني دارك
قبل ماتختار جارك
وفكر بحق المجوره!!!
لايحس إنك ظلمته ..
وإلا إنك يوم خنته ..
وإلا توذيه بصغارك ..


ماغشتني أمي ّ .. يوم نصحتني و قالت :

إن وعدتْ وعد .. فاصدق
إحذر تزل بلسانك
أو تقلل يوم شانك
عش عزيز النفس تسلم
حاجتك للناس .. علقم
لاتبين ضعف حالك
أو يغرّك زود مالك
ولا تهين إنسان .. تندم..


ماغشتني أمي ّ .. يوم نصحتني و قالت :

خلك إنسان بكرامة
لاتغرك هالأمور
المناصب
والقصور
فكَّر بيوم القيامة
فكَّر إنك ما أنت خالد
رحلة الدنيا قصيرة
تلقى نفسك في سلامة


ماغشتني أمي ّ .. يوم نصحتني و قالت :

إحذر تصير البخيل
واحذر تبذر وتطغى
واحذر تعيش بخساسة
أو ذليل
ولا تنام بيوم خالي
لا تنام بدون لا تفعل جميل
تلقى نفسك في معزة
تلقى روحك في شموخ
عش أصيل
ومت أصيل..


ماغشتني أمي ّ .. يوم نصحتني و قالت :

كل ما سويتْ فيني
أو في أبوك
تبي تشوفه من عيالك
برّ فينا تلقى بِرك
يا عسى الله لايضرك
والله الله
لاتلين بضعف تعصر
ولا تقسى بشر تكسر
إصحى .. وإحذر
زوجتك تشكى وتكدر
لا تدقق في خطاها
وإنتبه تكشف غطاها
تسعد بنعمة وفاها
وتلقى منها ما يسرك


م،،ن،،ق،،و،،ل