28-10-2010, 05:30 AM
|
 |
عضو متواصل
|
|
تاريخ التسجيل: Jun 2010
المشاركات: 82
معدل تقييم المستوى: 147
|
|
معهد الدراسات الفنيه للقوات الجويه [ موضوع متكآمل ]
السـلام عليـكم ورحمـة الله وبركآتـه
في البدايه امسي / اصبح على الجميع بالخييير ..
معهد الدراسات الفنيه للقوات الجويه ..
الموقع : المنطقه الشرقيه . الظهران . وسط قاعدة الملك عبدالعزيز
وصل عدد الدورات لحد الان 120 دورهـ .. واقرب تقديم لهآ ان شاء الله خلال شهر 1
قبل لااشرح لكم بالتفصيل عن المعهد احب اعرفكم بنفسي .
اخوكم محمد البقمي من دورة 120 بالمعهـد .. بالنسبه للمعهد الكثير منكم يسمع ان
الدراسه فيها صعبه بالنسبه للانقليزي . بالعكس . وبتعرفون السبب الحين ..
اول شي بعد ماتعمل فحوصات ويقبلونك تدخل تدخل مرحله لابد على الجميع يدخلها
حتى في دورات الظباط . الي هي مرحلة [ الفرد الاساسي ] وهي 90 يوم اول شي حجز 45
بعدين تطلع اجازه وترجع تاخذ 45 يوم < بس تفرق عن الخمسه والاربعين الاولى انك تطلع
الربوع وتحضر الجمعه
وتكون الرتبه الي عليك لونها [ كحلي وعليها خط ابيض ] علامه على انك في مرحلة [ الاستجداد ]
بالنسبه للجدول خلال مرحلة الفرد الاساس . يكون اغلب وقتك
تتعلم الحركات العسكريه . وبعد فتره يصرفون لك سلاح الي هو
[ جي 3 ] علشان المشاه العسكريه . < ياهو كسر يديني هههه ..
بعد نهاية الخمسه والاربعين الثانيه يجيك حفل التخرج ويحضره سعادة اللوء العيسئ
بعدها خلاص تخلص من مرحلة الاستجداد وتنتقل لمرحلة [ اعدآدي ]
ويكون الرتبه [ لونها كحلي وشرطه خضرا ] ومدة مرحلة الاعدادي سنه وشهرين
مقسمه قسمين .اول ست اشهر تدرس في مدرسة الانقليزي الاولى وتدرس خلال الفتره
3 كتب . ويكون بين كل فتره وفتره اختبار لك .. [ بس لاحد يتخوف من الاختبار ترى يعلمونك
من اي بي سي دي . يكفيك انهم يحطون لك نقاط وانت تكرر على النقاط علشان تكتب الحرف ]
بعد ماتنتهي من الست اشهر الاولى تنتقل لمدرسة الانقليزي الثانيه . وتدرس فيها 3 كتب .
بعد ماتخلص مرحلة الاعدادي وتختبر ويوفقك الله .
تنتقل لمرحلة المتوسط .ومدتها 6 اشهر ويكون رتبتك [ لونها كحلي وعليها شرطه صفرا ]
ويكون جدولك دراسة انقليزي بس في المجال العسكري . يعني تدرس الطيران بس بالانقلش
بعد ماتخلص تنتقل لافضل مرحلة بالمعهد مرحلة النهائي ومدتها 6 اشهر
ويكون جدولك تدرس التخصص الي انت مختاره .
بس الفله في المرحلة هذي ان مافيه احد يامر عليك . انت تامر على المستجدين والاعدادي
والمتوسط ..
بالنسبه لمستقبل المعهد بعد التخرج .. لابد من وجود الواسطه علشان تدخل التخصص الي
تبيه . ويبيلك واسطه علشان تتعين بالمنطقه الي تبيها ..
ثاني شي . حتى لو تتقاعد كل الشركات تبيك . ,, اعرف قبل كذا واحد قبلوه الخطوط السعوديه
براتب حدود 16 الــف واكثر بعد ..
مااحب اطول عليكم اكثر من كذا ,
ودعواتكم لنآ بالتوفيق ..
ومضه .
لاحد ينتف الموضوع يامشرفين . بليييز
|
العرض العادي
