28-10-2010, 02:40 PM
|
عضو نشيط
|
|
تاريخ التسجيل: Jun 2010
المشاركات: 144
معدل تقييم المستوى: 43
|
|
هذا مارأته عيناي قبل أذان الفجر
السلام عليكم ورحمة الله وبركاته
(كلا إن معي ربي سيهدين)
الله يلعن الوظائف الله يلعن الوظائف
بصراحة النفس طابت طلع إسمي أو ماطلع في الديوان أو غيره ( ماتفرق )
لو شفتوا اللي أنا شفته بتكرهون الدنيا ,,, أقسم بالله الدنيا ماتسوى.
صحيت قبل أذان الفجر تقريبا بساعة وشوي وطلعت برا البيت أبروح للصيدلية أنا الحين داخل الحارة شفت إمرأة تقريبا أعطي عمرها 50 وشوي ........
وين شفتها ؟
وين شفتها؟
وين شفتها؟ ياوطن يافوق هام السحب وين شفتها ؟
شفتها : تبحث في الزبايل والقمامات عن باقي الأطعمة الصالحة للأكل هذا إن وجد صالح للأكل.
فكرت وفكرت أوقف أو لا أوقف .. خفت أول شيء من إنه يراني شخص ويفكر غلط ,, ماخفت على نفسي , خفت على المسكينة يقولون عنها شي ,, تخبرون هيئة الأمر بالمعروف = شاطرة بالأمور اللي مثل هذه لكن هموم الفقراء والمساكين = لاتعتبر ذلك من المعروف .
المهم رجعت للبيت ولما صارت الساعة 9 رحت أبحث عن جمعيات البر والخيريات في مدينتنا المهم سألت عن الجمعية القريبة من أحياءنا .
هل تعرفون عوائل بالحارة الفلانية .. طبعاً ماقصر الموظف الله يرضى عنه وقال لي عن بعض العوائل.
قلت مو مشكلة بس مافيه , حرمة لحالها أو رجل لحاله يعول أسرة بمفرده,قال : دقيقة بحث وبحث.
سبحان الله
وجد المسكينة هذه لحالها تعول أطفال أيتام
أنا بدوري ماقلته عن اللي حدث لي ..
قلت له : ليش وش فيها؟
قال لي: هذه المرأة من شدة الحياء والخجل ماتقول إنها فقيرة أو محتاجة؟
المهم رحت وفكرت بالدنيا وإنها ماتسوى وراح أكرس حياتي وجزءً من راتبي المتواضع 1570 ريال للفقراء بإذن الله ,, ليش نتعب المسؤولين بالفقراء إحنا نهتم فيهم,,
ياأعضاء المنتدى من شباب وبنات : نصيحة لاتهمكم الدنيا شوفوا الفقراء وراح تعرفون قيمة الحياة وقيمة كرامة العيش والأكل النظيف والنوم المريح.
هذا ماحدث لي.
إلى الأمام أيها الوطن الشامخ إلى الأمام وفوق هام السحب.
وصلى الله على نبينا محمد وعلى آله وسلم
والسلام عليكم ورحمة الله وبركاته
|
العرض العادي
