السلام عليكم
أحبائي
إحنا ثلاثة شباب عاطلين وأقارب بجدة .. وحصلنا موقع مناسب لفتح بقالة أو مشروع آخر مناسب للموقع
المهم إحنا ودنا نقدم على قرض ونفتح فيه البقالة .. لكن صراحة متخوفين وودنا نشوف دراسة جدوى للبقالة أو أحد يشرح لنا كيف وكم مدة دورة رأس المال ..

إذا ممكن تساعدوني بروابط أو بنصائح أو بأفكار لمشروعات غير مكلفة ودورة رأس المال فيها سريعة ..

الفزعة تكفون يا الربع..

موفق بإذن الله ... لك مني أجمل تحية .

وشلون تقدمون على قرض وانتم ثلاثه ؟

من فيكم اللي بيقدم علي قرض؟


ودامك سعودي انسي البقاله صراحه انا اقولك ياها على بلاطه


ليش تحطم؟


مااحطمك .. للاسف هذا الواقع

لانو دامك سعودي انسى الموزع ينزل لك بضاعه .. واذا توفرت سيوله بالبقاله تعطيه


الموزع اذا شافك سعودي يقولك هات كاش


مهما كان جنسية الموزع كلهم متكاتفين ضد السعودي


ليش مشروع البقاله معشش بذهنك ؟

وش تشوف بالبقاله من مكاسب ؟


الله يفتح عليكم ويزرقكم من حيث لاتحتسبون

وعليكم السلام


ثلاثه شباب وعاطلين

حلو


يعني

عندكم همه وطموح


مليتم من القعده والعطاله وتبون النجاح


اذا كنتم بينكم اخوه واخوه كبيره يدك علي يدهم تمشي السفينه وكمان اقارب

اسمع طال عمرك وفديت قلبك


صعبه انكم ثلاثه شركاء وفي بقاله ممكن تنجح او لا وممكن ما تغطي ارباح لثلاثه انفار


وبعدين بيكون عليها قرض لشخص واحد فيكم وممكن مايطلع قرض بسبب بقاله وثلاثه اشخاص


بوصل لك فكره واتمى تفهمها

حبه حبه تمشون ودامكم ثلاثه حلو

عليكم بالبسطات سوى خضار او معمولات راس المال مقدور عليه ومايكلف

وتوزعوا العمل عليكم

مبدئيا بسطه او بسطتين وتتناوبوا عليها الين تجمعوا راس مال حلوا تفتحوا لكم محل وتبقون انتم ع البسطات

الين تفتحوا محل ثاني وثالث هذي فكره


صدقني انتم ثلاثه واذا فيكم جدا واجتهاد وطموحين بتنجحوا

لكن لا تبداء مشروعك بقرض

لكن بجاوبك عن البقاله

البقاله بتكلف حدود 40 الي 50 اف طبعا بضاعه غير الايجار

مبدائيا الموزعين مستحيل يعطونك بالاجل الا بعد فتره بعدين بينزلوا لك بالاجل


اطلعوا الكورنيش انتم الثلاثه واحد عليه السياره والثاني البيك والثالث البانزين

وخططوا وخلو نصب عينكم الجد والاجتهاد وراح تطلعوا بافكار جيده تفيدكم


وربي يوفقكم ويرفع قدركم ويرزقكم الرزق الحلال ويرزقكم الاهم الفردوس الاعلى من الجنه

بعطيك قصه على الطاير

انا من الطايف كان عندي محل خضار كنت انزل حلقة الخضار اقضي للمحل


المهم سبحان الله في شباب وهم من جده حدود اربعه انفار

كان واحد منهم يدف عربيه كنت انا اذا قضيت ادوره عشان يشيلها هو ويستنفع بدل الاجنبي

وكان وقتها ايام صيفيه

المهم دارة الايام واليالي

وفتحت محل بجده خضار ونزلة حلقة الخضار اقضي لمحلي

وكنت احاول ادور لارخص سعر بسوق للورقيات

فسبحان الله حصلت الشخص وسلمت عليه لكن سبحان الله سئلته وين العمال اللي هنا

قال انا قلت تشتغل هنا قال لا

المحل لي


سبحان الله

ربي ما يضيع حد وعلى نياتكم ترزقون

اجتهد وتعب ودور لقمة العيش وارتاح


ففكر انت واخويانك

وذي قصه عايشتها بنفسي ممكن تفيدك


وفقكم الله

اعجبتنى القصه وانتم لا تتهاونون والله الجنسيات الثانيه وخاصه اليمنيه محتلين الاسواق عندنا

اخوي , الشغل ما فيه عيب

العيب انك تمد يدك

انت شاب, وراك زواج و وراك فتح بيت,تبي تضبط مستقبلك

ابدأ بالتجارة و دايما استشر و استخر, و لا تيأس أبدا أبدا أبدا


أنصحك بالمشاريع اللي ما تحتاج الى راس مال كبير, الخضار تقدر تتدرج فيها

و الله يوفقك