كم مدة الترقيات للأفراد والضباط ؟

نيو لايف · #1 (**permalink**) 29-10-2010, 06:30 AM

السلام عليكم ورحمة الله وبركاته

حبيت استفسر ياشباب

كم المدة المسوح بها لطلب الترقية من جندي الى رئيس رقباء
هل صحيح كل بعد ثلاث سنوات بين كل رتبة ؟

وبالنسبة لضباط نفس الكلام

وشكرا ,,,

Ryan Al-harbi · #2 (**permalink**) 29-10-2010, 07:19 AM

موفق بإذن الله ... لك مني أجمل تحية .

للجروح ارواح · #3 (**permalink**) 29-10-2010, 07:20 AM

ما شاء الله عليك سؤال مهم ومفيد

لان بالقسم ذا ذبحونا من كثر مايسالون كم الراتب

المفروض يغير اسم القسم ويسمونه للاستفسار عن الراتب

اتمنى ان يجي واحد ويفيدنا وخصوصا للافراد

لان الضباط كل 3 سنوات يترقى يعني من ملازم الى ملازم اول 3 سنوات

الخ

بس الافراد الصراحه ماعندي خلفيه اتمنى يجي من يفيدنا

مداوي القلوب · #4 (**permalink**) 29-10-2010, 08:53 AM

بسم الله الرحمن الرحيم السلام عليكم ورحمة الله وبركاته
من جندي الى جندي اول سنتين من عريق الى وكيل رقيب ثلاث سنوات ومن كيل الى رقيب ثلاث سنوات ومن رقيب الى رقيب اول اربع والى رئيس اربع هذا رد على سوالك متى يحقله يرفع ترقيه بس احيان الواحد يجلس على رتبته 10 سنوات واكثر لعدم توفر ارقام اما الضباط من ملازم الى ملازم اول سنتين ومن ملازم اول الى نقيب سنتين ومن نقيب الى رائد ست سنوات وترقيات الضباط ماشية يعني مستحيل الضابط يتاخر عن المده المحددة لة فيها ظلم للافراد صح لان في عسكر تقاعدو على نفس الرتبة اللي تخرجوا عليها اتمنى اني افدتك

كذا وكذا · #5 (**permalink**) 29-10-2010, 09:40 AM

ولد عمي يعمل بوزارة الدفاع والطيران دخل برتبة جندي اول وله ثمان سنوات والحين وكيل رقيب

تخيل الجندي لين يوصل رئيس رقباء وهاذا ان وصل يكون عمره في الاربعين او خمسين

وتخيل الواد الحلو اللي مخلص جامعة عمره 24 سنة يلزق نجمة وهو ورع علشان معه شهادة جامعية

شفتم الفرق يا اخواني ؟؟؟؟

علشان كذا الاخوان اللي توهم مخلصين ثانوي ويبون عسكرية وفيهم حيل دارسة نصيحة يدخلون جامعة كلها 4 سنوات وتصير ضابط ولا انك تعيش عمرك كله فرد وتتقاعد وانت فرد !!!!!

صلوحه العتيبي · #6 (**permalink**) 29-10-2010, 09:44 AM

الله يووفقكم يا حمااااااااااااااااة الوطن تحية مني للكل

متقاعد عاطل · #7 (**permalink**) 29-10-2010, 09:53 AM

اتوقع ان الاخوه افادووك ما قصروو

بس ترى الافراد تتئخر خصوصا من جندي الي جندي اول او عريف

وبحسب دفعدك لو هم واجد لله يعينك

وعلى حسب ملفك لو هو نظيف كن بها ولو كان فيه شي الله يعينك

ولا لو كنت مضبط عمرك مع رئيس المركز علاقه قويه <<--- لو صرت عسكري باتزوج عند رئيس المركز يبي واسطه قويه خخخخخخخخخ

بالتوفيق

كود مفقود · #8 (**permalink**) 29-10-2010, 12:45 PM

نيو لايف باحبيبي

الترقيات من قطاع لقطاع يختلف ؟؟

يعني عندك القطاعات الجديدهـ كل سنتين او سنه ونص تترقاء << مثال امن المنشأت اخوي دخله قبل 4 سنوات جندي بالثنويه حااف والحين مشالله عريب ويمكن قريب يترقاء

<< يعني كل قطاع يختلف زي الطواري << اذا ماعندك واسطه انسى انك تترقا لرتبة جندي اول الا بعد 6 سنوات لانه اعرف واحد بالطواري جندي له 6 سنوات ولا ملفه نظيف بس قريب بيترقاء بعد الواسطه

واتمنا اني افتك وبالتوفيق

تحيتي
كود مفقود

نيو لايف · #9 (**permalink**) 29-10-2010, 01:15 PM

مداوي القلوب
الله لا يهينك اخوي كفيت ووفيت والله يعوضنا جميعا خير ولا قطار الجامعه راح عني من زمان والله يكتب الي فيه خير لنا

متقاعد عاطل
مشكور اخوي على المعلومات المهمة والله يبلغكم بأخبار عن ابنكم المفقود ويلم شملكم من جديد عاجلا غير اجل

كود مفقود لاهنت اخوي على هالمعلومات القيمة بيض الله وجهك

ولاهنو باقي المشاركين