السلام عليكم ورحمة الله وبركاته وبعد
أشكر للجميع على جهودكم المبذولة لإنجاح هذا الموقع ولكن لدي تساؤل بخصوص MTC أقصد ZAIN أقصد شركة الحلول الممتازة والله ماني عارف كيف الشركة وليش اللعب هذا بالمسميات لكن والله ما فيه رقابه ولا فيه متابعة من المسؤولين في مكاتب العمل ونحن في ذمتهم يوم القيامة ياشباب أنا شهادتي بكالوريوس علوم حاسب واتصلوا في وقالوا قبلت في وظيفة خدمة العملاء ولما جيتهم تفاجئت أن مافيه ولا واحد بكالوريوس كلهم يا دبلوم يا شهادة الثانوية ووالله شيء غير عادل ليش يقارنوني بالباقين وين العدل الله ما يرضى الظلم فمن باب أولى البشر على العموم قالوا يوم جيتهم وظيفة call center قلت يالله خلنا نقدم ونتوكل على الله بدل ماأنا عاطل على الأقل أتسلى فيها فرحت اليوم الأحد الساعة أربعة وأعطونا application نعبيه ثم ذهبنا لمعمل حاسب آلي واشتغلنا على الوورد ثم عبينا نموذج على برنامج اكسل وقالوا تعالوا الليلة الساعة 12 طبعا جيتهم يا حظي وقالوا عندنا ثلاث مقابلات
1- Team Work
2- face to face
3- يعطيك موقف في التلفون ويبغاك تقنعه بشيء معين
طبعا أنا ما أبغى أطول في التفاصيل لأنها ليست محور تساؤلي
المهم هو هل هناك جامعيين متقدمين على هالوظائف علشان أطمأن
الشيء الثاني اللي سجل ودخل معي الليلة ممكن نتعرف ونتعاون مع بعض في حال قبلنا إن شاء الله وهذا اسمي وجوالي (علي الشهراني)جوال (0557756621)الإيميل علىgmail و hotmail
assmas99@gmail.com + assmas99@hotmail.com
والشيء الثالث وش سالفة الشرط الجزائي لأنه ذكره لي أحدهم في مقابلة face to face فقلت له ما فيه مشكلة موافق بس علشان أخلص نفسي من المقابلة بعدين أفكر .
بالله ياجماعة الخير افيدونا أنا محتار وما أدري ويش أسوي
أشكر لكم جهودكم وهذي اول مشاركة لي في هذا المنتدى الرائع
والسلام عليكم ورحمة الله وبركاته