السلام عليكم

ابغى اسالكم في امر مهم وان شا الله القى عندكم جواب

جاني ايميل اني قبلت في احدى الشركات لكن في منطقه بعيده عن منطقتي

وبما انها بعيده فالمواصلات بتاكل الشيء الفلاني من الراتب

وابي اسال هالشركه كم رواتبهم لكن اخاف انو ياثر على قبولي عندهم

فـ انتم وش رايكم كيف اقدر اسال عن الراتب بطريقه حلوه ماتاثر في هالنقطه

انتظر نصايحكم ويعطيكم العافيه مقدماا

لا أبشرك رواتبهم زينه < والله مدري وش الشركه

لا أبشرك ان رواتبهم زينه < والله مدري وش الشركه

اخوي انتَ لك الحق إنك تسألهم عن الراتب
بحكم انها في منطقة غير منطقة سكنك
يعني قول ابي المسمى الوظيفي للوظيفة وابي مميزاتها واللي من ضمنها الراتب

انا عندي راي وش رايك تروح لي الشركه ومن هناك تعرف التفاصيل
على شان يحسون انك حريص على الوظيفه واذا ظليت كذا بيصرفون النظر عنك

12345
ان شا الله ان رواتبهم زينه

خياليه
يعطيك العافيه على الرد والمساعده
الله لايحرمك اجرها

انسه بطاطس
ان شا الله خير وانا راح اسوي زي ماقالت خياليه
يعطيك العافيه على الرد

بوسعود
والله ياليت بس للاسف اني بنت ماني ولد
صعب اسوي هالاشياء وغير كذا زي ماقلت انها بعيده شوي
لكن ان شا الله خير ..ويعطيك العافيه على الرد

بنت
وتتوظفين في شركه
ومنطقه بعيده؟؟؟؟

مااشوف ان الوظيفه تسوى عليك

وهو شي راجع لك


حقين الموارد البشريه وشؤؤن الموظفين وخاصه حقين الشركات حقين القطاع الحكومي ماحولك احد
يحرصون انهم مايعلمون المتقدم عن راتبه والمميزات
هذا شي يدرس لهم

يحرصون انهم يسوون معه كامل الاجرائات
واذا خلاص وافقت الاداره عليه
يعطونه عرضهم
واحيانا يمكن التفاوض بشأنه اذا الوظيفه بمسمى كبير او الشركه في احتياج لهالتخصص

لكن غالب الشركات لها سلم وظيفي
حاولي تعرفين هالسلم وعلى اي درجه يحطون تخصصك وكم رواتبها
وبعدين
لو تعرفين مكان العمل والراتب من اللحين يكون احسن
عشان يمكن لو عرفتي الراتب من اولها تهونين ويمكن تتحمسين على حسب


اسأل الله لك التوفيق

والله يخوي ماورا خمس سنين نحتري هالوظيفه ولا جت
مع ان التخصص مطلوب لكن ماكتب الله
وعلى قولك حاولت اني اعرف حدود رواتبهم
وتفاصيل ثانيه وان شا الله اتوفق والقى شي يفيدني
شكرا على المساعده والاهتمام
والله يرزقكم من واسع فضله