10-11-2006, 04:18 PM
|
 |
عضو مهم
|
|
تاريخ التسجيل: Nov 2006
الدولة: مع المفكرين
المشاركات: 283
معدل تقييم المستوى: 37
|
|
اشكركم اعزائي على التعاطف الكبير الي لمسته في ردكم على مشكلتي ..........
حافي القدمين : مشكور عزيزي على المرور بالموضوع وفعلا اعرف للأسف ان هناك الكثير يواجهو المشاكل وخصوصا مع الشركات الخاصه التي تتعامل معك كأنك برتقاله بعد مايعصروك ماتعني لهم شئ تصير مجرد قشره
عاطل مبسوط : اخوي عاطل مبسوط انا معاك كان المفروض من الأساس ما اروح بس عارف ايش خلاني اروح ؟.؟؟؟؟ تعلقت بالأمل كان في البدايه المعهد هذا هو املي الوحيد فقلت لازم اشتغل بجد معاهم واكيد راح اعجبهم وطبعا قلت استحاله اني اترك الفرصه واجلس بالبيت انتظر لان الفرص في هذا الزمان لاتتكرر عاده
بالنسبه لموضوع مكتب العمل : فكرت فيه كثير بس عندي احتمال 90 بالميه انه ماراح يفيدني بشئ عارف ليه ؟؟؟؟؟؟؟
الجواب بسيط لان مابيني وبين المعهد اي شئ على ورق يعني لو شكيتهم بسهوله يقولون مانعرفه ذا كذاااااب .... ولمح لي المدير بهذي النيه من قبل وفعلا بدون اوراق رسميه او اي ورقه تثبت اني متوظف معاهم موقفي جدا ضعيف للأسف!!!! بالنسبه للحلول الغير قانونيه للأسف اعتقد هي الي بتنفع معاهم قلي وماعليك بس اهم شئ بعدنا عن المسدسات  لا يقولون ارهابي
متوسد ملفي : اشكرك اخي العزيز على المرور بالنسبه لقضيه مكتب العمل جاوبت عليها من قبل بأنه لاشئ رسمي بيني وبين الشركه لاعقد ولاغيره فلو اشتكيت المعهد بيجحدني بسهوله
وخليني اقلك شغله على الاعلام
الأعلام مو بسهوله ينشر لك خبر او قصه هذا بالأضافه الى ان صاحب المعهد راعي نفوذ وما اعتقد لو رحت يشتكيه بيعرفون اسمه وبيقولون لي توكل على الله
ابو شلاخ صدني ماعنده سالفه : يتكلم عن السعوده علشان يقنعنا ويقنع من حطوه بأنه فعلا مهتم لمشاكل المواطنين والحقيقه المره انه يسعى للحفاظ على الكرسي عساه يتعثر من عليه ويجيه انزلاق في يوم اغبر
وبعدين صاحب النزاهه ذا نفسي اعرف ولده وين متوظف وياترى بنى مستقبله بنفسه ولا انتظر ركله من ابوه من الخلف علشان تحطه في مقدمه الوظائف ذات الدخل العالي والأقل مجهود
عاطل ومقهور : والله ياليت تذكر لي اسم المحامي أراسله على الخاص او ابحث عن حل لأن فعلا نفسيتي تعبت من هذي الشركه والله حتى لما اصحى الصباح اصحى بدون نفس ولا افطر حتى ومكشر في وجيههم على طول مالت عليهم 
gazaz : تسلم اخوي على المرور بالموضوع ولازلت انتظر اسم المحامي
الله كريم : تبغى الصراحه بيني وبينك ؟؟؟
احنا في دوله تساعد الظالم على المظلوم الصراحه والله هذي ثاني قصه ظلم تحصل في حياتي ولو اقلك قصتي الأولى بتموت من القهر انظلمت فيها ظلم محترم
بقولها لك بأختصار
اشتغلت في شركه سابقا للصيانه والتشغيل في احدى الوزارات الحكوميه الشركه ماسلموني راتب سته اشهر تخيل ؟؟؟؟ بالنهايه جت الشركه بتروح بتخلي الموقع فاعطوني حقوقي في شيك رحت ابي اصرفه قالولي بدون رصيد رفعت عليهم قضيه والقضيه الان كملت سنتين بدون اي فائده مرمطه مابين الشرطه والحقوق المدنيه والمباحث ماخليت مكان مارحته وشغلي كله نظامي ولا احد اعطاني فايده وصاحب الشركه يروح ويجي مبسوط ويسافر ولا كأنه مرفوع عليه قضيه بالله عليك هذا ايش تسميه ؟؟؟؟؟؟؟؟ انا صاحب الحق واشتغلت له سته شهور ببلاش وفي النهايه اتمرمط بين الدوائر الحكوميه وهو الي المفروض ينرمي في السجن او اقل شئ يتغرم ماحد لمسه والله ولو تبيني اعطيك اسمه واسم شركته ماعندي مانع لان زي ذاك الشكل يستاهل الفضيحه
المهم فقدت الأمل في عوده رواتبي لمده سته اشهر يعني راح شغلي ببلاش
بعد هذا اسمحلي اقلك : هل نحنا الموطنين نقدر نحصل على حقنا ؟؟؟؟
خليها على ربك بس والله اني ادعي عليهم بعد كل صلاه واملي الوحيد في الله سبحانه وتعالي ولا
كان مداني انتحرت من زمان
alnour: اشكرك اخوي على الرد وفعلا الواحد ماله في هذا الزمن غير الدعاء والله يعيننا على الظالمين
اشكر الجميع على المرور بالموضوع واتمنى تستفيدو من قصتي هذي نقطتين مهمه
لاتشتغلو بدون عقد فتصيرون لعبه في يد الشركه
لا تستلمو شيكات ابدا من شركه خاصه اقبلو بالكاش فقط علشان ماتصير لكم مثل قصتي السابقه
تحياتي للجميع
|
العرض العادي
