اي رووح,!,
وان شآء الله ربي بيوفقك,!,
>> لا يطيح شعرك,!

الموقع

طريق الملك فهد المتجه جنوبا خلك على
طريق الخدمه بعد مخرج وزاره الداخليه وفندق الانتركونتيننتل
تلاقي سور
مبنى قبل مخرج شارع الوشم يقع بعده مبنى وزاره الخدمه المدنيه

هذا هو مكتب العمل

اذا جامعي الظاهر يوم السبت للجامعين
الاحد والاثنين الظاهر للثانويين
الثلاثاء للمتوسطه


ابد ياخي صوره من بطاقه احوالك وصوره من مؤهلك
وتروح تعبي ورقه هناك صفحتين

يعطونك موعد تراجعهم بعد هالموعد اسبوع اسبوعين شهر لو طول

ترجع يعطونك توجيه لشركه
تروح لهالشركه تأكد قبل تطلع من مكتب العمل ان يكون لهالشركه رقم عشان تعرف وصفها
احيانا يعطونك شركه طقها والحقها
رح للشركه
احيانا يصرفونك ان لم يكن غالبا
انت استنشب
يقولون لك اذا احتجناك بندق عليك
خل في بالك ان نظام وزاره العمل يقول ( كل وظيفه تعتبر شاغر طالما يشغلها أجنبي)
وقف قل ماني بطالع وزاره العمل ماارسلتني لكم الا لأن عندكم شاغر
بناء على ماارسلتوه لها
بين انك فاهم
طبعا نادرا مايرسلونك على وظيفه في بالك
اغلبها بائع معرض

اذا شفت انهم يصرفونك خوف الاجانب بس
مانت خسران شي
بين انك ماراح تسكت
سو ازعاج
قل دولتنا حلالنا
حن اولى منكم
بكتب فيكم تقرير لمكتب العمل ======> سواها كذا مره وجابت نتائج مذهله معه ومع عيال عمه


طبعا اذا مالك شغل بالدوشه ولا تحبها
لاتخلي الورقه معاهم
ولاتخليهم يقولون مرنا بعدين ولا بنتصل عليك
تعال وخش بعينهم عشان التوظيف الفوري
واذا قالوا لك بنتصل عليك بعدين
قل اكتب في الورقه لايمكن توظيفه حاليا لعدم توفر شاغر
وخذها لمكتب العمل

ارجع بشي يدخل في ملف الشركه في مكتب العمل
ترى يقدمون لمكتب العمل شاغر
وكل ماجاهم موظف صرفوه

يمكن يفاوضونك على مبلغ
تاخذه ويسجلون اسمك في التامينات
بدون ماتداوم


تحصل احيانا
سعوده وهميه يعني



المهم الله يوفقك

رح ياولد ضيع وقتك وش وراك

ما شاء الله على هذا التفاعل
والله لا يحرمنا منك

الف الف الف شكر لكم

على المعلومات القيمه التى استفدها منك

ومن خبرتك

والشكر موصول بالأخص لشاعر بالمشاعر

على توضيحه لي المكان

والله لا يحرمنا هذا الروووح الجميله بين الاعضاء

وانا انشاء الله ابروح السبت واللي كاتبه الله بصير

الف شكر لكم