بسم الله الرحمن الرحيم

السلام عليكم ورحمة الله وبركاته

اولا اتمنى ان تكونو في اتم الصحه والعافيه

وثانياا حبيت استشيركم في شغله وارجو منكم الافاده اخواني واخواتي الكرام

انا عندي طفل عمره 4 سنوات وعنده مرض وراثي ( استقلاب )) لان انا وابوه قرايب ..؟ه
ويتناول علاجات خاصه من مستشفى التخصصي بالرياض (( حليب خاص وعلاج للبروتين ))

وهو ممنوع من الاكلات مثل الحم والبيض والشغلات الغنيه بالبروتين ويعتمد على هذا العلاج حتى يعوضه عن الاكل اللي ما يتناوله يعني هو كبديل عن البروتينات

يعني هو ياكل الاشياء اللي مافيها بروتين ؟؟

وزبدة الموضوع انا ولدي الحمد لله متحسنه حالته مع العلاج بيفهم ويتكلم ويمشي ويتحرك ويلعب مع اخوه لكن احيانا لابد انه يطفشني تعرفون ضمور المخ احيانا يسبب حالات وربكم يعين

وانا ولدي عنده تسوس في الاسنان ما ادري وش السبب ؟؟ يمكن عشان نقص الغذاء عنده او سبب ثاني الله اعلم

وعطوني موعد بمجمع الملك فهد الطبي عشان الدكتور يعمله تنظيف وحشو لاسنانه ولكن ........................................

قالولي لازم تخدير وانا خايفه ومتردده من هالمساله تعرفون التخدير ومشاكله وانا ولدي طفل ومريض وما يستحمل وخايفه بالمره ومتردده انا كذا متعبني وهو بصحته وعافيته وشلون لو خدرته وصار له شي لاسمح الله او دخل في غيبوبه ؟؟؟؟؟؟؟؟؟؟
انا الدكتور طمني بس انا اسمع ان فيه ناس عملو تخدير ودخلو في غيبوبه وانتكست حالتهم

والله اني محتاره هل اسوي اسنانه او اتوكل على الله او اني اشيلها اخاف يصير لولدي شي واتندم وساعتها من بينفعني ؟؟

الله يخليكم اذا فيه احد عنده طفل وعمل تخدير قبل كذا يفيدني ..... ابي اتطمن اكثر

ارجوكم انا انتظر رايكم لانه موعده بعد بكره

واعتذر على الشرح والاطاله بس وش اسوي مالي غيركم بعد الله قلت اخذ رايكم في هالمساله

وانتظر ردودكم والله يجزاكم الجنه اللهم اميييين يارب

اختكم ام فيصل ......