بحي جديد مشورع محل ملابس رجاليـــه

داج وهاج · #11 (**permalink**) 03-11-2010, 04:47 AM

السلام عليكم ..
انا سجلت بالمنتدى على شان ارد عليك .. لان كان عندي محل ملابس رجاليه وخسرت خساره فادحه 300الف...
اسمع مسئلة تبدء بـ 20 او 25 الف هذي ما تكفي ولا قيمه كورجات الشمغ وهي اللي تخسر اكثر شي!!! واهم شي الاكسسوارات مثل ( ساعه _ كبك _ اطقم _عطورات _طواقي _ عقل_ احذيه _ سباح _ ثياب عاديه ونوم......الخ )وبالنسبه للرفوف اذا انت بالرياض عندك شارع الخزان فيه محلات رفوف ورخيصه وهم يركبونها لك وقيمتها يمكن بـ150 ريال وشكلها ممتاز جدا .. وبالنسبه لسوق الجمله عندك المعيقليه او سوق الزل .. انا لي خصم خاص بمحلات الجمله بالمعيقليه ..ولو تحاول تدخل مع اصحاب محلات الجمله على شان يتصلون عليك اذا وصلت بضاعه ويحجزون لك كميه افضل ..وبالنسبه للمناديب اعرفلك كم واحد يجيبون احذيه ( الله يكرمكم ) من جده ويعطيك البضاعه بالاجل..
لو تبي اقدر لك الربح مثلا الشماغ 5 ريال لاكن خسران 100%والكبك 100% والعطورات 50% الاحذيه والساعات على حسب الصناعه لاكن اقل شي بالحذاء الواحد الصيني من 15 الى 20 ريال ومثله الساعات ... وانتبه وانا اخوك من مناديب الشركات الكبار من غير ذكر اسماء تراهم نصابين ومحتالين وهم اللي خسروني..
ولا تنغر بالربح ترى ربحك يعتمد على بيعك برمضان والعشر الاواخر بالتحديد.. راح تطلع منها اجار المحل والربح... وراح يبقى عندك ستوكات ..
واذا تبي اساعدك بالبدايه انا مستعد راسلني على الخاص واعطيك رقمي وكل المعلومات اللي تحتاجها .... مقابل دعوه منك لي اني القى وظيفه

لسى مابدأت · #12 (**permalink**) 03-11-2010, 07:05 AM

بالتوووووووفيق

هامور الفلس · #13 (**permalink**) 03-11-2010, 08:14 AM

اقتباس:

المشاركة الأصلية كتبت بواسطة داج وهاج

السلام عليكم ..
انا سجلت بالمنتدى على شان ارد عليك .. لان كان عندي محل ملابس رجاليه وخسرت خساره فادحه 300الف...
اسمع مسئلة تبدء بـ 20 او 25 الف هذي ما تكفي ولا قيمه كورجات الشمغ وهي اللي تخسر اكثر شي!!! واهم شي الاكسسوارات مثل ( ساعه _ كبك _ اطقم _عطورات _طواقي _ عقل_ احذيه _ سباح _ ثياب عاديه ونوم......الخ )وبالنسبه للرفوف اذا انت بالرياض عندك شارع الخزان فيه محلات رفوف ورخيصه وهم يركبونها لك وقيمتها يمكن بـ150 ريال وشكلها ممتاز جدا .. وبالنسبه لسوق الجمله عندك المعيقليه او سوق الزل .. انا لي خصم خاص بمحلات الجمله بالمعيقليه ..ولو تحاول تدخل مع اصحاب محلات الجمله على شان يتصلون عليك اذا وصلت بضاعه ويحجزون لك كميه افضل ..وبالنسبه للمناديب اعرفلك كم واحد يجيبون احذيه ( الله يكرمكم ) من جده ويعطيك البضاعه بالاجل..
لو تبي اقدر لك الربح مثلا الشماغ 5 ريال لاكن خسران 100%والكبك 100% والعطورات 50% الاحذيه والساعات على حسب الصناعه لاكن اقل شي بالحذاء الواحد الصيني من 15 الى 20 ريال ومثله الساعات ... وانتبه وانا اخوك من مناديب الشركات الكبار من غير ذكر اسماء تراهم نصابين ومحتالين وهم اللي خسروني..
ولا تنغر بالربح ترى ربحك يعتمد على بيعك برمضان والعشر الاواخر بالتحديد.. راح تطلع منها اجار المحل والربح... وراح يبقى عندك ستوكات ..
واذا تبي اساعدك بالبدايه انا مستعد راسلني على الخاص واعطيك رقمي وكل المعلومات اللي تحتاجها .... مقابل دعوه منك لي اني القى وظيفه

لا حول ولاقوة الا بالله .. الله يعوضك وانا خوك
واشكر تسجيلك من اجل النصح بارك الله فيك

ياليت لاهنت مشكورا تشرح تجربتك بالتفصيل الممل لكي يستفيد مرتادين المنتدى وتظفر بدعوات اخوانك المسلمين

ملاحظه الـ 30 الف لبضاعه محل من فتحه وحده هل تشوف انها ماتكفي للأساسيات المحل ؟

ننتظر اخوي

في الصميمـ · #14 (**permalink**) 03-11-2010, 10:11 AM

ربي يرزقكـ ويوفقك يارب

داج وهاج · #15 (**permalink**) 05-11-2010, 05:34 AM

بسم الله الرحمن الرحيم....
راح نبدا بالديكور .... طبعا الديكور مكون من اربع اشياء مهمه ...رفوف عرض الشمغ والعقل ..ورفوف خشب للملابس الداخليه.. وخشب تعليق لثياب النوم والاحذيه ..وهذي كلها جاهزه ورخيصه بشارع الخزان(باطرفي للديكورات ) ... والرابع طاوله عرض على شكل L او I على حسب مساحه المحل تفصلها عند اي محل ديكور خاصه للطواقي والكبكات والساعات والعطورات وغيرها ..طبعا زجاج من اعلى .. وادرج تخزين من اسفل .... والديكور يختلف من محل لمحل ثاني لكن هذي الاشياء اساسيه ....وبالنسبه للوحه بالبدايه خلها( متر في متر ) وبعد ما تجي البلديه وتاخذ الرخصه غيرها بلوحه اكبر حسب مزاجك .. لان البلديه تاخذ كل سنه مبلغ حسب حجم اللوحه ..
البضاعه .... الشمغ تحتاج اقل شي لعشرة انواع وهذا اقل شي مثلا شماغ البسام كل سنه ينزلون (بصمه) وتلقى قيمة الكوجه (20حبه .. 5 حبات من كل مقاس 55_58_60_61) تقريبا 2350 مع الخصم.. والمكسب من الكورجه 100ريال فقط .. يعني لو شماغ واحد ضاع انت خسران ...ولو دخل الزبون ما لقى الشماغ اللي يبيه تاكد انه ما راح يشري شي من عندك بيروح محل ثاني ..واهتم بمقاس 58 و 60 هم اكثر مقاسين مطلوب.
العقل ... مكسبها حلو مره ... ولو تلاحظ تلقى فيه محلات فاتحه فقط لبيع العقل التفصيل والجاهز ..يعني فيها مكسب وركز عليها .. العقل انوااع (ط1_ط2_ط3_مرعز_مبروم وغيرها ) هذي من انواع العقل ولو اخذنا مرعزالاصلي مثال .. يطلع عليك العقال الواحد تقريبا بـ25ريال وبيعه اقل شي بـ50 او 45 ريال .وفيه انواع العقال الواحد يطلع عليك بـ10 ريال وبيعه من 20 الى 25 ريال .ومكان بيع العقل بالجمله سوق الزل والمعيقليه ..
الطواقي .. هذي بتعبك شوي لكن مربحه بقوه .. كل كورجه مقاس واحد وتحتاج من 10 الى 15 كورجه بالبدايه وانتبه من النقشه .. وحجم جدار الطاقيه ... وفيه انواع مع الوقت تقلب للون الاصفر مو اصليه .. واربع كراتين طواقي مشخل .. فيه سوري وكويتي .. ويغشون فيهم احيانا .. لاكن لا تاخذ الصيني نهائيا ..الكويتي يعتبر من افضل الانواع .. لانه بعد الغسل ما يتوسع ..بالعكس يكون شكلها اصغر لاكنها تركب على أي راس حتى لو كان كبير ..مثل المطاط
الكبكات والاطقم..عندك العقيلي بالمعيقليه او ريناد بالبطحاء وافضل ريناد لاكن غالي شوي اغلى من العقيلي وبضاعته حلووه .. وانت بالبدايه تحتاج الى ثلاث او اربع درازن كبكات واطقم.
الاحذيه .. فيه صيني وتركي وايطالي .. هذي من الانواع المعروفه عن الجميع .. تباع بالجمله وكاش عن الطريقي والهبدان وغيرهم بشارع الاحذيه بالبطحاء.. اذا رحت للطريقي اول شي بيفرجونك على البضاعه الاستوكات لكن لا تشري ورح للدور الثاني فيه غرف معروض فيها احذيه وخاصه للزبائن حاول تاصل لها وركز اني قلت لك غرف مو بالصاله .. وفيه مناديب يعطونك بالاجل .. ولو تتعامل مع واحد يجيب من جده افضل لك .. كل مقاس يجي حبتين .. وحاول تصرف المقاسات الصغيره والكبيره .. اما مقاس 42 و 43 بيطيرون من عندك اول شي ... ولا تنسى نعال ال***ريه او المساجديات .. يختلف تسميتها ..لكن افضل نوع اللي تصنع بالقصيم .. ربحها حلو مره وتطير من عندك لو اخترت الوان مرغوبه مثل الابيض الاحمر البرتقالي ولو تعرف احد بالقصيم خله يرسلك لانها ارخص من هنا... الاحذيه تعتبر استهلاكيه يعني كثر منها...
ثياب النوم .. عندك المعيقليه .. اهتم بالاماراتي له زبونه .. واهم شي الخامه لا يلعبون عليك لو ما تعرف خذ معك احد يعرف بالخامات ..بالصيف الخامه البارده .. والشتاء الخامه الثقيله وليست الخشنه ...مكسبها حلو لكن استوكاتها كثير ..يعني لو اخترت نوعيات ممتازه مكسبك بيكون حلووو.. وما راح يبقى استوكات .. والعكس صحيح..
الثياب العاديه .. عندك صيفي وشتوي .. الاصيل السفير دروش وغيرها وما تحتاج شرح لكن فيه انواع احيانا تجي عن بعض التجار وتكون كميه محتكرها .. لو قدرت تاخذ منه راح تكسب مكاسب خياليه ..
انا اخذت نوع من الثياب بدايه رمضان من والد زميل لي الرجالي بـ20 والولادي بـ18 والصغار بـ15 وكان محتكرها ما يبعها غير محله طبعا محله 5 فتحات ودورين المهم المحل كبير مره... كسبت فيها وطلعت منها اجار المحل .. الرجالي بعته من 50 الى 45 ريال .. والولادي من 45 الى 40ريال .. والصغار بـ35ريال ..وترى كنت حاط لوحه على المحل خصم 30% على الثياب ..

مهم ( بالبدايه لا تفكر بالربح..السنتين الاولى بتسدد اجار المحل ورواتب العمال والكهرباء والمياه من جيبك )
ولو تبي نصيحتي .. تجاره الخدمات ( السيرفس) افضل واكثر ربحيه مثل مقهى انترنت او كوفي شوب او صالة بلياردو او صالة العاب سوني مع بيع اشرطه وغيرها من الاشياء اللي ما فيها بضاعه
...لان بضاعه داخله وبضاعه طالعه وفواتير واخر شي تبقى كم حبه من البضاعه ما بعتها وهي مكسبك ..وتقعد استوكات عندك ولا تنباع وخساااره..واي غلطه بخساره..غلطه بالحساب خساره ..غلطه بالجرد خساره

الاوراق اللي تحتاجها بالمحل .. دفتر مبيعات يوميه .. ولا تطلع فواتير ابدا .. والمناديب كل واحد حط له ملف او دفتر كبير .. اذا نزلت بضاعه سجلها سواء كاش او بالاجل وكم حبه ..ودفتر جرد شهري ..
بيطلب منك المناديب التوقيع على البضاعه اللي تنزلها ..اشرط عليهم ان يكون لك حد ائتماني معين ويفضل 5000 فقط .. ويوقع لك انه ما ينزل بضاعه للمحل غير بتوقيع منك .. واي فاتوره ما عليها توقيعك لا تسددها ..تقولي ليش احذرك من المناديب ... لانهم اتفقوا مع العمال اللي بمحلي وسجلوا فواتير على المحل. وتفاجئت ان العمال بيسافرون .. جردت المحل عليهم وما لقيت أي نقص ..ولما وصلوا العمال الجدد وتعلموا سفرت القديمين .. وبعد يومين تفاجئت بشركه كبيره تطالبني بسداد اكثر من 300000 ريال قيمه بضاعه والمصيبه اني خاتم لهم بختم المؤسسه قبل سنتين بواسطه ابو زميلي بان الحد الائتماني 300000 ريال .. لاني كنت مجتاج بضاعه قبل رمضان وما يعطوني بمثل هذا المبلغ وتوسط لي ابو زميلي وهذي كانت اول واخر مره اتعامل معهم ...طبعا ما سكت ..وعلمني واحد من العمال الجدد قالي شايف مندوب الشركه عند العمال القديمين بالشقه وبلغت على المندوب لكن طلع مسافر معهم بنفس الطياره والشركه تقول انه سرق جوازه وسافر من غير علم الشركه .. وبالاخير صار عندي طريقين يا ؟؟؟؟او السداد .. بعت بضاعت المحل واللي جمعته من المحل طول السنين وسددت الشركه ..
والقهر اني رحت بعد كم يوم لمحل ملابس رجالي يبعد عن محلي 30 متر تقريبا وقالي صاحب المحل قبل 3 شهور( قبل سفرهم بشهر ) جاه مندوب الشركه وقاله اذا تبي بضاعه كاش واخصم لك نص السعر .. الرجال ما صدق خبر .. نزل منه بضاعه قيمتها الاساسيه 150000 ريال وسدد كاش 80000 ريال ..
وانتبه .. نسبه 90% من المناديب لو شافوا سعودي يبيع بالمحل ما ينزلون بضاعه ولو نزل بضاعه بيعطيك من الاستوكات..لازم يكون بالمحل عامل هندي وخصوصا ان محلك فتحه وحده .. وخله ينزل بضاعه بالبدايه لين يعرفونك المناديب ويثقون فيك وبعدين سو اللي قلت لك عليه ما فيه تسديد أي فاتوره من غير توقيعك ....
اتمنا اكون وضحت لك اساسيات المحل .. وبتشوف بالسوق اشياء اكثر بكثير من اللي ذكرته لك
ومثل ما قلت لك قبل انا بالخدمه

.. مقابل دعوه منك اني احصل وظيفه

هامور الفلس · #16 (**permalink**) 05-11-2010, 02:26 PM

اقتباس:

المشاركة الأصلية كتبت بواسطة لسى مابدأت

بالتوووووووفيق

وللجميع ان شاء الله

محمد الطميحي · #17 (**permalink**) 05-11-2010, 06:31 PM

وفقك الله ويسر أمرك

هامور الفلس · #18 (**permalink**) 06-11-2010, 03:34 PM

اقتباس:

المشاركة الأصلية كتبت بواسطة في الصميمـ

ربي يرزقكـ ويوفقك يارب

وياك ان شاء الله

معين · #19 (**permalink**) 06-11-2010, 04:14 PM

اقتباس:

المشاركة الأصلية كتبت بواسطة داج وهاج

بسم الله الرحمن الرحيم....

راح نبدا بالديكور .... طبعا الديكور مكون من اربع اشياء مهمه ...رفوف عرض الشمغ والعقل ..ورفوف خشب للملابس الداخليه.. وخشب تعليق لثياب النوم والاحذيه ..وهذي كلها جاهزه ورخيصه بشارع الخزان(باطرفي للديكورات ) ... والرابع طاوله عرض على شكل L او I على حسب مساحه المحل تفصلها عند اي محل ديكور خاصه للطواقي والكبكات والساعات والعطورات وغيرها ..طبعا زجاج من اعلى .. وادرج تخزين من اسفل .... والديكور يختلف من محل لمحل ثاني لكن هذي الاشياء اساسيه ....وبالنسبه للوحه بالبدايه خلها( متر في متر ) وبعد ما تجي البلديه وتاخذ الرخصه غيرها بلوحه اكبر حسب مزاجك .. لان البلديه تاخذ كل سنه مبلغ حسب حجم اللوحه ..
البضاعه .... الشمغ تحتاج اقل شي لعشرة انواع وهذا اقل شي مثلا شماغ البسام كل سنه ينزلون (بصمه) وتلقى قيمة الكوجه (20حبه .. 5 حبات من كل مقاس 55_58_60_61) تقريبا 2350 مع الخصم.. والمكسب من الكورجه 100ريال فقط .. يعني لو شماغ واحد ضاع انت خسران ...ولو دخل الزبون ما لقى الشماغ اللي يبيه تاكد انه ما راح يشري شي من عندك بيروح محل ثاني ..واهتم بمقاس 58 و 60 هم اكثر مقاسين مطلوب.
العقل ... مكسبها حلو مره ... ولو تلاحظ تلقى فيه محلات فاتحه فقط لبيع العقل التفصيل والجاهز ..يعني فيها مكسب وركز عليها .. العقل انوااع (ط1_ط2_ط3_مرعز_مبروم وغيرها ) هذي من انواع العقل ولو اخذنا مرعزالاصلي مثال .. يطلع عليك العقال الواحد تقريبا بـ25ريال وبيعه اقل شي بـ50 او 45 ريال .وفيه انواع العقال الواحد يطلع عليك بـ10 ريال وبيعه من 20 الى 25 ريال .ومكان بيع العقل بالجمله سوق الزل والمعيقليه ..
الطواقي .. هذي بتعبك شوي لكن مربحه بقوه .. كل كورجه مقاس واحد وتحتاج من 10 الى 15 كورجه بالبدايه وانتبه من النقشه .. وحجم جدار الطاقيه ... وفيه انواع مع الوقت تقلب للون الاصفر مو اصليه .. واربع كراتين طواقي مشخل .. فيه سوري وكويتي .. ويغشون فيهم احيانا .. لاكن لا تاخذ الصيني نهائيا ..الكويتي يعتبر من افضل الانواع .. لانه بعد الغسل ما يتوسع ..بالعكس يكون شكلها اصغر لاكنها تركب على أي راس حتى لو كان كبير ..مثل المطاط
الكبكات والاطقم..عندك العقيلي بالمعيقليه او ريناد بالبطحاء وافضل ريناد لاكن غالي شوي اغلى من العقيلي وبضاعته حلووه .. وانت بالبدايه تحتاج الى ثلاث او اربع درازن كبكات واطقم.
الاحذيه .. فيه صيني وتركي وايطالي .. هذي من الانواع المعروفه عن الجميع .. تباع بالجمله وكاش عن الطريقي والهبدان وغيرهم بشارع الاحذيه بالبطحاء.. اذا رحت للطريقي اول شي بيفرجونك على البضاعه الاستوكات لكن لا تشري ورح للدور الثاني فيه غرف معروض فيها احذيه وخاصه للزبائن حاول تاصل لها وركز اني قلت لك غرف مو بالصاله .. وفيه مناديب يعطونك بالاجل .. ولو تتعامل مع واحد يجيب من جده افضل لك .. كل مقاس يجي حبتين .. وحاول تصرف المقاسات الصغيره والكبيره .. اما مقاس 42 و 43 بيطيرون من عندك اول شي ... ولا تنسى نعال ال***ريه او المساجديات .. يختلف تسميتها ..لكن افضل نوع اللي تصنع بالقصيم .. ربحها حلو مره وتطير من عندك لو اخترت الوان مرغوبه مثل الابيض الاحمر البرتقالي ولو تعرف احد بالقصيم خله يرسلك لانها ارخص من هنا... الاحذيه تعتبر استهلاكيه يعني كثر منها...
ثياب النوم .. عندك المعيقليه .. اهتم بالاماراتي له زبونه .. واهم شي الخامه لا يلعبون عليك لو ما تعرف خذ معك احد يعرف بالخامات ..بالصيف الخامه البارده .. والشتاء الخامه الثقيله وليست الخشنه ...مكسبها حلو لكن استوكاتها كثير ..يعني لو اخترت نوعيات ممتازه مكسبك بيكون حلووو.. وما راح يبقى استوكات .. والعكس صحيح..
الثياب العاديه .. عندك صيفي وشتوي .. الاصيل السفير دروش وغيرها وما تحتاج شرح لكن فيه انواع احيانا تجي عن بعض التجار وتكون كميه محتكرها .. لو قدرت تاخذ منه راح تكسب مكاسب خياليه ..
انا اخذت نوع من الثياب بدايه رمضان من والد زميل لي الرجالي بـ20 والولادي بـ18 والصغار بـ15 وكان محتكرها ما يبعها غير محله طبعا محله 5 فتحات ودورين المهم المحل كبير مره... كسبت فيها وطلعت منها اجار المحل .. الرجالي بعته من 50 الى 45 ريال .. والولادي من 45 الى 40ريال .. والصغار بـ35ريال ..وترى كنت حاط لوحه على المحل خصم 30% على الثياب ..

مهم ( بالبدايه لا تفكر بالربح..السنتين الاولى بتسدد اجار المحل ورواتب العمال والكهرباء والمياه من جيبك )
ولو تبي نصيحتي .. تجاره الخدمات ( السيرفس) افضل واكثر ربحيه مثل مقهى انترنت او كوفي شوب او صالة بلياردو او صالة العاب سوني مع بيع اشرطه وغيرها من الاشياء اللي ما فيها بضاعه
...لان بضاعه داخله وبضاعه طالعه وفواتير واخر شي تبقى كم حبه من البضاعه ما بعتها وهي مكسبك ..وتقعد استوكات عندك ولا تنباع وخساااره..واي غلطه بخساره..غلطه بالحساب خساره ..غلطه بالجرد خساره

الاوراق اللي تحتاجها بالمحل .. دفتر مبيعات يوميه .. ولا تطلع فواتير ابدا .. والمناديب كل واحد حط له ملف او دفتر كبير .. اذا نزلت بضاعه سجلها سواء كاش او بالاجل وكم حبه ..ودفتر جرد شهري ..
بيطلب منك المناديب التوقيع على البضاعه اللي تنزلها ..اشرط عليهم ان يكون لك حد ائتماني معين ويفضل 5000 فقط .. ويوقع لك انه ما ينزل بضاعه للمحل غير بتوقيع منك .. واي فاتوره ما عليها توقيعك لا تسددها ..تقولي ليش احذرك من المناديب ... لانهم اتفقوا مع العمال اللي بمحلي وسجلوا فواتير على المحل. وتفاجئت ان العمال بيسافرون .. جردت المحل عليهم وما لقيت أي نقص ..ولما وصلوا العمال الجدد وتعلموا سفرت القديمين .. وبعد يومين تفاجئت بشركه كبيره تطالبني بسداد اكثر من 300000 ريال قيمه بضاعه والمصيبه اني خاتم لهم بختم المؤسسه قبل سنتين بواسطه ابو زميلي بان الحد الائتماني 300000 ريال .. لاني كنت مجتاج بضاعه قبل رمضان وما يعطوني بمثل هذا المبلغ وتوسط لي ابو زميلي وهذي كانت اول واخر مره اتعامل معهم ...طبعا ما سكت ..وعلمني واحد من العمال الجدد قالي شايف مندوب الشركه عند العمال القديمين بالشقه وبلغت على المندوب لكن طلع مسافر معهم بنفس الطياره والشركه تقول انه سرق جوازه وسافر من غير علم الشركه .. وبالاخير صار عندي طريقين يا ؟؟؟؟او السداد .. بعت بضاعت المحل واللي جمعته من المحل طول السنين وسددت الشركه ..
والقهر اني رحت بعد كم يوم لمحل ملابس رجالي يبعد عن محلي 30 متر تقريبا وقالي صاحب المحل قبل 3 شهور( قبل سفرهم بشهر ) جاه مندوب الشركه وقاله اذا تبي بضاعه كاش واخصم لك نص السعر .. الرجال ما صدق خبر .. نزل منه بضاعه قيمتها الاساسيه 150000 ريال وسدد كاش 80000 ريال ..
وانتبه .. نسبه 90% من المناديب لو شافوا سعودي يبيع بالمحل ما ينزلون بضاعه ولو نزل بضاعه بيعطيك من الاستوكات..لازم يكون بالمحل عامل هندي وخصوصا ان محلك فتحه وحده .. وخله ينزل بضاعه بالبدايه لين يعرفونك المناديب ويثقون فيك وبعدين سو اللي قلت لك عليه ما فيه تسديد أي فاتوره من غير توقيعك ....
اتمنا اكون وضحت لك اساسيات المحل .. وبتشوف بالسوق اشياء اكثر بكثير من اللي ذكرته لك

ومثل ما قلت لك قبل انا بالخدمه

.. مقابل دعوه منك اني احصل وظيفه

اللهم اني اسألك بكل اسم هو لك سميت به نفسك علمته احد من خلقك او استأثرت به في علم العيب عندك ياحنان يامنان ياذا العرش المجيد يافعال لما تريد

اسألك ياودود. . ياودود. . ياودود. . يامبدء يامعيد . . يافعال لما تريد . . اسألك بنور وجهك الذي ملأ اركان عرشك. . وبقدرتك التي قدرت بها على خلقك . . ان تعوض علي اخينا . وتفتح له ابوب رزقك . . وترزقه من فضلك . . وتسهل له كل اموره . . وتعزه . . وتغنيه . . وتعليه . . وترفعه . . وتخفض قلوب وعقول المؤمنين . . وتسخر له من ملوكتك ياربنا ما يرفعه . . ولا تخفضه. . واحفظه بحفظك . . وانزل عليه السكينة والرحمه واجعله هاديا مهديا . . مكفيا . . مرزوقا . . ياربنا هو ضيفك ونحن عبيدك وانت اهل للكرم والجود

اللهم آمين اللهم آمين . ومن امن على دعائنا فله بالمثل يا اكرم الأكرمين