اخوي الهاوووووووي والله العظيم ما همي العسكرية واني ما فكرت فيها ابدا بس انا ما ادري وش الي اصابني تحولت من شخص ناجح بين يوم وليلة الى شخص فااااااااااشل سحروني ناس بسحر قوي جدا مقترن بوظيفتي وزواجي ولعلمك اكثر من وظيفة حكومية توظفت فيها بس اداوم يوم او يومين وما اقدر اواصل بعدها حسبي الله على من كان السبب الحين انا موظف بمرتبة سادسة ومنقطع عن دوامي وحالتي جدا جدا سيئة...وسبق ان خطبت ولمن قرب زواجي تركت بنت الناس وتشوهت سمعتي وكرهت كل شي حتى الناس ما صرت ابي اقابل احد....

انصحك يا أخي استمر على الرقية الشرعية وقرأءة سورة البقره كل يوم لو تقدر .. انا والله من يوم شفت الموضوع من البدايه وانا عارف ان عندك مشكله روحيه
أسأل الله العظيم رب العرش الكريم ان يشفيك ويشفي كل مبتلى يارب العالمين

الف شكر اخوي منصور والله الحال كل ماله يزود سوء وكل ما اقابلة يقول وش فيك وش الي صارلك وش في حتى شوفتك وحالتك ما كنت كذا من كثر ما اسمع كرهت حتى الناس والرقية والبقرة ما تفارقني ابدا بس تخيل اذا توظفت يوم يومين بالكثير وبعدها طيح مريض بمجرد افصل ارتاح واجلس بعدها اربع ثلاث شهور متاثر وبصراحه انا مليت من حياتي وبقوووووة وكل ما اروح لشيخ مجرد ما يقرا علي اصير الله يكرمكم استفرغ دم والله اني ياست من كل شي بس بحاول اكمل دراسة بالرغم ان العمر راح....

اقول اذا عندك دراهم مالك والوظيفة كمل الدكتورة اعرف ناس اخذوها بعد الخمسين

الله يوفقك

[align=center]
ماشاء الله تبارك الرحمن

اخي الغالي أسأل الله لك التوفيق والسعاده وان يعطيك طولة العمر انت ومن تحب

أخي العزيز اولا الطموح لايقف عند عمر معين والانسان الناجح لابد ان يتخطى الصعوبات ويتحداها

انت قادر على تحقيق البكالوريس والماجستير والدكتوراة ولاتفكر بالوقت ولا بالعمر

فكر بالهدف الذي رسمته وأبتدي مشوارك الدراسي دون ان تنظر للعدد الايام والشهور والسنوات

واما بالنسبه للكلية الامنية انت قادر عليها ولكن حقق بالاول هدفك الرئيسي وهو تحقيق البكالوريس ثم ستجد

نفسك قادر على كل شي ولكن حقق الهدف الرئيسي

وأسأل الله لي ولك التوفيق والنجاح

أخوك/ عبدالله بن خالد
[/align]

الله يسهل امرك ويفك عنك السحر وانصحك تنتقل لمكان اخر لكي تبتعد عن البيئة السابقة

[align=center]مثل ماقال اخوي منصور عليك بالرقية الشرعية فهي تقطع طريق السحره والمشعوذين ..
وأسأل الله أن يفك مابك من سحر ويسهل أمورك ويحقق مرآدك ياااارب ..
[/align]

أول شيء مساكم الله بالخير ..

يا أخي الكريم ثق بالله واعرف أن كل صعوبه لها حل توكل على الله وعليك بالرقيه الشرعيه ..

أنت أرق على نفسك بنفسك .. و روح للمشايخ ذوو الشخصيه القويه و إن شاء الله يفرج عنك

كربك .. وبالنسبه لمستقبلك و ما تكلمت عنه أرى عندك طموح كبير فأنصحك أخي الكريم أن تكمل

دراستك و لكن بعد أن تحاول على الأقل أن تتعالج من مرضك هذا .. و أبدأ بجدولة مهامك قبل أن

تبدأ و حدد لها زمن معين لتنفيذها .. ولا تيأس لو فشلت حاول مره وثنتين لا تخلي الصعوبات تعطل

مسيرتك .. و كما قيل لن تبلغ المجد حتى تلعق الصبِرا .. ولا تكون المشاكل اللي تمر بك أقوى منك

أزرع بنفسك روح التحدي والمثابره و لا تتوقف ألا عند النقطه اللتي تتمنى الوصول إليها ...

والله يشفيك و يكتب لك ما فيه الخير ..

اطلب العلم من المهد الى اللحد