يا رب يامن يدخل ويدلي ان توفقه دنيا واخره وتوظفه بالي يبي

قهرتونا · #1 (**permalink**) 31-10-2010, 04:28 AM

[align=center]
السلام عليكم ورحمة الله وبركاته
اخواني الكرام ابي شوركم
انا لاسف ما توفقت ابدا في اي وظيفة توظفتها سواء حكومي او خاص كل ما اخذ فترة اتعب وافصل لاسباب كثيرة وما ابي اذكرها لذلك قررت التالي وابي استشيركم

انا تخصصي محاسبة كلية تقنية معدلي 4.25من 5 يعني مرتفع الحمد لله

وابي اكمل بكالوريوس وقررت اكمل بكلية الباحة الاهلية لانها معترف فيها ومصنفة من الديوان عموما انا ما طموحي وظائف الديوان انا طموحي اشد حيلي واخذ دكتوراه وماجستير بالتخصص واصير دكتور بالجامعة او موظف بقطاع خاص كبير المهم ابي اتعب شوي بس القى مكان كفو يضمني بس عندي مشكلة تواجهين الا وهي العمر انا بشهر 2 القادم بخلص 27 سنه وبدخل 28 سنه ويبيلي 3 سنه دراسة لجل اخلص الدراسة للبكاولوريوس يعني مدري متى اجيب ماستر ودكتوراة فايش رايكم ما كان العمر كبير شوي وهل لو مثلا تخرجت بشهادة البكالوريوس وعمري 31 سنه هل يمديني اقدم بالكلية الامنية وهل لهم شروط معينة تكفووووووووون اعطوني ارائكم....
[/align]

حي السفارات · #2 (**permalink**) 31-10-2010, 04:30 AM

اخوي لاتقول كذا التوفيق بيد الله سبحانه ولاتعترض على حكم الله
لو تجلس عمرك كله بدون وظيفه ربي يرزقك من واسع فضله يارب

ĢДMΣ Ǿ√ΣЯ · #3 (**permalink**) 31-10-2010, 04:43 AM

اذا صار عمرك 31 ما اتوقع يقبلوك الامنية

والله يوفقك وكمل دراستك لاتخلي طموحك عسكريه

واصل دراسات عليا والله يكتبلك اللي فيه الخير يارب

قهرتونا · #4 (**permalink**) 31-10-2010, 04:50 AM

طيب ما تشوفون العمر مسبب زحمة ما كانه كبير عمري والله ودي تحطون انفسكم مكاني....

حسون العيدي · #5 (**permalink**) 01-11-2010, 03:17 AM

اقتباس:

المشاركة الأصلية كتبت بواسطة قهرتونا

طيب ما تشوفون العمر مسبب زحمة ما كانه كبير عمري والله ودي تحطون انفسكم مكاني....

ياخوي لاتياس لله يفرجها علينا وعليك انت توك ماوصلت ال30وش نقول احنا الي الشيب بدا يغزونا تفائل خير

قهرتونا · #6 (**permalink**) 31-10-2010, 05:28 AM

انتظر ارائكم

كساب الطيب · #7 (**permalink**) 31-10-2010, 05:49 AM

اولاً ... ما شاء الله عليك

ثانياً ... ممكن تحلها بشكل ثاني (( تدرس وبنفس الوقت تتوظف))

اعرف ناس كثير ومنهم واحد اعرفه الآن خلص دراسة البكالوريوس وهو على رأس العمـــل وكذالك قبل اكثر 5 شهور جاي من بريطانيا انهى الماجستير وكذالك لا زال على رأس العمل ...

انت الي موقف لك العمر صح..؟ تدري الي حاكي لك قصة كم عمـرهـ 45 سنة وعنده اولاد بعـــد

لذالك ارجو انك ما تحط العمر مشكله ... أهم شي ضع لك هدف مثل بعـــد 5 سنوات وش راح اكون ... يعني مكانك وين بـ كون فهمت مقصدي..؟

واسأل الله العظيم ان يوجهك لـ طريق الخير

^فيصل^ · #8 (**permalink**) 31-10-2010, 05:56 AM

عشان أكون آكثر واقعيه معك
العمر كبير والطموح عمره ماتحدد بعمر معين ,,,
بس الواقع له معطياته ..
لو تبي تخلص البكالوريس وتتخرج وعمرك 31 اتوقع بيكون لك العمر عائق في الامنية وفي غيرها يمكن
ولو تبي بعد تكمل دارسات عليا بيروح من عمرك الكثير ... وانت ماحققت شيء بالنسبة لحياتك الشخصية من ناحية الاسرة والإستقرار ..

والرزق بيد الله سبحانه موزع الآرزاق
بس لو حصلت وظيفة حكومية مثل ماذكرت تقدر تواصل طموحك
وبعد سنة من تعيينك تقدر تأخذ تفرغك مع مراعاه انه تخصصك اللي تبي تدرسة يكون له علاقة
بمجالك الوظيفي ..

وهذا اللي اشوفة من منظوري الخآص ..
على انك مافندت لنا كثير عن كل الامور الخاصة فيك ...

انت يعني حاط الأمنية هدف لك .. او تبي تواصل دراستك الاكاديمية ..
هالشيء مو وآضح لي ..
وبعد انت من الناحية المادية قادر على توفير متطلباتك الخاصة ..

عموما قبل ماتقدم على أي خطوة ... شوف مدى تناسبها مع العمر والفترة الزمنية اللي
بتستغرقها هالخطوة ...

ولو حصلت وظيفة حكومية بيكون لك المجال اكبر ومفتوح توآصل طموحك الدرآسي ..
والله يوفقك لما فيه الخير والمصلحة ...