[align=center][/align]بسم الله الرحمن الرحيم
اخواني في هذا المنتدى المبارك أنا في راسي مشروع ناجح وأعرف واحد من أقاربي مبسوط منه ومدخل عياله مدرسة أهلية وهو غير موظف ما شاء الله عليه والمشروع توصيل بضائع أصحاب محلات الخضار لكن المشكلة ماهو راس المال المشكلة عدم معرفتي بالشوارع فأرجو منكم اخواني ارشادي ونصحي فأنا لم اسجل في هذا المنتدى إلا يوم شفت التفاعل والتعاون بين الأعضاء والله يوفق الجميع ويرزق كل واحد بما في نفسه آمين

بسم الله الرحمن الرحيم

اول شي ادعي لك بلنجاح والرزق الوفير بأذن الله

ثاني شي الحل بسيط جدا جدا

اطلع اقرب محل الموجة ونزل لك (جارمن او جهاز نوفي)اجهزة للخرايط

وبعد كذا اسعا في رزقك والله يوفقك يارب

ولا تنسانا من الدعاء


اخوك بندر

بالتــــــــــــــوووووفيق ان شاء الله ...

شـكرا لك وبارك الله فيك... لك مني أجمل تحية .

والله وانا اخوك مشكلتك ماهي مشكله نهائيا

يقولون وانا اخوك من نشد ماضاع

وانت اسئل عن اي محل تبيه او اي شارع والناس بتدلك والدنيا ان شاء الله بخير

يعني توكل على الله هذه وانا اخوك حللها من مشوارين ثلاثه وتنتهي

ولاتخلي عوائق بسيطه مثل هذه ولا غيرها تحبطك

توكل على الله وتعوذ من الشيطان والكسل بالله المعين

وبالتوفيق باذن الله

^^^^^^


كلام صحيح


بالتوفيق ان شاء الله

الله يجزاكم خير على هذه الرود اللي مثل الماء البارد للعطشان طيب المرور مايشترطون مثلاً رخصة عمومي؟

في البدايه بيكون شوي صعب عليك


لكن مع الوقت راح تتسهل لك بإذن الله



بالتوفيق لكـ إن شاء الله

والله مشروع كويس ... وانا جالس ابحث عن هذا الموضوع لأني فتحت محل الخضار والفواكه ..

والدادسن واقف طول الاسبوع ماغير نجيب بضاعة الاسبوع فقط ..

ياليت يكون فيه مناقشة في الموضوع ..

بالتوفيق للجميع

اذا تتحمل التعب وعندك ونيت, جرب وشوف

الوالد الله يحفظه كان له تجربة يروح للحلقة ويشتري بضاعة ويلف على البقالات ومحال الخضار
واذا البضاعة ماتصرفت يوقف عند أقرب مسجد ويبيع,بس تعب وتركها لانه كبير الله يخليه لنا

ماتصدق أنا اشتري مقاضي للبيت كل 5 ايام من 60 إلى 40 خضروات ايدام وفواكه
يعني أقلها بتستفيد أنت,

فكرة من عندي:إذا لك أقارب أو جيران خلهم يرسلون رسالة نصيه للطلبات الي يبونها ووصلها للبيت وسجلها بدفتر عندك للي توثق فيهم وأخر الشهر الحساب
أتمنى لك التوفيق والرزق الحلال

شطحه/من قال الشغل عيب.....مجنون