المشاركة الأصلية كتبت بواسطة الضلضل

السلام عليكم
وعليكم السلام ورحمة الله وبركاته
من فتره وانا ناوي استاجر دينا او سطحه ودورت بكل مكان ولقيت

مكتب نقليات في النت في منتدى ثاني

المهم راسلت العضو

وقال لي ب3500 شهريا لمده سنتين
طبعا بدون سائق
وقال نسوي عقد وفيه شرط جزائي قلت وش الشرط قال اذا فسخت العقد قبل المده المحدده تدفع عشرين الف ريال
من حقك القبول أو الرفض وأغلب المؤسسات والأفراد يتم كتابة عقد وفيها شروط جزائية عادي جدا
قلت ان شالله ماظطر الي فسخ العقد قبل انتها السنتين
مافي شيء أكيد وأنا أخوك
طيب قلت وشلون طريقه العقد

قال نكتبه عند الشرطه او الغرفه التجاريه
مافي عقد يتم عن طريق الشرطة الغرفة التجارية فقط
طيب قلت متي استلم الدينا
قال بعد مانكتب العقد بعدها باسبوعين
هذي عاد ناوي يورطك فيها
اجيب لك السياره

قلت شلون نكتب عقد ومادري ايش وانت مهي عندك السياره

قال بشتريها بعد ماانكتب العقد
ههههههههههه قمة في الأستهبال من اللي بيشري السياره
وش رايكم يالاخوان اروح له ونكتب العقد
أقول انحاش بجلدك ارحم لك ولاتورط نفسك الرجال نيته موصافيه والله أعلم
والا شكلها حرام شرعا ويمكن يجحدني
ماعندي علم بحرمتها او حليتها بس في قانوني حرام لأنها أستغفال بكل المقاييس
قلت له العقد يبقي معي والا معك لين استلم السياره قال يبقي في المكتب الي ماتستلم السياره واذا ماوفرتها لك تروح وتقطع العقد
والمكتب له
قلت يمكن اذا كتبته وصار نصب اقعد بها انا وتصير علي المشكله وادفع لك كل شهر وانا مااخذت السياره

وش رايكم
والله اقولها لك وأنا بالي مرتاح لاتغامر بشيء مو مضمون لوكان عندك سيولة حتى لوقليلة روح وطلع لك ينا ميتسوبيشي ورح حالك اقصاد ارحم لك

المشاركة الأصلية كتبت بواسطة روح اللييل

[glow1=FF0000]
[align=center]
والله ياخي شكلها نصبة اذا ما كانت الدينا موجوده قدامك

والشخص هاذا انت عارفه صح وتأكتد من الأوراق الثبوتيه للدينا

بعدين شوف يمكن يورطك في ساهر بهاذا العقد يعني انواع القسايم بعد

المحكمه رايح تصير عليك ...... بهاذي الطريقه لآآآآآآآآآآآآآزم شخص واثق منه

بالحيييييييييييل او اترك عنك خذ سطحه بالتقصيد احسن لك حتى لو كان موديلها قديم

شوي في التسعينات ما عليش .... اما طريقة اخونا هاذا فأعتقد انها نصبههههههههه كبيرة
[/align]
[/glow1]

المشاركة الأصلية كتبت بواسطة معين

اخوي شكل صاحبك توه يدخل نشاط السمسرة والتأجير وتجارة السيارات

اولا

العقد يتم عن طريق معارض السيارات ولا دخل للشرطة ولا للغرفة التجارية به اذا كان ماله صفة اعتبارية يعني مو مؤسسة تقسيط او خلافه

المعرض يسوي بينكم عقد اتفاق وخل يكون به شرط لك انك تستلم السيارة بعد اسبوع لو زاد عن الأسبوع لك الخيار بترك السيارة وفسخ العقد

المعرض راح ياخذ عمولته بالطبع وفي حالة تسليم السيارة لك توقع على استلام السيارة بالتاريخ والمواصفات وخذ صورة من الأوراق

بالنسبة للناحية الشرعية الشرط اللي شرطه عليك يدخل المعاملة في خانة البيوع المحرمة

لأنه لا بد لك الخيار بترك السيارة وفسخ العقد حتى لو وقعت على خطاب النية ( بالشراء )

والعقد الدائم يكون مع استلام السيارة وهذا اللي ساير عليه تقسيط السيارات والخلافات الفقهية في احد جوانبها هو المعاملة السابقة

لكن لو اقتنع بان لك الخيار في فسخ العقد قبل ما تستلم السيارة فلا بأس بالشرط الجزائي في حالة استلام السيارة وتوقيع العقد الدائم والله اعلم

---------------------------

بالنسبة للأجار فحسب الدارج في تأجير الدينات الجديدة تتأجر ب 2500 موديل نفس السنة وعدادها زيروا
ولا تتعب نفسك وتروج للوكالات وتطلب تستأجر ما راح يعطونك إلا بشروطهم لكن شف معارض الرياض او شركات التقسيط والتأجير مع الوعد بالتمليك ( وليس المنتهي بالتمليك وبينهم فروق فقهيه فالأول جائز والأخر غير جائز )

اتمنى لك التوفيق

المشاركة الأصلية كتبت بواسطة بسنتي

اقول انحش شكله نصاب

قال بعد اسبوعين قال.........

تقبل مروري

المشاركة الأصلية كتبت بواسطة فتى نجد

أهم شي تأكد من الناحية الشرعية أولاً .

ثاني شي , قله عطني نسخه من العقد عشان اراجعها , وبعد كذا نزل العقد هنا وعطني خبر عشان اراجعه لك واعطيك التعديل المناسب اللي يحميك .

المشاركة الأصلية كتبت بواسطة لويس الفيتوني

تبي نصيحتي ( من ترك شيئاً للـه عوضه الله بخيـرٍ منــه )

وأترك الشبهااااااااااااااااات وابعد عنهاااا وخلك على المضموووون
وانا اتوقع ان الشرع يرفض مثل هذه المتاجره ...

ليييييه ؟؟؟

لأنه جالس يفاصلك ويأجر عليك شي ( غيير ممــــلووووك )
وثانياً انت بتكتب عقد بشرروط قبل لاتستلم السياره .. يعني ممكن يجحدك ويماااطل فييييك
واحتمال كبير الرجال بيدور دينــا أو يعرف مكتب تأجير بيأجر بأرخص وبيستاجرهاا ويأجرك هو الدينا
يعني ممكن يستاجرها بـ2000 ريال
بيأجرك بـ3500
يسلم المكتب 2000
وهو يااخذ 1500 مبرررده

الله العالم كلها مجرررد شكوك .. ولكن بالنهايه ( كل البيعه مشكوووك فيها شرعاً )

فنصيحة أخ لاتختلف عن نصائح الاخوان اللي سبقوني ...
دوور وبتلقى أرخص وانظف وأضمن لك ان شاء الله
وانت لاتستعجل رووح وعلى طوول توافق من اول ماتلقى دينا .. شوف وقااارن بالسوق وخذ الارخص والانظف

وقبل كل شي رووح اسأل بالحلقه حق الخضار بكم يستاجرون الدينا بسواقها ومن وين وكيف ..
ولو راقت لك الشغله وشفت فيها مكسب قول لهم انا عندي دينا وتقاااول معهم

والله يوفقك ياااارب

المشاركة الأصلية كتبت بواسطة راعي حلال

الله العالم ان حكم العقد حرام
تاكد من الشي هذا
لانه لا يتملك السياره .. إلا بعد مايكتب العقد
يعنى يسوى معك عقد .. ويروح يدور على السياره اسبوعين ويشتريها
بعقد ثاني .. ممكن تكون عقدين في عقد ... وهذى حكمها حرام

تاكد من حكمها الشرعي ... وفقك الله

المشاركة الأصلية كتبت بواسطة لسى مابدأت

موووووووووفق

المشاركة الأصلية كتبت بواسطة جداوي بس بالخبر

السلام عليكم ورحمة الله وبركاته
أخي الكريم أولاً أتمنى منك أن تسأل أحد من المشايخ المختصين بأحكام البيع والشراء
وسوف يفيدونك
ومن وجهة نظري أن الموظوع فيه شبهة لأنه الرجل بيأجرك ويظمن مدة العقد وبعدين بيشتري السيارة
ويجهزها
وهذا غير متعارف عليه بالبيع والشراء لأنه ليس المالك ولم يتملك السلعة
ونصيحتى لك أبحث عن شخص تدخل معه شراكة ويكون لك نسبة الثلث بالعمل
هاذي نصيحتي لك وأنت باديء مشروع لآبد من أن تتحرى
والله يوفقك ويبارك لك ويسهل لك بداية مشروعك بطريقة صحيحة