السلام عليكم

من فتره وانا ناوي استاجر دينا او سطحه ودورت بكل مكان ولقيت

مكتب نقليات في النت في منتدى ثاني

المهم راسلت العضو

وقال لي ب3500 شهريا لمده سنتين

وقال نسوي عقد وفيه شرط جزائي قلت وش الشرط قال اذا فسخت العقد قبل المده المحدده تدفع عشرين الف ريال

قلت ان شالله ماظطر الي فسخ العقد قبل انتها السنتين

طيب قلت وشلون طريقه العقد

قال نكتبه عند الشرطه او الغرفه التجاريه

طيب قلت متي استلم الدينا
قال بعد مانكتب العقد بعدها باسبوعين

اجيب لك السياره

قلت شلون نكتب عقد ومادري ايش وانت مهي عندك السياره

قال بشتريها بعد ماانكتب العقد

وش رايكم يالاخوان اروح له ونكتب العقد

والا شكلها حرام شرعا ويمكن يجحدني

قلت له العقد يبقي معي والا معك لين استلم السياره قال يبقي في المكتب الي ماتستلم السياره واذا ماوفرتها لك تروح وتقطع العقد

قلت يمكن اذا كتبته وصار نصب اقعد بها انا وتصير علي المشكله وادفع لك كل شهر وانا مااخذت السياره

وش رايكم

انتظر ردكم وان شالله ماتقصرون

الله يوفقك ويجي من يفيدك!!

بس حيت أسألك عن إعلان الوظيفه اللي بتوقيعك,, لأن ودي أقدم عليها!

هبشه

يعطيك العافيه

اما بخصوص الوظيفه ههههههههههه

هذي تقدم عليها بالمجر عند نهر الامازون هههههههه ثالث شارع عند الدوار

لرررفع


يااخوان من شاور ماخاب

انتظر مشورتكم

بالتووووفيق ان شاء الله

ٍ{ماعندددددي فكككره والله بس ان شاء لله احد ينوورك}

خخخخ بس حبيت اسالك هل الدينا فيه مكسب وكم تطلعلي شهري؟؟

ممكن تفرد نوع الدينا وموديلها ومواصفاتها وهل هي جديده ولا مستعمله؟

وهل 3500 يشمل السواق ولا بدون ؟

ولا تزعل

يعطيك العافيه والله على حسب شغلك فيها ناس تطلع بالشهر 5000 وناس يالله تطلع مصروفها ارزاق مهي دخل ثابت

ماتحس ان الأيجار غالي الشركات تستاجر بــ3 الاف

واذا بحثة تحصل بي 2000 و 2500 ويمكن تحصل اقل واكثر

وعلى فكره 3500 تستاجرها بسواقها ((وهذا عارض عليك الدينه فقط ))

واقصاد الدينه شهري مايتعدا 2000ريال اذا تبي وكاله وموديل جديد

وتقول موديلها 2005 بعد انصحك تسحب عليه وبالتوفيق ان شاء الله

مع اني ما اعرف شي في الدينات
لكن اشوف هالشروط بهالمواصفات فيها اجحاف بحقك
ومثل ما قال زيزو تشتريها اربح لك