مناقشة وظائف المدارس الاهلية في الرياض للبنات فقط

ساره انا · #**1571** (**permalink**) 11-03-2011, 08:05 PM

وانا معاكم ومع التقاعد المبكر
والله يبنات خواتي يقلون عندهم معلمات من كبر الوحده تصلي على كرسي
الله يهديهم يروحون يرتاحون ويقابلون بيوتهم وعيالهم
ويعطون الحر فرصه *

خريجة إنقلش · #**1572** (**permalink**) 11-03-2011, 09:57 PM

الله يرزق الجميع تعبت نفسياتنا من هالمدارس الاهلية
كل هالاسبوعين رايحة جايه واخرتها نتصل عليك
يالله الله يكتب اللي فيه خير لي ولكم

خريجة إنجليزي · #**1573** (**permalink**) 11-03-2011, 11:07 PM

بنات ياحلوين وين موقع مكتب الارشاد والتوجيه بالرياض وكيف اقدم عليهم فيه احد قد قدم عليهم وشكرا لكم

معطله · #**1574** (**permalink**) 11-03-2011, 11:50 PM

اول مشاركه لي هنا
عندي ملاحظتين بنات
1- اشوف المدارس كثير اعلاناتهم وتتكرريعني ممكن مدرسة تجلس تعلن اسبوع عن وظيفه وممكن اسبوعين
وهنا البنات يكونون محتاجين مدري يتصلون عليكم وانتم ترفضون ولاهم اصلا مايعجبهم شي
بصراحه استغرب وحدة حقت اليمامه والثانيه دار المعارف معقوله مالقو موظفات وهم طالبين حاسب ودين
كلها ياكثرهم هههههههههه
2- كثير تسئلون عن المدارس يعني وش رايكم بالمدرسه والبنات
اي نعم في ادارات شديده ويحومون الكبد ويجلسون لك على الوحده بس ترى ذا في كل مكان
يعني في كل مدرسه لازم تلقين موظفه نشبه اتحدى اي مدرسه يكونون كلهم كاملين لان كل وحده جايه من بيئه مختلفه ومن مكان مختلف
اجل لو جتكم حكوميه اللي صدق مديراتهم وبناتهم علل وش بتقولون مانبيها عشان المدرسه ادارتها كذا
انتي رووحي وقدمي نفسك وانسي كل شي
والبنات كل بنات ذا الجيل متمردات صراحه ومايعجبهم شي
غير كذا اعتقد كل مدرسه قبل توقع العقد فيه فتره 3 شهور او شهرين تجربه
واذا مافيه انتي اطلبي واذا ماعجبك الوضع اسحبي
بخصوص المدرسات العجايز والحمله انا معكم قلبا وقالبا
اذكر وحده كانت تقول تخيلو مدرسة تمهيدي تجلس على الكرسي بالحقله ههههههههههه
واللي تخصصها رياض اطفال بتعرف ان هالحركه غلط
امي تقول اشتغلو تقروون على الناس واي مدرسه تجي قوولي ترى فيك نفس اجلسي عن التدريس عشان تطيبين هههههههههههههه
آسفه على الرد الطويل العريض
بس شي في الخاطر
والله يرزقنا جميع ياارب

دراعة شانيل · #**1575** (**permalink**) 12-03-2011, 02:05 AM

على طاري التقاعد المبكر مدرسة اختي ثلاث ارباعهم تقاعدوا
بس للاسف ماوظفوا احد واعرف كثييير مدارس تقاعدوا معلماتهم
وللأسف ماوظفوا احد يقولون لازم المعلمة تكمل نصاب 29 حصه
وهذا اللي صاير في مدرسة اختي مافي المدرسة الا 11 معلمه
ورفضوا التوجيه يوفر لهم تعاقد او ندب ووزارة المالية رافضة التوظيف
والخدمة مانزلت وظايف وضعنا بالطوووشه

صعوبات تعلم · #**1576** (**permalink**) 12-03-2011, 02:05 AM

أختي معطلة عندي تعليق بسيط على نقطتك الثانية بخصوص سؤال البنات عن المدارس ..

والله فيه مدارس استغفر الله ماادري وش اقول عنها

طبعا المهم في المدرسة الادارة وووبس ... يعني مثلا انا مايهمني الطالبات ولا المعلمات

تهمني بالدرجة الاولى الادارة

ومن تجربة اقولك ... توظفت في مدرسة كان وضع الادارة مزري !

من حق البنات يسألون عن المدارس قبل لا يتوهقون ..

معلييش كانت محسستنا اننا بسجن , حتى السجن أهون !

صدق فيه مدارس تجيب لك الهم والاكتئاب استغفر الله , تكون جلستك بالبيت أصرف من مدرستهم

الله يرزقني ويرزقك ويرزق كل بنات المنتدى بالوظايف الحكومية يآربي ,,, ونرتااح فيها ,,,

اماني المستقبل · #**1577** (**permalink**) 12-03-2011, 02:18 AM

الله يعافيكم
مفيه احد يعرف مدرسه شموخ الاجبال

الاحساس الصامت · #**1578** (**permalink**) 12-03-2011, 03:06 AM

بخصوص موضوع الحمله ضد عجايز الحكووومي لازم ناخذ الموضوع على محمل الجد ونتكاتف كلنااا لان المعاناه وحده كلنا خريجات ونحمل مؤهلات وبتخصصات من ابدع ما يكون وهالي اعمارهم ستين معمرين على الكراسي ولا ازيدكم من الشعر بيت مامعهم شهادات جامعيه معاهد ويالله البركه ترا والله العظيم بيجيهم راتب تقاعد مدري المساله عناد ولا عبط صح هم يتحمل جزء كبير من المشكله بس وزاره الماليه ووزاره الخدمه ووزاره التربيه ياليت يتكرمون ويلتفتون للموضوع شوي ويعطونه اهتمام اكثر وبشكل جدي

خريجات اليوم بعقليات واعيه وتكنولوجيه معطلين بسبب تعليم بدائي
جداتي معلمات الحكومي متى ناوين !!!!!؟؟؟؟؟

ام وكلي هم · #**1579** (**permalink**) 12-03-2011, 11:13 AM

مراحب
كيف الحال بنات من زمان عنكن
يالله انا اضم صوتي معكم بخصوص التقاعد المبكر
تصدقون يابنات وحدة من صديقات امي مدرسة عجيز مهرية
وكل مأسأل الوالدة هاه ماتقعدت تقولي لا مطولة الاخت الله بس يرزقنا
بسألكم اليوم دقوا علي مدارس التربية الحديثة طالبين اجي اشرح في احد يعرف عنها شي
للمعلومية لي سنة متخرجة واول مدرسة تدق علي اه اه ماادري كيف بروح اشرح

ياكبر همي · #**1580** (**permalink**) 12-03-2011, 12:03 PM

برافووووووووووووووو عليكم يابنات لازم الحمله هذي تصير مين تتبرع وتفتح صفحه بالفيس بوك ؟ نبداها بالفيس بوك والمنتديات يالله دقت ساعه العمل دقت ساعه الزحف دقت ساعه الإنتصار إلى الأماااااااااااام إلى الأماااااااااام
>> كني تحمست

اقسم بالله مرتفع ضغطي من الديناصورات اللي مقعمزين على الكراسي من زماااان

إذا قاعدوهم غصب عنهم راااااح نص الحمل وانحلت أمور كثيره >> مرتفع ضغطها من الديناصورات في المدارس

خلاص شيلوهم محنا بحاجتهم خلاص احسن الله اليهم ويالله حسن الخاتمه يتركون المجال لنا ويقابلون احفادهم احسن لهم من مقابله بنات المدارس اللي ماعاد لهم نفس يقابلونهم ولاتعليم زي الناس ولا وسايل ولا اخلاق زي الناس خلاص منتي مجبوره اللي يستر عليك

يااااااااااااااااارب يقاعدونهم ويعطونا فرصه ياااااااااااااارب ياااااااااااااااارب
مكلتنا الوحيده في العجز ذولا لازم يشيلونهم لان الشباب روحهم افضل للتدريس وبيعطون أكثر ونشاطهم اكثر وعددهم اكثر

شدوووو الهمه ذولا لازم يشيلونهم احلف لكم بالله اعرف لكم قريبات لي متخرجين من معاهد والله انهم لايعرفون شي اسمه وسيله ولا هم يحزنون والشهاده من معاهد خرطي زمان
مو من حقهم مافيه مؤهلات ليش الحين يعقدونا ويتشرطون علينا والديناصورات مايتشرطون عليهم