مناقشة وظائف المدارس الاهلية في الرياض للبنات فقط

روزلالا · #**1771** (**permalink**) 24-03-2011, 12:58 PM

اقتباس:

المشاركة الأصلية كتبت بواسطة اماني المستقبل

[align=center]
السلام عليكم ورحمة الله وبركاته
مدرسه الاركان اتصلت عليهم بيون تدرس 4 مناهج
الثانوي كلهم و2متوسط يعني نصابك 24
تشوفو انها عادي عندكم؟
[/align]

عزيزتي عادي .... وجدا كمان
انا الحين بمدرسة ادرس فيها اول ثانوي وثاني ثانوي وثالث ثانوي
وكل فصل شعبتين
نصابي 20
ويعطونك احتياط لحد ماتوصلين 24
فخليك 24 من الاول احسن من وجع الراس في الاحتياط..........
كل المدارس تعطيك لكل المراحل ... عادي يعني ...
وعلى بالك راتب شي يناسب التعب مثلا !! 2000 ريال ..
بس طلب الخبرة هي الي ماسكتنا من يدنا ..
بس مشكلة الاركان لما كلمتني وسئلتها عن الراتب قالت معك خبرة قلت لأ
قال حسب استني شوي
ورجعت للخط تقلي 1700 ريال
لذلك اشوف 24 وراتب 1700 مرة قليل
انا 20 و2000 معقولة شوي
انا والله اخذت منها استفسار عن الراتب عشان اعلمكم هنا لاني ماراح اترك وظيفتي حاليا
لو حبيتي تغضي بصر عن 300 ريال طايرين مقابل خبرة لو فصل دراسي واحد لانها تفرق وقت التقديم
اتوكلي على الله وجربي
بالتوفيق

روزلالا · #**1772** (**permalink**) 24-03-2011, 01:06 PM

اقتباس:

المشاركة الأصلية كتبت بواسطة ظلال الحب

يعطيك العافيه(روز لالا ) على الاهتمام...هم كانو يبغوني اجيهم اليوم بس مارحت للاسف ماقدرت..خساره مدرسه حلوه وراقيه..لكن ظروفي الان ما تسمح لي ادرس واتحمل مسئوليات...لكن للي حابه تروح لهم هم محتاجين مدرسة احياء...تراسلني باسرع وقت واعطيها رقم الموظفه اللي اتصلت علي

عفوا عزيزتي عن اي مدرسة تتلكمين ؟
مدرسة الأوائل او مدرسة الأركان ؟

لو الاركان الحين نتكلم بدون خبرة رواتبهم 1700 بنصاب 24 وتدريس 4 مناهج
لو الأوائل قرأت من وحدة تقول بالمنتدى ان المدرسة كلها كاميرات !!!!!!!!!! معقولة !!!

للبطاله عنوان · #**1773** (**permalink**) 24-03-2011, 01:10 PM

بنات اتمنى منكم المشاركه في حملتنا على الفيس بوك

اسمها( تجمع معلمات المدارس الأهلية للمطالبة بحقوقنا)

الميآسه · #**1774** (**permalink**) 24-03-2011, 01:34 PM

مدارس الشمس شرق الرياض طالبه معلمة انجليزي عاااااااااااااااااااجل

مس دوودي · #**1775** (**permalink**) 24-03-2011, 05:33 PM

بسالكم الحين انا لي 6 شهور بمدرسة اهليه

لو تركتها وكملت بمدرسة ثانية هل تجمع الخبرة مع بعضها

والا لا ؟؟؟؟؟

ابي اعرف والا تروح علي اللي قبل والا ايش

مع العلم اني الى الان ما اختبرت اختبار التوجية

منتهى الشوق · #**1776** (**permalink**) 24-03-2011, 08:49 PM

بنات لازم نروح نختبر في التوجيه اذا بغينا ندرس في مدرسة أهلية ؟؟؟

للبطاله عنوان · #**1777** (**permalink**) 24-03-2011, 08:53 PM

8 8 8

مس دودي:

على حسب كلام مشرفه في مركز التوجيه

تقول الخبره تنحسب لو هي اسبوع

بس انتي اسأليهم تأكدي لان مثل ماانتي عارفه

كل مدرسه اهليه تطلع قرار على كيفها

منتهى:

انا درست بأهلي بعدين هم نفس المدرسه رفعوا اسمي للتوجيه

وواعدوني يوم واختبرت..

حلى قهوه · #**1778** (**permalink**) 24-03-2011, 10:58 PM

عـــــــــــــــــــــــاجل
بنات الله يسعدكم
مدرسة علوم الرياض(ثانوي ومتوسط) كيف هالمدرسه وكيف نظامها ؟؟؟
تنصحوني فيها ولا لا
بليز اللي تعرف ترد علي بسرعه

شمعه مضيئه · #**1779** (**permalink**) 24-03-2011, 11:59 PM

السلام عليكم ورحمة الله وبركاته..
عندي إستفسار عن مقابلات مستشفى الحرس الوطني لأن جتني رسالة منهم وقالوا عندي مقابله وراح يسوون لي إختبار إنجليزي مبدئي وبصراحه خايفه ومو عارفه إيش تتضمن مقابلتهم وعن إيش الإختبار؟؟؟
فاللي عندها خلفيه عن مقابلات مستشفى الحرس ياليت تفيدني
وأكون شاكرة لها..